YEHEZKIEL 22:12 - KITAB NU TUMPU ALLA LELE MA'IMAI'

¹² Daagi' mule' ko anu tinimbalimo mian topo patei sola-sola' obayan, mian anu talalo ahi' molio kantungan ka' saja' mongkelo aha mian anu bubuu' sangko bansanyo. Aha iwi-iwi' nongkolilimimo mae Aku. Aku, Tumpu Anu Matangkas na Kuasanyo notataemo.

YEHEZKIEL 22:12 ပူးပေါင်းရင်းမြစ်များ

NEHEMIA 5:1

Madi' pinin ilapas na aijo' nanjoo'mo na mian nu Yahudi, mau to momo'ane kabai to boboune, lewa'mo notusa' na montoa aha bubu' bansa nu aha.

NEHEMIA 5:7

ka' binapikinmo sampa mombau kaputusan. Lantas pinokinde'ankumo na to tu'a-tu'anyo ka' to pola-polaya' nu mian da'isan. Pinoto'ingku, “Belemiu monsakisamo to utu-utus nu belemiu!” Lapas aijo' aku nomposihukmo mian da'isan da mombisalakonmo pa' mosia na mongulus palakala aijo',

MAZMUR 106:21

Aha nongkolilimimo Tumpu anu nomposalamatmo aha, anu nombaumo hahan anu daka' hondo tempo'nyo kiijo' mae i Mesir.

MAZMUR 15:5

ka' monsaboli doi madi' pilenje mongala ueenyo; anu madi' mongka'oho' mongala doi bau pontamboi da opolugi' na mian anu madi' ko kasala'annyo. Mian anu saja' mombau susumo aijo', saja' sanang na ia mingkinyonyoa.

AMSAL 1:19

Memang mian anu molio anu okaan panyo olio nu kalakuan lewa' pagala mompakisa, posi nyawanyo je na bau pombayannyo.

YESAYA 1:23

To pola-polaya' nu belemiu la lewa' motomuhuk ka' lewa' mombulingakon obee' hi mian; aha mongka'ima'i mongala palasen, ka' doi anu pontamboi nu mian. Aha madi' mongka'oho' montinjohi anu madi'mo ko tuumanyo ka' tinanyo iulusan nu aha mian kopian; ka' mule' madi' mongka oho' kabalatan nu tobalu-balu.

YESAYA 17:10

O, Israel beleyum nongkolilimo Tumpu anu nomposalamatmo ka' nonjagaimo beleyum susumo bungkutnyo nu batu anu mahoson hondo. Panyo ola mule' ahi' beleyum nonsu'anino ale' anu osombahkon hi pilogot.

YESAYA 56:11

Aha susumo ahi' dedeng anu majoko' anu madi' toho' mobosu. To pola-polaya' haha aijo' madi' mangalati'. Toto samian mombau apaa na anu nu kai' ma'i nu aha ka' molio posi ka'untungan nu aha.

YEREMIA 2:32

Pa' daagi' kolangkoyang anu bisa mongkolilimi palahiasannyo, kabai pa' daagi' ko boting boune anu bisa mongkolilimi baju'nyo nu boting? Panyo belemiu pininmo hondo na nongkolilimi mae Aku – salatanmo pe'e naipuan mae anu madi'mo opoko bilang na kopinnyo.

YEREMIA 3:21

Aita' mae ibawo nu to bungku-bungkutnyo ihongomo na potatae anu ihengge'mo; aijo' potatae nu aha mian Israel anu ihumangmo ka' lewa' mongkakase, kalana aha binaladosa'mo ka' nongkolilimimo Tumpu Allah nu aha.

YEREMIA 6:13

Aha iwi-iwi', anu tu'amo tiba anu daagi' anak, molio ka untungan tiba jalan anu madi' hodi'. Paka laus mule' nabi tiba imam suele nongakalimo miam.

YEREMIA 9:1

Ma'ima' hondo de ubaku sumo bubung anu pinobuke'anmo nu uee, ka' mataku sumo soluduk anu saja' mo ili na ueenyo! Sahingga aku timbali saja' humang sinaa tiba pihi, mohangi to mia-mian bubuu' bansangku anu pinateanmo nu sampobali'.

YEHEZKIEL 18:13

Ia momposaboli mian panyo mongala bunganyo Pa' mian anu sumo aijo' opotumuu'? Tantu madi'! Kalana ia nombaumo iwi-iwi' na palabuatan anu ma'idek ka' anu okahegati aijo' jadi ia tionyo silaka! Ia silaka kalana posi palabuatannyo ahi'.

