YEHEZKIEL 23:5 - KITAB NU TUMPU ALLA LELE MA'IMAI'

⁵ Maumo ahi i Ohola tinimbalimo bengkele'-Ku panyo ia tataap ahi' saja' masala' ka' talalo ahi' saja' majota na labot molayani to sinta-sintanyo anu lengkat mae i Asyur.

YEHEZKIEL 23:5 ပူးပေါင်းရင်းမြစ်များ

1 TOMU-TOMUNDO' 14:16

Nu pala'imo nu Tumpu na Israel kalana i Yerobeam binaladosa'mo sahingga nonsaduakonmo suele Israel binaladosa'mo.”

1 TOMU-TOMUNDO' 14:9

Panyo beleyum nombaumo kalakuan anu lebe ma'idek molingkudui apaa na anu binaumo nu aha anu nompalentahmo tempo'nyo ma'isa pe'e kino beleyumnyo nompalentah. Beleyum nohikumo Aku sahingga Aku pinusamo kalana nombaumo bapilogotan ka' mule' to pato-patong tambaga da osombah.

1 TOMU-TOMUNDO' 15:26

Susumo tuumanyo anu nompalentahmo ma'isa pe'e kino ianyo, ia mule' suele nombaumo kalakuan anu ma'idek i mata nu Tumpu, sahingga nonsaduakonmo mian nu Israel nombaumo dosa'.

1 TOMU-TOMUNDO' 15:30

I Yerobeam binaladosa'mo ka' nonsaduakonmo mian nu Israel suele binaladosa'mo. Tiba han sumo aijo' sahingga i Yerobeam nonsaduakonmo da Tumpu Allah anu nu sombah nu mian Israel notambuha'mo.

1 TOMU-TOMUNDO' 21:26

I Ahab nombaumo to dosa-dosa' anu talalo ma'idek; ia nonsombahmo pilogot susumo anu lewa' nu bau nu mian Amori, aijo'mo to mia-mian anu i laa'mo nu Tumpu nosabat i Kana'an tempo'nyo mian nu Israel nompinsopimo lipu' aijo'.

2 TOMU-TOMUNDO' 15:19

Tempo'nyo i Pul tomundo' nu Asyur nontumbuhimo Israel, binee'anmo i Menahem na ia 34.000 kilogram na salaka da ia montulungi i Menahem da sabole-bole ia mompalentah Israel, ka' mongkuasai Israel.

2 TOMU-TOMUNDO' 16:7

I Ahas nonsaimo mian namba hi Tiglat-Pileser tomundo' nu Asyur, pinotuunyo sumo uuka, “Aku posaihon nu belento anu tulu-tulutan; kalana aijo' ku poita sabole-bole hondo toka mae potuu'akon na aku da boli nupatei i tomundo' Siria ka' i tomundo' nu Israel anu nontumbuhimo mae aku aiya.”

2 TOMU-TOMUNDO' 17:3

Ia pinahampateakon ka' pinatundu'mo i Salmaneser tomundo' nu Asyur sahingga sataun toka sataun ia tionyo ahi' mombayan hasin hi ia.

YEREMIA 50:38

Otimo na kaunyo nu aha iwi-iwi' ka' ale' nu aha! Kalana Babel nobuke'mo nu bapilogotan nu aha anu okahegati, anu nonsaduakonmo to mia-mian anu monsombah ia iwawengmo.

YEHEZKIEL 16:28

Panyo beleyum ma'isa ahi' ma'osa; mokonyo aijo' sola'mo nu loloi' na aha mian nu Asyur. Beleyum tinimbalimo mian anu saja' masala' tiba aha, panyo madi' ahi' nu osai mae nu aha.

YEHEZKIEL 16:37

Kalana aijo' anu toho'mo nonsinta beleyum, iwi-iwi' Ku posihukmo, mau anu nu ka'ima'i nu beleyum mau anu nu ka'ideki nu beleyum. Aha tuminjoje saidi' mae montikubi beleyum ka' mongukatakonmo iwi-iwi' baju' nu beleyum sahingga timbalimo nu toa nu aha songko-songko na butong nu beleyum anu ilanggo'mo atina.

YEHEZKIEL 23:12

I Oholiba suele talalo ahi' mongka'ima'i aha to mia-mian nu Asyur haha aijo' aijo'mo to oli-olitau anu olitau hondo na butong nu aha, te to sulu-suludadu anu monsake'i ajahan, to mia-mian daka' ka' mule' anu toto tangka-tangkas na pangkat nu aha, ka' mule' suludadu anu mibaju' mae pokakana na buhitnyo momea' mingkamumu'.

YEHEZKIEL 23:16

Salatan nu toamo i Oholiba na gambalan haha aijo' sinsumbu'mo na jotanyo anu taha-tahahumo, lantas nu pakatumo na sulat bau polaga suludadu nu Babel anu toto tangka-tangkas na pangkatnyo.

YEHEZKIEL 23:20

Ia talalo ahi' majota hi to momo'ane anu talalomo nu toka nu majota susumo jota nu ajahan. (

YEHEZKIEL 23:4

Utus tumpe sanggonyo i Ohola; iamo na nolambangakon Samaria. Utusnyo ise' sanggonyo i Oholiba; iamo na nolambangakon Yerusalem. Aku nongosoaimo aha ka' nohumpakmo anak hi aha ua-ua'aha aijo'.

YEHEZKIEL 23:7

Tibamo aha to mia-mian daka' haha aijo' na i Ohola masala'. Pakalaus mule' kalana ia talalo ahi' majota, ia nohumimi'i mule' ahi' butongnyo nononsombahmo to pilo-pilogot nu aha.

YEHEZKIEL 23:9

Kalana aijo' Ku bee'mo na ia hi to sinta-sintanyo, aijo'mo aha to mia-mian nu Asyur anu saja' ahi' nu ina-inau'.

HOSEA 10:6

Pilogot aijo' oboamo i Asyur da opalasenakonmo hi tomundo' anu talasanggo aijo'. Israel nontulutimo tanga'an anu nonsaduakonmo da nohumpak ambang ka' mule' kinokojoanmo.

HOSEA 12:1

Tumpu notatae, “Bansa Israel montikubi mae Aku padahan baleko' ka' mongakali; bansa Yehuda tataap panggaga hi belengku Tumpu Anu Susi ka' manonong.

HOSEA 5:13

Bansa Israel tiba bansa Yehuda sininsumbu'mo i kalakuan nu aha anu ma'i-ma'idek aijo' sahingga Israel nambamo i Asyur momoita bantuan hi tomundo' anu talasanggo. Panyo tomundo' aijo' madi' noko ala nontulungi kabai nompoko ima'i palabuatan nu aha.