YEHEZKIEL 22:26 - KITAB NU TUMPU ALLA LELE MA'IMAI'

²⁶ Aha to ima-imam nu Israel nolanggaimo iwi-iwi na atulan-Ku ka' nohumimi'imo santo bala-balang anu opake samata-mata monsombah Aku. Aha madi'mo mombedakon iya na anu timbali okaan tiba iya na anu madi' timbali okaan. Ka' mule' aha madi'mo nongajan mian da'isan da monsumbu' mombedakon iya na anu belesi' ka' iya na anu mahumimi' susumo koonyo nu atulan nu agama. Aha madi'mo mompajuli sinaa nu Sabat. Tiba jalan anu sumo aijo' na Aku ingambanganmo nu bansa Israel.

YEHEZKIEL 22:26 ပူးပေါင်းရင်းမြစ်များ

IMAMAT 10:10

Belemiu tionyo ahi' moko ala monggihanakon apaa na anu samata-mata bagi nu Tumpu Allah ka' apaa na anu misa' bagi nu Tumpu Allah, anu mahumimi', ka' anu madi' mahumimi'.

MALEAKHI 2:8

Panyo uuka aiya belemiu to ima-imam noselemo madi' nontulu jalan anu sahondo-hondonyo. Iwi-iwi na pangajalan nu belemiu nonsaduakonmo da'isan na mian sahingga nombaumo kasala'an. Belemiu nongideimo palajanjian anu binaung-Kumo tiba belemiu.

YEHEZKIEL 22:8

Tampat-tampat anu biasa ponsomban mae Aku ihumimi'anmo nu beleyum ka' sinaa nu Sabat madi'mo daagi' pinasangkila nu beleyum.

YEHEZKIEL 44:23

To ima-imam tionyo ahi' mongajanakon hi mian anu palesayamo hi belengku da osumbu' na bedanyo iya na anu samata-mata osombahkon hi beleng-Ku ka' iya na anu madi' timbali, iya na anu belesi' susumo koonyo nu agama ka' iya na anu mahumimi'.

YEREMIA 2:8

To ima-imam madi'mo ko anu mompokilawa iya mae na Aku, Tumpunyo. To mia-mian anu montinjohakon atulan madi'mo daagi' monsumbu' pa' ihe na Aku, to mia-mian anu balakuasa notomuhukmo mae hi beleng-Ku. Atas sanggo nu Baal na to nabi-nabi motatae, ka' monsombahmo pilogot anu madi' kokaliangannyo.”

YEHEZKIEL 36:20

Maumo ahi' pa' moya na aha mamba, aha saja' ahi' mohumimi'i sanggong-Ku anu susi'. Mokonyo aijo' nu taloakon nu to mia-mian sumo uuka, ‘Bansa aiya te mian anu palesayamo hi Tumpu, panyo aha tionyo ahi' mompala'imo tano' anu binee'mo nu Tumpu hi aha.’

1 SAMUEL 2:22

I Eli ilangki'mo hondo. Ia saja'mo nohongo mian anu mompoto'i kalakuan nu to ana-anaknyo apaa na anu lewa' nu bau nu aha hi aha mian nu Israel. I Eli suele nonsumbu'mo to ana-anaknyo haha aijo' male' tiba to bou-boune anu mokalaja i ahop nu sabatan nu kemah nu Tumpu.

ROMA 2:24

I uno nu Kitab nu Tumpu tinulis sumo uuka, “Kalana komiu to mia-mian nu Yahudi, sahingga sanggo nu Tumpu binusikanmo i tonga-tonga' nu bansa-bansa sangga'at.”

MOHAANGI 4:13

Panyo han aijo' jinadimo, kalana dosa' nu to ima-imam ka' to nabi-nabi. Aha nombubusakonmo baso', nu mian anu madi' ko sala'nyo.

YEREMIA 15:19

Tinaaman mae nu Tumpu, “De beleyum po ule'mo mae minsusule', Ku talimamo na beleyum. Beleyum po ule'mo timbali posaihon-Ku. De beleyum mombebakonmo hahan anu mingkaliangan ka' misa' ahi' ola anu madi' totu'u saba' beleyum timbali poule' jadi nabing-Ku. Aha to mian-mian toka mule' mae hi beleyum, ka' madi'mo palaluu' beleyum mamba hi aha.

