YEHEZKIEL 24:16 - KITAB NU TUMPU ALLA LELE MA'IMAI'

¹⁶ “O, manusia anu madi' tumuu' batu, monti-montiik ahi' Ku alamo na mian anu talalo hondo nu kanonongi. Panyo beleyum madi' timbali montando'i kabai mohangi kabai mompojuju lolu' nu beleyum.

YEHEZKIEL 24:16 ပူးပေါင်းရင်းမြစ်များ

YEREMIA 22:10

O mian nu Yehuda, bolimo daagi' susa' ka' molibos kalana i Tomundo' Yosia sinilakamo. Anu ohangi ola ahi' i Yoahas anaknyo momo'ane kalana ia binoamo ka' madi'mo daagi' minsusule' mae. Tano' kinahampeannyo madi'mo daagi' nu toa.

YEREMIA 13:17

De belemiu madi' mongka'oho' mompotombihing saba' ku haangimo hoko-hokot. Tiba kinyonyoa anu malibos hondo ku haangimo na buulon nu belemiu ati-atina'. Lolu'ku jumujumo kalana mian anu palasayamo hi Tumpu oboamo salaku mian anu ihakopmo.

1 TESALONIKA 4:13

To Utu-utus, okahanda'i mami na komiu da monsumbu' anu sahondo-hondonyo kona hi aha to mia-mian anu sinilakamo; da komiu boli susa' na kinyonyoa sumo to mia-mian sangga'at anu madi' ko anu otaha'imani.

YEHEZKIEL 24:18

Daagi' subu-subu aku notataemo hi bansa aijo' ka' salatan pinihimo bengkele'ku sinilakamo. Dodododopnyo binaungkumo apaa na anu pinalentahkonmo mae hi belengku.

NYANYIAN ANU TALASANGGO 7:10

Aku aiya sindua'ankumo na tumpunyo, ia mongka'ima'i aku.

MOHAANGI 2:18

O to paga-pagan mesen nu Yerusalem, poloboo'mo hi Tumpu momoita tulung! Jujuhakonmo na lolu' susumo kaunyo moili sinaa pihi. Sabole-bolemo humaang bolimo belenti sampe butong nu beleyum lu'usmo!

YEREMIA 16:5

Boli mamba hi aha mian anu hau-haunyo ko anumo sinilaka hi aha aijo', o Yeremia. Boli susa' maumo pa' ihe na sinilaka. Aku madi'mo daagi' mombalakati mian anu palesayamo hi beleng-Ku da mohumpak kantumuu'an ma'ima', ka' mule' madi'mo ahi' mompotoa kanonongan kabai mongkalibosi aha.

YEREMIA 9:18

Mian nu Yehuda notataemo, “Pokaumo na aha da sampamo monyanyiakon nyanyian anu onyanyi de ko anumo silaka, da kita iwi-iwi' mohongo, da lumelepmo mae na lolu'to mohumpisi gagisingto.”

YEREMIA 9:1

Ma'ima' hondo de ubaku sumo bubung anu pinobuke'anmo nu uee, ka' mataku sumo soluduk anu saja' mo ili na ueenyo! Sahingga aku timbali saja' humang sinaa tiba pihi, mohangi to mia-mian bubuu' bansangku anu pinateanmo nu sampobali'.

AMSAL 5:19

anu talalo langkoyang ka' mahalumpatan susumo kijang. Handanyo nu butongnyo saja' monggoda kinyonyoa nu beleyum da saja' beleyum mongka'oho' moduhus tiba ia sahingga beleyum ma'osa mombau da beleyum timbali sumo anu malangu.

AYUB 36:18

Jaga ma'i-ma'ima' boli beleyum nu akali nu doi anu bau mae pontamboi; boli beleyum sala' na bapikin kalana nusaduakonmo nu kakaya'an.

YEREMIA 22:18

Kalana aijo' mongkona i Yoyakim tomundo' nu Yehuda, anak momo'ane i Yosia tinaloakonmo nu Tumpu sumo uuka, “Ia silaka madi'mo ohangi; madi'mo daagi' ko anu motatae, ‘Paya' na sangalungku, paya'.’ Madi'mo daagi' ko anu susa' kalana molibos kabai moloboo', ‘Paya' na anu obagi tumpu!’

YEHEZKIEL 24:15

Tumpu notataemo mae hi belengku,

IMAMAT 21:4

Ia madi' timbali mohumimi'i butongnyo kalana mongatuhimo pongkubulan julu nu bengkele'nyo.