YEHEZKIEL 22:6 - KITAB NU TUMPU ALLA LELE MA'IMAI'

⁶ Iwi-iwi' na to pola-polaya' nu aha Israel ola saja' mongkatabunakon posi kahosonan nu aha ka' saja' mompatei.

YEHEZKIEL 22:6 ပူးပေါင်းရင်းမြစ်များ

NEHEMIA 9:34

Mompolee' mami, tomundo', imam ka' mule' to tu'a-tu'anyo, nolanggaimo atulan nu Belento ka' madi'mo nontapali. Iwi-iwi' na palentah tiba pokinde' anu binee'mo nu Belento, madi'mo pinajuliannyo ka' madi'mo mule' lewa' pinotombihing.

AMSAL 30:14

Daagi' ko mian anu molio Kaanon nu jalan anu talalo buhingison, aha talalo hondo buhingison ka' molio ka'untungan hi mian kasiasi ka' hi mian anu madi' moko ala mombau apa-apaa.

YESAYA 1:23

To pola-polaya' nu belemiu la lewa' motomuhuk ka' lewa' mombulingakon obee' hi mian; aha mongka'ima'i mongala palasen, ka' doi anu pontamboi nu mian. Aha madi' mongka'oho' montinjohi anu madi'mo ko tuumanyo ka' tinanyo iulusan nu aha mian kopian; ka' mule' madi' mongka oho' kabalatan nu tobalu-balu.

YEREMIA 22:17

Panyo beleyum, Yoyakim, sangalasan. Beleyum ola molio posi ka untungan nu beleyum. Beleyum nompateimo mian anu madi' ko sala'nyo ka' talalo ahi' monsakisa mian da'isan nu beleyum ka' talalo ahi' singgi.

YEREMIA 32:32

kalana iwi-iwi' na palabuatan ma'idek anu binaumo nu aha mian Yehuda tiba Yerusalem tibamo to tomu-tomundo'nyo, mian anu kopangkatnyo toto tangka-tangkas ipamalentahan, to ima-imam, ka' to nabi-nabi nu aha.

YEREMIA 5:5

Sahanyo aku mamba hi aha to pama-pamalentah ka' mompoto'i hi aha. Tantu nu sumbu' nu aha apaa na nu kahanda'i tiba nu tuntut nu Tumpu Allah hi aha.” Panyo aha iwi-iwi' suele madi' ahi' mongka'oho' nu palentah nu Tumpu; aha madi' mongka'oho' montuluti Ia.

YEHEZKIEL 21:12

O, manusia anu madi' tumuu' batu, haangmo ka' polotando'mo! Kalana bajak aijo' mongewamo mian anu palesayamo hi beleng-Ku. To pola-polaya' nu aha Israel tiba songko-songko na bansa otabasmo nubajak aijo' sampe aha silakamo. Jadi hapa' na saha'an nu beleyum kalana nolibosmo,

YEHEZKIEL 22:27

To pama-pamalentahnyo sumomo ahi' serigala anu nombente-bentekmo kaanonnyo. Aha sola'mo nompatei mian ola kalana da molio ka untungan.

YEHEZKIEL 22:3

Tumpu Anu Matangkas na Kuasanyo nompokaumo aku da mompoto'i potuunon sumo uuka hi aha Yerusalem, “Beleyum sinala'mo kalana nosi pateimo mian nu belemiu anu jojoong itina' manjoo' hondo ka' nohumimi'imo butong nu belemiu nononsombahmo to pilo-pilogot anu pinosi bau nu belemiu. Kalana aijo' sinaa pomputusianmo hukuman anu onabu'akon hi beleyum ohanimo mae ka' silitanyo nu beleyum mingkotmo. Beleyum Ku pojohokmo da timbali anu saja' oleetakon ka' saja' okokojoi nu to bansa-bansa ka' mule' songko-songko na lipu'.

YEHEZKIEL 45:8

Tano aijo' baumo bahagian nu aha nu balakuasa mompalentah itano' nu Israel, da ia bolimo daagi' mompalentah taha-tahahu singgi mian anu palesayamo hi beleng-Ku, panyo ahi' da ia mombee'mo daerah labinyo sangga'at aijo' da baumo bagi nu aha tulunan nu bansa Israel.

DANIEL 9:8

To tomu-tomundo' mami, to pola-polaya' tiba aha mompolee' mami nonombaumo hahan anu moko ambang ka' mule' binaladosa'mo hi Belento o, Tumpu.

MIKHA 2:1

Silakamo na to mia-mian anu nontanga'imo mombau anu ma'idek hau-haunyo male'-male' ikamale'an de pihimo lantas nu baumo subu-subu, kalana aha daagi' ko kamampuan de hahan anu sumo aijo'.

ZEFANYA 3:3

To mia-mian daka' anu i kota' aijo' sumomo singa anu lewa' molohu'. To mia-mian kopiannyo sumomo to seri-serigala anu no'ohopmo, aha talalomo hondo nangoa sahingga sangkolong pe'e na buku madi'mo ko tuha'nyo anu okaan dodop.

ZEFANYA 3:4

To nabi-nabinyo mule' me tulu-tulumo na anu olakukan ka' madi'mo opalesaya nu mian, to ima-imam nohumimi'imo apaa na anu osombahkonmo hi Tumpu ka' mule' monggeo-geo'akonmo atulan nu Tumpu da boda-boda baumo posi ka' untungan nu aha.

ZAKHARIA 3:3

I Yosua tinjo-tinjo ikiijo' nompusok baju' anu kinotonmo hondo.