YEHEZKIEL 24:14 - KITAB NU TUMPU ALLA LELE MA'IMAI'

¹⁴ Aku, Tumpu Anu Matangkas na Kuasanyo notataemo. Tinokamo na tempo'nyo na Aku mohukumo. Madi' Ku kolilimi' na dosa' nu beleyum ka' madi'mo daagi' mongampuni kabai mongkalibosi beleyum. Beleyum ohukumo sitimbang tiba palabuatan nu beleyum iwi-iwi'. Aku, Tumpu Anu Matangkas na Kuasanyo notataemo.”

YEHEZKIEL 24:14 ပူးပေါင်းရင်းမြစ်များ

AYUB 27:22

Balaa' anu nontuda'imo ia aijo' madi'mo nonginau' kalibosan, jadi bemanau' sahanyo ahi' nopalaimo molio paninsulukan.

MAZMUR 33:9

Kalana Ia notatae, lantas iwi-iwi' pinotimbalimo Ia nompalentahmo, sahingga iwi-iwi' daagi'mo.

YESAYA 3:11

Panyo silakamo na mian anu ma'idek na kinyonyoanyo! Aha osakisamo susumo aha nonsakisamo mian sangga'at.

YESAYA 55:11

sumo atina'mo suele na potatae anu tinaeakon-Kumo mai' mobalik mae hi beleng-Ku ola palasuma panyo ko hasinnyo mombau apaa na anu Ku kahanda'i, ka' montokai iwi-iwi' na anu Ku kahanda'i.

YEREMIA 13:14

Lantas aha Ku podukumo hi samian ka' hi samian. Mian anu tu'amo tiba mian anu ma'isa tu'nyo Ku baumo susumo aijo madi'mo daagi' ko ampunnyo. Aha Ku silakaimo madi'mo daagi' mongkalibosi kabai mongkanonongi. Aku, Tumpu, notataemo.”

YEREMIA 23:20

Tambuha'-Nyo madi' momohokot de ma'isa pe'e iwi-iwi' jadi na anu tinanga'an-Nyomo. Saidi' mae imihinyo mian anu palesayamo hi Tumpu mangalati'je totu-totu'u han aijo'.”

YEREMIA 4:18

O Yehuda posi beleyumo na nompotoka mae balaa' aijo' hi posi butong nu beleyum. Bau-baunyo nu kantumuu'an nu beleyum tiba palabuatan-palabuatan nu beleyum nonsaduakonmo iwi-iwi' na kansalasala'an aijo' anu nonsusukmo kinyonyoa nu beleyum.

YEHEZKIEL 16:43

Aku mohukumo beleyum kalana beleyum madi'mo daagi' nonginau'mae mosia na Aku nompalakaimo beleyum tempo'nyo nai puan mae daagi' ise'. Palabuatan nu beleyum ma'i-ma'idek atina' na nonsabapi Aku nontambuha'i beleyum. Kadaka' palabuatan nu beleyum anu oka-okahegati atina' iwi-iwi' daagi' mule' nu paka tuangi nu palabuatan masala'? Aku Tumpu Anu Matangkas na Kuasanyo notataemo.”

YEHEZKIEL 17:24

Iwi-iwi' na kau' anu daagi' ilipu' nu mian saidi' mae mangalati'je taalu' Akumo ahi' na Tumpu. Kau' anu matangkas Ku taa'mo; kau' anu hede' Ku potumuu'mo da matangkas hondo. Kau' anu tumuu' molunou Ku pomanggasmo hondo-hondo; ka' mule' kau' anu nanggasmo Ku potumuu'imo sumpenyo ka' bunganyo. Aku, Tumpu, notataemo, iwi-iwi' na potataeng-Ku saidi' mae tionyo ahi' jadi.”

YEHEZKIEL 18:30

Tumpu Anu Matangkas na Kuasanyo notataemo, “O, to mia-mian nu Israel, Aku mombee'imo kaputusan hi toto samian sitimbang tiba palabuatannyo. Bolimo daagi' mombau iwi-iwi na dosa' nu beleyum. Boli opojohok na dosa' nu beleyum mohansunimo butong nu beleyum.

YEHEZKIEL 22:31

Kalana aijo' uuka aiya Ku potudunmo na tambuha'-Ku hi aha, ka' susumo apu Ku toyo'imo na aha kalana iwi-iwi' na palabuatan nu aha Aku, Tumpu Anu Matangkas na Kuasanyo notataemo.”

YEHEZKIEL 23:24

Aha tokamo mae montumbuhi beleyum lengkat mae isasu utara, suludadu nu aha manjoo' hondo tiba kareta-kareta anu bau pahampate, ka' mule' kareta-kareta anu momboa mantu. Kanta tiba songko anu ko aja' na mongkukubi aha de aha montumbuhimo beleyum. Ku pojohokmo na aha da mombee'imo hukuman hi beleyum susumo koonyo nu atulan nu aha.

