YEHEZKIEL 24:12 - KITAB NU TUMPU ALLA LELE MA'IMAI'

¹² Panyo madi' iwi-iwi'mo na ataknyo nu toyo'imo nu apu.

YEHEZKIEL 24:12 ပူးပေါင်းရင်းမြစ်များ

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

YESAYA 1:5

Kadaka' belemiu me saja' monggagakon? Mongka'oho' na belemiu da o hukum nu anu lebe talalo maboat hondo? Ubak nu beleyum sinongkomo nu kumahut anu minana' ka' mabusik, ma'idekanmo na kinyonyoa nu beleyum ka' pikilan nu beleyum.

YESAYA 47:13

Beleyum malawemo kalana manjoo'mo na pokinde'. Pokau da toka mae na to mia-mian anu saja' mongkila kila; mian na momposalamat beleyum, aha anu sola'mo nonselidiki iwi-iwi na langit songko-songko, ka' lewa'mo nonggulu'i apaa na alati'nyo nu mandala' toto sa'angu'. Ka' salatan bitu'onmo anu sala'je mae bete' mongkila-kilamo apaa na anu jadi ibutong nu belemiu.

YEREMIA 13:27

Tinoang-Kumo na belemiu nombau hahan anu Ku ka'ideki. Tinoang-Kumo na belemiu nololoi' to pilo-pilogot sangga'at ipuge'nyo tiba i ale', sumomo ahi' samian na mo'ane anu nongka'ima'imo bengkele' nu mian sangga'at kabai sumomo ahi' ajahan tinokamo na napisunyo hi ajahan behenyo. O mian anu jojoong i Yerusalem, silakamo na belemiu! Hipianje na belemiu madi'mo mombau palabuatan iwi-iwi' anu ma'idek?”

YEREMIA 2:13

Mian anu palesayamo hi belengku nombaumo ohua' na ngahan nu dosa': aha nohikumo mae Aku, mata nu uee anu mombee'i kantumuu'an hi manusia; aha nombaumo kolam nu butong nu aha, kolam anu losut madi' moko ala montahan ueenyo.”

YEREMIA 5:3

Anu sahondo-hondonyo ahi' nu tuntut nu Tumpu aijo'mo tulu-tulutan. Tumpu nondokemo belemiu panyo madi' ahi' opajuli nu belemiu. Ia nohansunimo belemiu panyo belemiu madi' mongka'oho' opokinde'i. Belemiu panggaga hondo ka' madi' mongka'oho' balatobat mompala'i dosa-dosa' nu belemiu.

YEREMIA 51:58

Pagan mesen nu Babel toto hoso-hoson Ku hansunimo sahingga mahatamo susumo tano'. Sabatannyo daka-daka' toto tangka-tangkas Ku papumo sampe motanggotmo hondo. Ola pinalasuma' na lawe nu to bansa-bansa, kalana apaa na anu kinalajamo nu aha ola nu kaan nu apu. Aku, Tumpu Anu Mahakuasa notataemo.”

YEREMIA 6:29

Monsuang na sukupmo ahi' na kopanasnyo panyo kotolan nu logam na madi' ahi' mongka'oho' mo'ena ka' mohontang. Palasuma na saja'mo monguji' mian anu palesayamo hi beleng-Ku da belesi'mo kalana aha mian anu toto ide-idek na kalakuannyo madi' o alini.

YEREMIA 9:5

Iwi-iwi' mompaha aka-akalimo madi'mo ko anu motatae sahondo-hondonyo. Nganga' nu aha kinobisa'nyomo nu baleko' madi'mo nu poko pala'i nu aha na dosa' nu aha. Buhingison nompaka buhingisonmo mongakali nompaka pongakalimo sabole-bolemo saja nu bau nu aha aha madi'mo hondo-hondo montalima Tumpu.

YEHEZKIEL 24:13

O, Yerusalem palabuatan nu beleyum pala-palaganta aijo' nohumimi'imo butong nu beleyum. Aku, nompisobamo nompobelesi' beleyum panyo madi' ahi' kinogunanyo, kalana bele nu tataap ahi' mahumimi'. Beleyum madi'mo po ule' belesi' sahingga Ku potudunmo na tambuha'Ku hi beleyum.

YEHEZKIEL 24:6

Tumpu Anu Matangkas na Kuasanyo notatae, “Silakamo na kota' anu nobuke'mo nu mian anu saja'mo nompatei aijo'! Kota' aijo' sumomo ahi' kuhon anu ingatakonmo anu madi'mo toho' ginegesan. Antok nu binatang anu aijo' i unonyo toto sampadot na osangku' mae sampe mingkotmo iwi-iwi' madi'mo daagi' ko anu kiijo' i unonyo.

HOSEA 12:1

Tumpu notatae, “Bansa Israel montikubi mae Aku padahan baleko' ka' mongakali; bansa Yehuda tataap panggaga hi belengku Tumpu Anu Susi ka' manonong.

HABAKUK 2:13

Iwi-iwi' na bansa anu pinatundu'mo nu beleyum pagala binala usaha panyo madi' kinogunanyo, ka' iwi-iwi' na anu pinotinjonyo nu aha ola ningkot notoyo' nu apu. Iwi-iwi' aijo' pongka'oho' nu Tumpu Anu Daka' na kuasanyo.