YEHEZKIEL 22:31 - KITAB NU TUMPU ALLA LELE MA'IMAI'

³¹ Kalana aijo' uuka aiya Ku potudunmo na tambuha'-Ku hi aha, ka' susumo apu Ku toyo'imo na aha kalana iwi-iwi' na palabuatan nu aha Aku, Tumpu Anu Matangkas na Kuasanyo notataemo.”

YEHEZKIEL 22:31 ပူးပေါင်းရင်းမြစ်များ

AMSAL 1:31

Kalana aijo', belemiu montalimaje balosnyo apa-apaa na anu binaumo nu belemiu ka' sinin na tanga'an nu belemiu anu ma'idek.

YESAYA 10:5

Tumpu notataemo, “Silakamo na Asyur! Asyur Ku pakemo salaku pondoke ka' salaku amangkun bau pompan aha to mia-mian anu nukonamo nu tambuha'-Ku.

YESAYA 13:5

Aha tinokamo lengkat mae ilipu' anu toto jo'o-jo'on ipuusnyo nu tano'. Tumpu notambuha'mo sahingga nonggunakonmo aha da monsilakaimo songko-songko na dunia.

YESAYA 29:2

Panyo nu potokamo mae nu Tumpu na balaa' hi kota' aijo' sahingga mian molokihismo ka' mompele-pele'mo. Songko-songko na kota' aijo' sumomo ahi' mezbah anu kahomo baso'.

YESAYA 30:27

Kakuasa'an tiba Tumpu talasanggo ahi' otoamo aijo' mae majo'o-jo'on. Apu tiba tibuk aijo' bau pomponyata'nyo saba' Ia notambuha'mo. Ia motataemo tiba aha ka' potatae-Nyo aijo' mompapui susumo apu.

YEREMIA 8:13

Ko kahanda' hondo na Aku momposihuk mian anu palesayamo hi beleng-Ku, susumo mian momposihukmo isi nu ale'nyo. Panyo mian anu palesayamo hi beleng-Ku sumomo ahi' kau' anggur tiba kau' ara anu madi'mo nimbua', ka' mule' honnyo singkapmo nagayou. Mokonyo aijo' pinobee'-Kumo na mian anu isalipu'an mae tinoka aiya ka nongkuasaimo lipu' nu aha. Aku, Tumpu, notataemo.”

MOHAANGI 4:11

Tumpu nompopiamo kapusan-Nyo ka' nompapuimo kota' Sion sampe i lata tiba tano'.

YEHEZKIEL 11:21

Panyo aha to mia-mian anu saja' mongka'ima'i monsombah pilogot anu mahumimi' ka' okahegati Ku hukumo kalana kalakuan nu aha anu ma'idek aijo'.” Sumo uuka na potatae nu Tumpu Anu Matangkas na Kuasanyo.

YEHEZKIEL 16:43

Aku mohukumo beleyum kalana beleyum madi'mo daagi' nonginau'mae mosia na Aku nompalakaimo beleyum tempo'nyo nai puan mae daagi' ise'. Palabuatan nu beleyum ma'i-ma'idek atina' na nonsabapi Aku nontambuha'i beleyum. Kadaka' palabuatan nu beleyum anu oka-okahegati atina' iwi-iwi' daagi' mule' nu paka tuangi nu palabuatan masala'? Aku Tumpu Anu Matangkas na Kuasanyo notataemo.”

YEHEZKIEL 23:1

Tumpu notataemo mae hi belengku, Ia notatae,

YEHEZKIEL 30:8

De Ku papuimo na lipu' nu Mesir ka' mompateimo iwi-iwi' na anu sinangaja'mo tiba ia nu sumbu'je nu aha taalu' Akumo ahi' na Tumpu.

YEHEZKIEL 7:3

Tumpu notatae, “O, Israel, uuka aiya tinokamo na ka ahenannyo nu beleyum. Beleyum mongoa'imo tambuha'-Ku. Kuputusimo na hukuman nu beleyum sitimbang tiba palabuatan nu beleyum mahu-mahumimi' atina'.

YEHEZKIEL 7:4

Aku madi'mo daagi' molibos kabai mongampuni beleyum. Aku mohukumo beleyum sitimbang tiba iwi-iwi na palabuatan mahu-mahumimi' nu beleyum atina'. Sahingga nu sumbu'je nu beleyum taalu' Akumo ahi' na Tumpu.”

YEHEZKIEL 9:10

Aku madi'mo mongkalibosi aha. Ku baumo hi aha apaa na anu binaumo nu aha hi mian sangga'at.”

ANU PINOTO'I HI YOHANES 16:1

Lantas aku nohongo potatae anu daka' lengkat mae i Laigan nu Tumpu potatae hi malaikat anu popi-popitu' aijo', “Lako'mo bubusakon na isi nu popitu' na tampat pinongisian tambuha' nu Tumpu aijo' i bawo nu dunia!”