YEHEZKIEL 23:41 - KITAB NU TUMPU ALLA LELE MA'IMAI'

⁴¹ Lantas aha sinumuhangmo ikamale'an anu ma'ima'an. I ahopnyo kaho kaanon anu pinosadiamo, tiba kamangian ka' lanya' nu zaitun anu binee'-Kumo hi aha.

YEHEZKIEL 23:41 ပူးပေါင်းရင်းမြစ်များ

ESTER 1:6

Popasan nu laigan nu tomundo' pinaha bunga-bunganmo nu gorden te hude katun anu buhitnyo mobilu' tiba mopute', pinutan nu kahohon lenan anu ma'ima' hondo ka' buhitnyo mingkamumu' ka' pinaha pokaitanmo to gala-galangnyo anu salaka na tinutuk anu pinaha posoopmo i ohi'batu anu mahan na olinyo. I patuunyo aijo' na pinaha pompo una'an iwi-iwi' na koi mosoni' tiba koi salaka ka' ilatasan na salo nu anu binunga-bungan nu pualam mopute', hablur momea', kilit nu mutiara anu jongkilaban tiba batu pirus anu mobilu'.

YESAYA 57:7

Belemiu mamba ibawo nu bungkutnyo da monsombahkon koloban ka' mompopuas napisu nu belemiu.

YESAYA 65:11

Panyo misa' sumo aijo' na nasib nu to mia-mian anu nompala'imo Aku, anu madi' mompajuli Sion, puge'-Ku anu susi', anu monsombahkon kaanon hi Gad ka' hi Meni to pilo-pilogot nu ka'untungan ka' nasib nu mian.

YEREMIA 44:17

Iwi-iwi' na anu jinanji'mo mami, tionyo ahi' obaumo mami. Kami saja'mo ahi' monsombahkon koloban hi Tomundo' boune nu Suluga' ka' mondudu'akon anggur salaku palasombahan hi ia susumo anu biasamo nu bau nu aha ikota-kota' Yehuda ka' ijalan-jalan ikota' Yerusalem nu aha mompolee' mami, tiba aha to tomu-tomundo' ka' to mia-mian anu kopangkatnyo aijo'mo pamalentah mami ka' mule' ahi' kami. Tempo'nyo aijo' manjoo' hondo na anu okaan mami, kami mohumpakmo kamajuan ka' madi'mo ko anu okasusa'akon mami.

YEHEZKIEL 41:22

Kotangkasnyo sa'angu' ka' mintonga' na meten, ka' kobolanyo sa'angu' na meten. Pasu'nyo iwi-iwi', salonyo tiba pimpi'nyo te kau' na binau. Mo'ane aijo' notataemo mae hi belengku, “Aiyamo na meja' anu i ahop nu katokaan nu Tumpu.”

YEHEZKIEL 44:16

Ola aha na timbali minsoop i uno nu Laigan-Ku mombau anu Ku palentahkon okalaja kiijo' i mezbah-Ku ka' mompimpin anu monsombah mae i Laigan-Ku.

YEHEZKIEL 6:13

Bangke' nu mian anu singkapmo sinilaka motanatamo aijo' itampat-tampat bapilogotan tiba itampat-tampat mezbah, ka' mule sika-sika timpasmo aita' i puge'nyo toto tangka-tangkas, ka' mule' aita' ibawo nu bungkutnyo, ka' mule' ipatuu nu kau' anu toto tambo-tambok na honnyo, ka' mule' i patu nu kau' anu toto daka-daka' na batangnyo, o'alamo kodo-kodo' na sisik, iyaya mae na tampat anu sola' pontunuan nu aha koloban anu nu sombahkon nu aha hi pilogot. Sahingga toto samian monsumbu'je taalu' Akumo ahi' na Tumpu.

AMOS 2:8

I tampat-tampat pogalejaan, mian haha aiyo' hoyot tiba baju' anu nu ala nu aha hi mian kasiasi pinombayan samaya'. I Laigan nu Tumpu, aha monginum anggur anu ingala hi mian anu ko samaya' hi aha.

AMOS 6:4

Silakamo na belemiu anu male' i kamale'an anu to ima-ima', ka' nombaumo bau-bauon nongkolotmo sapi' tiba domba anu daagi' bata'nyo!

MALEAKHI 1:7

Tiba jalan nongkolobanakonmo anu okaan anu madi' pantas okolobanakon i mezbah-Ku. Lantas pinokilawamo nu belemiu, ‘Tiba jalan mosia na kami madi'mo nompajuli Belento?’ Tiba jalan nohenyuimo mezbah-Ku.

1 SAMUEL 28:23

I Saul madi' nontuluti ka' notatae tukoonyo, ia madi'mo mongka oho' mongkaan. Panyo salatan suele to mia-mian anu ko pangkatnyo sabole-bolemo nongkakaase ia; tinulutannyomo ahi'. Ia tinuminjomo ka' sinumuhangmo i sambale.