YEHEZKIEL 23:29

Kalana aha nongka'idekimo beleyum, sahingga iwi-iwi' na lawe nu beleyum nu agoimo nu aha. Beleyum opala'imo langgo-langgo' madi'mo daagi' ko hude i butong nu beleyum salaku mian anu saja' masala' ka' sola'mo nu toa nu mian da'isan. Napisu taha-tahahu majota hi mo'ane ka' sola' masala' na beleyum

YEHEZKIEL 24:15

Tumpu notataemo mae hi belengku,

YEHEZKIEL 30:9

De sinaa aijo' tokamo mae ka' Mesir hansunmo, Ku saimo na mian osake' ikapan da mompotolokengkeng aha mian nu Sudan anu madi' ko sangka'an ko sampobali mae toka, sahingga aha mabuhukmo hondo. Memang totu'u sinaa aijo' tokamo mae!”

YEHEZKIEL 36:19

Aha Kuhukumo sitimbang tiba kalakuan nu kantumuu'an nu aha, ka' aha Ku ga'a-ga'atakonmo mamba ilipu-lipu' nu mian anu isali'an.

YEHEZKIEL 5:11

Aku aiyamo na Tumpu anu tumuu', Tumpu Anu Matangkas na Kuasanyo, ka' aiyamo na potataeng-Ku: Kalana beleyum nohumimi'imo Laigan-Ku nu palabuatan nu beleyum anu ma'idek ka' anu okahegati, Ku hansunimo na beleyum madi'mo ko ampunnyo.

YEHEZKIEL 7:3

Tumpu notatae, “O, Israel, uuka aiya tinokamo na ka ahenannyo nu beleyum. Beleyum mongoa'imo tambuha'-Ku. Kuputusimo na hukuman nu beleyum sitimbang tiba palabuatan nu beleyum mahu-mahumimi' atina'.

YEHEZKIEL 7:4

Aku madi'mo daagi' molibos kabai mongampuni beleyum. Aku mohukumo beleyum sitimbang tiba iwi-iwi na palabuatan mahu-mahumimi' nu beleyum atina'. Sahingga nu sumbu'je nu beleyum taalu' Akumo ahi' na Tumpu.”

YEHEZKIEL 7:8

Madi'mo daagi' pin na belemiu mongoa'imo tambuha'-Ku anu taha-tahahumo. Ku putusimo na hukuman nu beleyum sitimbang tiba palabuatan nu beleyum. Ku balosakonmo hi beleyum iwi-iwi na palabuatan nu beleyum anu talalo mahumimi'.

YEHEZKIEL 7:9

Aku madi'mo daagi' molibos kabai mongampuni beleyum. Aku mohukumo beleyum sitimbang tiba palabuatan iwi-iwi' anu mahumimi' bibinaumo nu beleyum. Sahingga nu sumbu'je nu beleyum taalu' Akumo ahi' na Tumpu ka' mule' Akumo ahi' na mohukum beleyum.”

YEHEZKIEL 8:18

Aha mongoa'ije tambuha'-Ku anu taha-tahahumo! Aku madi'mo daagi' mongampuni kasala'an nu aha. Maunyomo ahi' aha' moloboo'akonmo mae daka-daka' do'a nu aha hi beleng-Ku, panyo Aku na madi'mo ahi' mongka'oho' mompotombihing!”

YEHEZKIEL 9:10

Aku madi'mo mongkalibosi aha. Ku baumo hi aha apaa na anu binaumo nu aha hi mian sangga'at.”

ZAKHARIA 8:14

Tumpu Anu Daka na Kuasanyo notataemo, “Tempo'nyo mompolee' nu belemiu nonsaduakonmo Aku da pinusa, tinantukan-Kumo da opiboatimo na mohukum aha. Aku madi'mo mombabali'i katantuan-Ku aiya, panyo osidahimo ahi'.

NOMBILANGMO 11:23

Tinaaman nu Tumpu, “Apaa kakuasa'an-Ku ko batasnyo? Beleyum sampaje montoa pa' anu Ku taloakon aijo' totu'u kabai madi'!”

NOMBILANGMO 23:19

Tumpu Allah madi' sumo manusia anu sampa mompele-pele' ka' mongka'ima'i baleko'. De Tumpu Allah balajanji' sabole-bole Nu ganapi! De Ia motataemo tantu tionyo ahi' jadi!

MATIUS 16:27

Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

MATIUS 24:35

Langit ka' tano' lanjap, panyo potataeng-Ku tataap sampe toka sidu-sidutu'.”

1 SAMUEL 15:29

Anu Talasanggo hondo Tumpu Allah nu aha Israel madi' baleko' ka' madi' mule' mombabali'i apa na anu tinaloakon-Nyomo, kalana Ia misa' manusia.”