YEHEZKIEL 24:22 - KITAB NU TUMPU ALLA LELE MA'IMAI'

²² Lantas belemiu mombaumo susumo anu binaungkumo uuka aiya. Belemiu madi'mo daagi' mongkukumbungi ohup nu belemiu kabai mongkaan roti anu binau tempo'nyo ko anumo sinilaka.

YEHEZKIEL 24:22 ပူးပေါင်းရင်းမြစ်များ

AYUB 27:15

To julu-julunyo anu daagi' tutuu' silakamo nu panyakit anu molele, ka' to balu-balunyo madi'mo mohangi aha.

MAZMUR 78:64

To ima-imam nu aha pinateanmo nu bajak, to balu-balu nu aha madi'mo noko ala nontando'i.

YEREMIA 47:3

Aha mohongomo galupak nu ajahan, tiba daladak nu kareta ka' mule' gelegek nu bolanyo. Mian to tu'a-tu'anyo lusekmo na butong nu aha ka' madi'mo daagi' sola' montutugi to ana-anak nu aha.

YEHEZKIEL 24:21

da mompoto'i potuunon aiya hi belemiu: Belemiu montakabunakonmo Kahosonan nu Laigan nu Tumpu. Belemiu mongka'ima'i montonto'i ia ka' sola' mamba hi ia, panyo nu pohumimi'mo na Laigan-Nyo. Ka' belemiu salaigan anu daagi olitau ka' daagi langkoyang daagi' jinojoong mae i Yerusalem, opateimo i uno nu pahampatean.

YEHEZKIEL 24:23

Belemiu madi' lumajang de madi' mingkukumbung kabai madi' minsolop kabai madi' tumando' kabai madi' humang. Belemiu ko susa-susa'nyomo kalana dosa-dosa' nu belemiu atina'; belemiu mompaha soso-sosolimo samian ka' samian.

IMAMAT 13:45

De ko mian anu kinonamo nu panyakit kilit anu monsilakai tionyo ahi' mompusok baju' anu mobea-beak ka' mompojohokmo ubaknyo tapuhakak. Ia tionyo ahi' mongkukubi aluknyo nu ohupnyo ka' lewa' moloboo', “Nahumimi'mo! Nahumimi'mo!”