YEHEZKIEL 22:3 - KITAB NU TUMPU ALLA LELE MA'IMAI'

^3-4 Tumpu Anu Matangkas na Kuasanyo nompokaumo aku da mompoto'i potuunon sumo uuka hi aha Yerusalem, “Beleyum sinala'mo kalana nosi pateimo mian nu belemiu anu jojoong itina' manjoo' hondo ka' nohumimi'imo butong nu belemiu nononsombahmo to pilo-pilogot anu pinosi bau nu belemiu. Kalana aijo' sinaa pomputusianmo hukuman anu onabu'akon hi beleyum ohanimo mae ka' silitanyo nu beleyum mingkotmo. Beleyum Ku pojohokmo da timbali anu saja' oleetakon ka' saja' okokojoi nu to bansa-bansa ka' mule' songko-songko na lipu'.

YEHEZKIEL 22:3 ပူးပေါင်းရင်းမြစ်များ

2 TOMU-TOMUNDO' 24:3

Memang han aijo' tionyo ahi' jadi, kalana Tumpu nontaeakonmo tukoo-Nyo Yehuda o'alinmo madi'mo jojoong i lipu' anu binee'mo nu Tumpu hi aha. Aha o'alin kalana sinin na dosa' anu binaumo i Tomundo' Manasye;

2 TOMU-TOMUNDO' 24:4

Anu talalo hondo aijo'mo iwi-iwi' na anu binaunyomo nompatei to mia-mian anu madi' ko sala'nyo. Tumpu madi'mo daagi' mongampuni sinin na lalakuan i Manasye aijo'.

MAZMUR 106:39

Kalana hahan anu binaumo nu aha aijo' sahingga aha suele naidekmo, ka' madi'mo nontuluti Tumpu.

YESAYA 1:21

Imonanyo kota' aijo' tulu-tulutan, uuka aiya sumomo samian na anu lewa' masala'! Imonanyo iwi-iwi' na miannyo anu monjojoongi adin ka' mohongo-hongo, panyo uuka aiya jinojoonganmo nu anu topopatei mian.

YEHEZKIEL 12:25

Aku Tumpu Anu Matangkas na Kuasanyo motataemo hi bansang Israel, ka' iwi-iwi' na anu Ku taloakon tionyo ahi' jadimo, mad'mo daagi' mongabali'. Potombihing mae o, belemiu mian anu sola' motomuhuk! Tempo'nyo beleyum daagi' tutuu' Ku baumo na iwi-iwi' anu pinoto'ing-Kumo hi beleyum. Aku, Tumpu Anu Matangkas na Kuasanyo notataemo.”

YEHEZKIEL 22:2

“O, manusia anu madi' tumuu' batu. Sinadiamo na beleyum mombee'i kaputusan hukuman i kota' anu kahomo mian anu sola' mompatei. Poto'i hi aha iwi-iwi' na palabuatan nu aha anu talalo hondo okahegati.”

YEHEZKIEL 22:27

To pama-pamalentahnyo sumomo ahi' serigala anu nombente-bentekmo kaanonnyo. Aha sola'mo nompatei mian ola kalana da molio ka untungan.

YEHEZKIEL 22:6

Iwi-iwi' na to pola-polaya' nu aha Israel ola saja' mongkatabunakon posi kahosonan nu aha ka' saja' mompatei.

YEHEZKIEL 23:37

Aha sola'mo nasala' ka' mule' sola'mo nompatei, aha nasala'mo tiba to pilo-pilogot ka' nompateimo to ana-anak-Ku anu ihampeakon nu aha. Anak haha aijo' sinombahkonmo nu aha hi to pilo-pilogot nu aha.

YEHEZKIEL 23:45

Panyo mian anu singkap palesaya totu-totu'u na momputusimo ahi hukuman nu aha anu moto utus aijo' kalana kasala'an masala' ka lewa'mo nompatei kalana aha memang ahi' sinala'mo.”

YEHEZKIEL 23:7

Tibamo aha to mia-mian daka' haha aijo' na i Ohola masala'. Pakalaus mule' kalana ia talalo ahi' majota, ia nohumimi'i mule' ahi' butongnyo nononsombahmo to pilo-pilogot nu aha.

YEHEZKIEL 33:25

Kalana aijo' Tumpu Anu Matangkas na Kuasanyo nompalentahmo mae aku da mompotokakon potuunon-Nyo aiya hi aha, “Belemiu mongkaan antok nu binatang anu daagi' ko baso'nyo; belemiu monsombah pilogot ka' mompatei. Baani hondo na belemiu mongakui tano' aiya belemiumo na tumpunyo.

YEHEZKIEL 9:9

Tinaaman nu Tumpu, “Aha to mia-mian nu Israel tiba Yehuda nombaumo dosa' anu daka' hondo. Aha nompateimo isongko-songko na tampat, ka' Yerusalem ihumimi'anmo nu palabuatan anu ma'idek. Aha nontaloakonmo tukoonyo nu aha Aku, Tumpu nompala'imo lipu' aiya sahingga madi'mo montoa palabuatan nu aha.

MIKHA 3:10

Belemiu nombaumo Yerusalem kota' nu Tumpu, panyo lewa'mo nompatei mian ka' madi'mo kino ka adilannyo.

ZEFANYA 3:3

To mia-mian daka' anu i kota' aijo' sumomo singa anu lewa' molohu'. To mia-mian kopiannyo sumomo to seri-serigala anu no'ohopmo, aha talalomo hondo nangoa sahingga sangkolong pe'e na buku madi'mo ko tuha'nyo anu okaan dodop.

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

2 PETRUS 2:3

Kalana aha mangoa, sahingga to gulu-gulu' anu madi' totu'u aijo' nonsisikakonmo hi belemiu to sisi-sisik anu o posi kalang da bau pohumpakan ka'untungan hi belemiu. Panyo anu momputusi monabu'akonmo hukuman hi aha pininmo na pinosadia, ka' kabinasa'an anu tinantukanmo bau bagi nu aha hau-haunyomo montanda'imo aha.