YEHEZKIEL 22:25 - KITAB NU TUMPU ALLA LELE MA'IMAI'

²⁵ To pola-polaya' nu aha sumomo ahi' singa molohu'mo salatan nonsa'umo kaanonnyo. Aha nompateimo mian da'isan, nongagoimo iwi-iwi' na halata' tiba kakaya'an anu nu humpak nu aha ka' nonsaduakonmo manjoo' na to bou-boune anu binalumo.

YEHEZKIEL 22:25 ပူးပေါင်းရင်းမြစ်များ

HOSEA 6:9

To ima-imam i kota' aijo' sumomo sa'angu' na tompukan nu mian anu buling ka' anu lewa' mohakop mian anu motulu. I jalan anu mompatui mokiijo' i tampat anu susi' kiijo' i Sikhem suele aha nompateimo mian! Iwi-iwi' na kalakuan anu ma'idek aijo' anu binaumo nu aha memang ototonggolakon.

YEHEZKIEL 13:19

Belemiu nompopo ambangmo mae Aku ola kalana da mohumpak to pia-piangkakup na jelai tiba to pia-piangkolong na roti. To mia-mian anu madi' ko kasala'an opatei nu belemiu padahan anu aha to mia-mian anu pantasmo mate na ola ahi' opojohok nu belemiu tumuu'. Lantas mian anu palesayamo hi beleng-Ku obaleko'i nu belemiu sahingga aha palesayamo hi belemiu.’ ”

YEREMIA 11:9

Lapas aijo' Tumpu notatae mule mae hi belengku, “Aha mian nu Yehuda tiba mian anu jojoong i Yerusalem sinangaja'mo madi'mo mompajuli mae Aku.

YEREMIA 2:34

Baju' nu belemiu binanodamo nu baso' nu mian kasiasi tiba mian anu madi' kosala'nyo, misa' baso' nu mian anu saja' montomang na ihakop. Panyo maumo ahi' sumo aijo',

ANU PINOTO'I HI YOHANES 18:13

kilit kayu manis, to lampa-lampa, dupa, mur, ka' kamangian; anggur ka' lanya', labu ka' gandum, sapi' ka' domba, ajahan ka' kereta, to posa-posaihon ka' suele mule' nyawa nu mian.

ANU PINOTO'I HI YOHANES 17:6

Lantas tinoangkumo taalu' boune aijo' nalangumo nu baso' nu mian anu pinalesayamo hi Tumpu ka' baso' nu to mia-mian anu pinateanmo kalana tulu-tulutan hi Yesus. Salatan aku nontoamo boune aijo', aku kino banga-bangangmo.

ANU PINOTO'I HI YOHANES 13:15

Binatang anu ko ohua'nyo aijo' pinobee' na mombee' nyawanyo hi patong aijo', sahingga patong aijo' moko ala motatae ka' mompatei iwi-iwi' mian anu madi' mongka'oho' monsombah ia.

ANU PINOTO'I HI YOHANES 13:11

Lantas aku nontoa sa'angu' na binatang sangga'at i lubat mae i uno nu dunia. Ia nintanduk ohua' sumo tanduk nu Anak nu Domba. Potataenyo sumo potatae nu ulo anu talalo hondo daka' aijo'.

LUKAS 20:47

Aha mongakali to balu-balu, ka' mongagoi laigannyo. Ka' da bau pongkulubi ka'idekan nu aha aijo', aha balado'a manta-mantan! Hukuman nu aha saidi' mae maboat!”

MARKUS 12:40

Aha mongakali to balu-balu ka' mongagoi laigannyo. Ka' de mongkukubi ka'idekan nu aha aijo', aha balado'a manta-mantan. Aha montalimaje hukuman maboat!”

MATIUS 23:13

“Silakamo na komiu to gulu-gulu' agama ka' to mia-mian nu Farisi! Komiu saja' mombau pula-pula. Komiu ola monsaduakon da mian madi' totu-totu'u timbali mian anu palesayamo hi Tumpu Allah. Posi komiu pe'e madi' mongka'oho' mian anu palesayamo hi Tumpu, ka' mian sangga'at anu oka'oho', miu da boli palesaya. [

MOHAANGI 4:13

Panyo han aijo' jinadimo, kalana dosa' nu to ima-imam ka' to nabi-nabi. Aha nombubusakonmo baso', nu mian anu madi' ko sala'nyo.