1 SAMUEL 2:29

Jadi kadaka' beleyum daagi milu ka' ka oho'mo mongkaan de montoamo koloban haha aijo; anu pinalentahkon-Kumo osombahkon nu bansang-Ku hi belengku? Kadaka' beleyum Eli lebemo mongadati to ana-anak nu beleyum ka' madi'mo mongadati Aku, ka' ola mule' mompojohok aha mompolompo' butong nu aha nu bagian antoknyo anu ma'ima' hondo, apaa na anu nu sombahkon nu bansang-Ku hi belengku?

IMAMAT 20:25

Mokonyo aijo' belemiu tionyo ahi' monsumbu' totu-totu'u binatang anu timbali okaan tiba anu madi' timbali okaan. Boli mongkaan binatang anu madi' timbali okaan. Binatang aijo' tinaloakon-Kumo madi' timbali okaan, jadi de okaan nu belemiu, belemiu timbalimo mahumimi'.

IMAMAT 11:47

Belemiu tionyo ahi' moko ala montoa mosia na pompahasala'annyo anu madi' mahumimi' tiba anu mahumimi', binatang anu timbali okaan ka' binatang anu madi' timbali okaan.

IMAMAT 13:43

Imam tionyo ahi' mompalesa mian aijo' ka' de memang ko anu bangkak mompute' ka' nohahamo,

YEHEZKIEL 7:26

Balaa' tiba lele ma'idek saja'mo toka mae hi aha. Belemiu mongkakasemo da to nabi-nabi mongkila-kilamo pa' apaa na jadi saidi' mae panyo aha madi' ahi' moko ala. Ka' suele aha to ima-imam madi'mo daagi' ko apa-apaa anu opogulu'akon hi aha mian, ka' mule' to pola-polaya' iningkotmo na pokinde' nu aha.

YEHEZKIEL 42:20

Jadi daerah Laigan nu Tumpu nongakohimo tano' anu sulapa' opat, ukulannyo 250 meten toto sambiha' na bahagian. Tano' aijo' nu tikubi nu pagan mesen salaku bau pongga'at daerah anu samata-mata katokaan nu Tumpu tiba daerah anu bau katokaan nu mian da'isan.

YEHEZKIEL 44:10

Tumpu notataemo mae hi belengku, “Ku hukumo na aha mian nu Lewi anu nosangaja'mo aha mian nu Israel sangga'at, aha nohikumo Aku ka' nonsombahmo pilogot.

2 TAWARIKH 36:14

Ka' mule' Laigan nu Tumpu anu tinantukanmo nu Tumpu bau ponsomban butong-Nyo pinohumimi'mo nu to pola-polaya' Yehuda, to ima-imam; ka' mian da'isan, kalana aha suele nonsombahmo pilogot ka' nombatukimo kabiasa'an nu kantumuu'an anu baladosa' tiniho i bansa-bansa anu mompaha'ohani aha.

YEHEZKIEL 23:38

Ka' misa' ola sijo'. Aha suele ahi' nohumimi'imo Laigan-Ku Ka' sinaa nu Sabat anu pinotataap-Kumo aijo'.

YEHEZKIEL 44:24

De daagi' ko palakala mompahasala'mo i atulan, tionyo ahi' nu ulus nu aha susumo koonyo nu atulan-Ku ka' mule' mongadati ahi' sinaa nu Sabat salaku sinaa anu samata-mata baumo ponsomban Aku.

MALEAKHI 2:7

Memang ahi' kahalusan nu to ima-imam na mompogulu' han anu totu'u apaa na anu Ku kahanda'i, Tumpu Anu Matangkas na Kuasanyo. Hi ahamo ahi' na tampat nu mian da'isan mompokilawa apaa na anu Ku ka'ima'i kalana ahamo ahi' aijo' na anu pinalentang-Kumo da mompoto'i.