YEHEZKIEL 23:3 - KITAB NU TUMPU ALLA LELE MA'IMAI'

³ Daagi' aha lalangkoyang aha jinojoong i Mesir. Ikiijo' mae aha madi'mo pinarawan, lantas aha tinimbalimo anu saja' masala'.

YEHEZKIEL 23:3 ပူးပေါင်းရင်းမြစ်များ

YEREMIA 3:9

ka' madi' hondo-hondo mongoa'i ambang. Ia nasala' kalana nonsombahmo batu tiba kau'sahingga lipu' aiya nahumimi'mo.

YEHEZKIEL 16:15

Panyo sinala'mo na beleyum nonggunakon butong nu beleyum anu sumo atina' na kohandanyo ka' mule' sanggo nu beleyum titinalasanggomo atina'. Yayamo na mo'ane anu motulu beleyum moduhusmo tiba ia.

YEHEZKIEL 16:22

I uno nu kantumuu'an nu beleyum anu okahegatimo salaku mian anu saja'masala' susumo aijo', mau sangkiding pe'e madi' tonginau hi beleyum na beleyum daagi' ise' naipuan mae anu ihikuhakonmo, tempo'nyo beleyum langgo-langgo ka' lewa' mongkohenggo ka' kahomo baso' na butong nu beleyum.”

YEHEZKIEL 20:7

Pinalentah-ngKumo na aha da mongalin iwi-iwi na patong anu okahegati anu nu ka'ima'i nu aha aijo', ka' tinewa'-Kumo na aha mohumimi'i butong nu aha nu palabuatan sola' monsombah to pilo-pilogot anu lengkat mae i Mesir, kalana Akumo ahi' na Tumpu Allah nu aha.

YEHEZKIEL 20:8

Panyo aha madi' montuluti Aku ka' madi' mongka'oho' mohongo Aku. Aha madi' mongka'oho' mongalin iwi-iwi na patong nu aha anu okahegati aijo' ka' mule' madi' ahi mongka'oho' belenti na monsombah pilogot haha aijo' anu lengkat mae i Mesir. Tempo'nyo aha daagi' kiijo' mae, Aku sabenannyo mompotudunmo ahi' tambuha'-Ku hi aha.

YEHEZKIEL 23:19

Kinopipinnyo lebe saja'mo na masala' madi' ko bedanyo susumo ia daagi' lalangkoyang tempo'nyo ia nasala' kiijo' mae i Mesir.

YEHEZKIEL 23:21

O, Oholiba, beleyum daagi' mongka'ima'i mongulit palabuatan nu beleyum daagi' lalangkoyang tempo'nyo mian nu Mesir sola' nompopobiang beleyum.)”

YEHEZKIEL 23:4

Utus tumpe sanggonyo i Ohola; iamo na nolambangakon Samaria. Utusnyo ise' sanggonyo i Oholiba; iamo na nolambangakon Yerusalem. Aku nongosoaimo aha ka' nohumpakmo anak hi aha ua-ua'aha aijo'.

YEHEZKIEL 23:43

Lantas binapikinmo na Aku, ‘Pa daagi' ahi' mongka'oho' na mian haha aijo' bakusinta tiba aha anu saja' masala' haha aijo' anu nangkalualemo kalana sola'mo nasala'?’

YEHEZKIEL 23:8

Ia me saja' nasala' susumo anu sola'mo binaunyo i Mesir u'utu mae pipinontampu'unannyomo ia madi'mo pinarawan. Daagi' pe'e ise-ise' ia sola'mo sinampoduhus ka' sola'mo binau salaku mian anu saja' masala'.

HOSEA 1:2

Tempo'nyo Tumpu notatae, momonanyo hi bansa Israel, anu pinotokakonku, Tumpu notatae, “Hosea, osoaimo na samian anu mongka'oho' saja' masala' ka' to ana-anak nu beleyum suele timbali sumo ia. Mian-Ku anu palesayamo pokakanamo sumo bengkele' nu beleyum aijo'; aha atina' madi' tulu-tulutan hi beleng-Ku ka' ola ahi' mompala'i Aku.”

HOSEA 2:15

Iwi-iwi' na ale' nu anggurnyo Ku sule'akonje hi ia, ka' Bangka'nyo nu Kasusa'an Ku pojadimo tumban anu otaha'imani. Ikiijo' mae ia montalimamo Aku susumo tempo'nyo daagi' olitau, tempo'nyo ia sala'je no sabat mae lengkat i Mesir.

IMAMAT 17:7

Bansa Israel tionyo ahi' saja' tulu-tulutan hi Tumpu ka' madi' timbali mongkolot binatang iyaya mae na pongale'an anu osombahkon hi to tomi-tominuat anu ma'idek. Atulan aijo' tionyo ahi' otuluti sampe toka sidu-sidutu'.

PO'ULE' INGULIT 29:16

“Belemiu daagi' monginau' mosia na sisi'to anu ingoa'antomo kiijo' mae i Mesir ka' mosia na kita i lumajangmo nontulu lipu' nu to bansa-bansa sangga'at.

YOSUA 24:14

“Jadi, uuka aiya,” koonyo mule' i Yosua, “o'adati na Tumpu. Opalesaya ka' o hongo-hongo na Ia nu kinyonyoa anu totu-totu'u ka' boli panggaga. Bolimo mompalesaya to pilo-pilogot sangga'at anu sinombah nu mompolee' miu naipuan mae tempo'nyo i Mesopotamia ka' i Mesir. Anu opalesaya ka' o hongo-hongo ola samata-mata Tumpu.

ANU PINOTO'I HI YOHANES 11:8

Ka' aha anu sinilakamo paha-paha timpasmo i jalan anu ewa i kota daka', anu pinonsalipan nu aha Tumpu. Sanggo anu pinongkantuangakon kota aijo' atina'mo Sodom kabai Mesir.