MOHAANGI 2:14

Anu pinotokakon nu to nabi-nabi hi belemiu, ola ahi' leko' ka' pongakali nu aha. Aha madi' toho' mompoto'i dosa' nu belemiu sahingga kalana aijo' beleyum madi' mobabali'i palabuatan nu dosa' nu beleyum. Ola mule'ahi' aha nompoto'i hi belemiu potatae anu toto bale-baleko' mompigalapi.

YEREMIA 15:8

Lipu' nu belemiu saidi' mae kahomo balu, nu lingkuduimo na konjoo'nyo nu bone' ibiwi nu ambai. To mia-mian Ku pateimo ma'isa pe'e langkai' ka' bengkele' sahingga tina nu aha sansalamo. Salatan sinaamo Ku potokamo mae hi aha samian na anu mompatei, sahingga aha mabuhukmo ka' mangada'mo.

YEREMIA 6:13

Aha iwi-iwi', anu tu'amo tiba anu daagi' anak, molio ka untungan tiba jalan anu madi' hodi'. Paka laus mule' nabi tiba imam suele nongakalimo miam.

YEREMIA 2:30

Ola palasuma' na belemiu Ku hukum, kalana belemiu madi' mongka'oho' montalima pokinde'. Pokakana susumo singa anu nangamu'mo, sumo aijo'mo na belemiu nompateimo to nabi-nabi nu belemiu.

YESAYA 56:11

Aha susumo ahi' dedeng anu majoko' anu madi' toho' mobosu. To pola-polaya' haha aijo' madi' mangalati'. Toto samian mombau apaa na anu nu kai' ma'i nu aha ka' molio posi ka'untungan nu aha.

1 TOMU-TOMUNDO' 22:23

Po'ule' mule' i Mikha notatae, “Ya, sumo aijo'mo na anu jadi! Binaumo nu Tumpu na nabi i Tomundo' haha aijo' da mombaleko'i i Tomundo' kalana tinantukanmo nu Tumpu na i Tomundo' mohumpakmo balaa'!”

YEREMIA 18:21

Panyo uuka aiya, Tumpu, bakasmo da to ana-anak nu aha matemo nu ohop kabai silakamo i uno nu pahampatean. Bakasmo da to bou-boune nu aha madi'mo ko langkai' nu aha ka' mule' madi'mo ko anak nu aha; bakasmo da to momo ane nu aha silakamo kalana panyakit anu molele ka' mule' to oli-olitau nu aha silakamo i uno nu pahampatean.

YEHEZKIEL 13:2

“O, manusia anu madi' tumuu' batu, tambuha'i na to nabi-nabi Israel anu nontaloakonmo posi kila-kila'annyo. Pokau na aha da mompotombihing mae potataeng-Ku.”

YEHEZKIEL 22:7

Madi'mo daagi' ko samiannyo na anu jojoong atina' hi beleyum na moholomati tu'anyo nu aha. Beleyum nongakalimo mian anu lengkat mae isalipu'an ka' nongalamo ka'untungan hi mian anu binalumo ka' mule' anu madi'mo ko tuumanyo tiba tinanyo sisingkapmo sinusa' aijo'.

YEHEZKIEL 34:2

“O manusia anu madi' tumuu' batu, pisala'i na to tomu-tomundo' nu aha Israel, ka' poto'i apaa na anu tinaloakon-Kumo nu Aku Tumpu Anu Matangkas na Kuasanyo hi aha, ‘Silakamo na belemiu o to pola-polaya' nu Israel. Belemiu ola mompotutugakon posi kapentingan nu belemiu misa' da bau kapentingan nu domba nu belemiu haha atina.

YEHEZKIEL 34:3

Susunyo o inum nu belemiu, bulunyo obau nu belemiu pakean, ka' domba anu molompo' hondo okolot ka' okaan nu belemiu. Belemiu madi' toho' mongkalesang domba nu belemiu haha atina.

YEREMIA 23:14

Panyo mule' ahi' i Yerusalem tinoang-Ku to nabi-nabi nombaumo palabuatan anu lebe ma'idek mule'. Aha binaleko'mo ka' nasala'mo ka' mule' nonsangaja'imo mian anu mombau palabuatan anu ma'idek sahingga madi'mo daagi' ko samian na kahanda' balatobat. Ku anggap na aha iwi-iwi' na'idekmo susumo mian anu jojoong i Sodom tiba i Gomora.”