YEHEZKIEL 22:30 - KITAB NU TUMPU ALLA LELE MA'IMAI'

³⁰ Aijo' hi aha mian nu Israel haha aijo' Ku lio na mian anu timbali mompotinjo pagan mesen kabai tuminjo itampat-tampat anu ko anumo nohobo' na pagan nyo mesen da timbali montinjohakon lipu' aijo' de aku mohansunimo kalana Aku talalomo notambuha'; panyo mau samian madi' ahi' ko anu kinabot-Ku.

YEHEZKIEL 22:30 ပူးပေါင်းရင်းမြစ်များ

2 TOMU-TOMUNDO' 14:26

Tinoamo nu Tumpu palias na kasansala'annyo nu mian Israel, ka' madi' ko samian pe'e na anu montulungi aha.

AYUB 35:8

Ola bubu'mo belemiu na monta'up kalugi'an kalana nusaduakon nu dosa' nu beleyum haha atina'. Ia mule' ahi' suele na mohumpak ka'untungan kalana ka'ima'an nu kalakuan nu beleyum.

MAZMUR 106:23

Sahingga Tumpu kinoniatmo da opateimo na mian anu palesayamo hi Ia, panyo tinewa'mo i Musa mian anu pinile'an-Nyomo aijo'. I Musa na nombisalai aha poti-potimbiha', sahingga Tumpu madi'mo pinusa.

MAZMUR 94:16

Ihe na montinjohi aku mohukum mian anu singkap palaganta? Ihe na monsangaja'i aku mongewa mian anu mombau anu ma'idek?

YESAYA 59:16

Ia binangangmo kalana madi'mo ko anu tinolo aiha' ka' madi'mo ko anu nonsangaja'i. Sahingga nosi alamo kuasa-Nyo na Ia da momposalamatmo ka' mombee'imo aha kamenangan.

YESAYA 63:5

Aku nolio, panyo madi' ko anu nontulungi mae, Aku binangangmo kalana madi' ko anu nombantui mae. Lantas posi kahosonan-Ku na nontulungi mae Aku tambuha'-Ku na nontulungi mae Aku.

YESAYA 64:7

Madi'mo ko anu balado'a hi Belento, kabai mongkakase da otulungi nu Belento kalana pinosulukmo nu Belento na ohup nu Belento da madi' otoa mami, ka' mule' nompojohokmo kami da osilakaimo nu dosa' mami.

YEREMIA 15:1

Tumpu notataemo mae hi belengku, “Aku madi'mo daagi' mongkalibosi bansa aiya, maumo ahi' i Musa tiba i Samuel tuminjomo i aiya momoita mae da Ku kalibosi na aha. Saimo na bansa aiya da mambamo, madi'mo Ku ka'ima'i na montoa aha!

YEREMIA 5:1

O mian anu jojoong i Yerusalem, tuusakon na jalan-jalan anu atina' ikota' nu belemiu! Lio iyaya mae ka' posi sakisimo. Soba palesa itampat-tampat anu loas na popasannyo atina' ikota' pa' daagi' ko anu hodi' na kinyonyoanyo anu bala usaha tulu-tulutan hi Tumpu Allah. De daagi' na nu ampuni ahi' nu Tumpu na Yerusalem.

YEREMIA 8:6

Aku nompotombihingmo ima-ima' panyo belemiu madi' motatae mae susumo ahi' anu sahondo-hondonyo. Madi' kosamian anu atina' hi belemiu na mompele-pele'mo ipalabuatannyo ma'i-ma'idek aijo'. Madi' ko anu motatae, ‘Apaa na kasala'anku?’ Belemiu iwi-iwi' montulumo posi jalan nu belemiu susumo ajahan montumbuhimo mokiijo' ipahampatean.

YEHEZKIEL 13:5

Aha madi' monjagai tampat-tampat anu nohobo'mo na pagan mesen ka' mule' madi' mompokopiani pagan mesen haha aijo'. Jadi, Israel madi'mo daagi' moko ala totahan de tokamo na pahampatean isinaa nu Aku, Tumpu tokamo mae mohukum.