YEHEZKIEL 18:8

Ia madi' toho' momposaboli mian opakeakon bunganyo. Ia madi' mongka'oho' mombau palabuatan anu ma'idek ka' de painggagamo tiba mian sangga'at ia mombee'i kaputusan anu madi' tageo'.

YEHEZKIEL 23:35

Tumpu Anu Matangkas na Kuasanyo notatae, “Kalana beleyum nongkolilimimo Aku, ka' nohikumo mae Aku, beleyum mongoa'imo kasansala'an kalana taha-tahahumo na napisu majota hi mo'ane na beleyum ka' sola-sola' masala' na beleyum.”

YEHEZKIEL 36:12

Mian nu Israel anu palesayamo hi belengku po ule'mo Ku sule'akon da jojoongmo ilipu'nyo. Tano' aijo' timbalimo anu nu aha ka' saja'mo ko hasinnyo sahingga to ana-anak nu aha madi'mo daagi' silaka nu ohop.’

IMAMAT 19:13

Boli mongala anu nu sangalu nu belemiu, kabai mongagoi balangnyo. Tambonyo nu mian anu mokalaja hi belemiu sabole-bole ahi' obee' nu belemiu, boli montahan mau ola sampahu.

AMOS 8:4

Potombihing mae o belemiu anu nongkabisa'imo mian anu kasiasi i lipu' aiya sahingga aha i hansunmo.

AMOS 8:6

Gandum anu ma'idekmo timbali opobalukto tiba olinyo matangkas. Kita molio mian anu kasiasi anu madi' moko bayan samaya'nyo maumo samaya'nyo ola sumo oli nu sapa na sapatu, ka' kita mongoli ia da timbali posaihonto.”

MATIUS 23:13

“Silakamo na komiu to gulu-gulu' agama ka' to mia-mian nu Farisi! Komiu saja' mombau pula-pula. Komiu ola monsaduakon da mian madi' totu-totu'u timbali mian anu palesayamo hi Tumpu Allah. Posi komiu pe'e madi' mongka'oho' mian anu palesayamo hi Tumpu, ka' mian sangga'at anu oka'oho', miu da boli palesaya. [

MATIUS 23:25

Silaka na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! To mangko-mangko' ka' to lea-lean miu, o baso'i miu bele-belesi' na sambiha'nyo, padahan i unonyo koton hondo tiba to hahan anu i humpak miu ola pinakisa ka' pinalanguesan.

LUKAS 18:11

Mian nu Farisi aijo' tinuminjo posi sausa'nyo, ka' binalado'a, ‘O Tumpu, aku mompotoka talima kaseh hi kita, kalana aku madi' sumo sangga'at, mangoa, tageo'kabai masala'. Aku montalima kaseh, kalana aku madi' sumo topo tage hasin aijo'.

LUKAS 19:8

Lapas mule' kiijo' i laigannyo, i Zakheus tinuminjo ka' notatae hi Yesus, “Tumpu, sambahagian na halata'ku, ku halala'akon hi mian kasiasi; tiba ihehe na anu toho' ingakalanku, po'ule' ku bayan hi ia pimpaton lipat!”

LUKAS 3:13

I Yohanes nontaami, “Boli montage hasin molingkuduimo apaa na anu pinoko tantukanmo.”

1 KORINTUS 5:11

Kahanda'ku aijo'mo da komiu boli mosangalu tiba mian anu mangaku butongnyo mian Kristen, panyo mian aijo' saja' masala' kabai mangoa kabai motunde pilogot, kabai saja' mombusi-busiki mian sangga'at, kabai saja' malangu, kabai mule' pambuling. Sumuhang mongkaan tiba mian aijo' pe'e boli!

1 KORINTUS 6:10

anu buling, anu mangoa, saja' malangu, anu saja' mongalu mian sangga'at, tiba anu mompolugi' mian sangga'at – iwi-iwi' na mian anu sumo aijo' madi' timbali mian anu palesayamo hi Tumpu Allah.

PO'ULE' INGULIT 16:19

De mongalamo sa'angu' na kaputusan, aha madi' timbali suka-suka na momputusi, kabai mompiboati sangga'at. Aha madi' timbali suele mongala pontamboi palakala, kalana pontamboi aijo' monsaduakonmo mian paha na matanyo, sahingga mian pande ka' mian anu hodi' na kinyonyoanyo suele sumo aijo'mo, mombau kaputusan anu madi' adin.

PO'ULE' INGULIT 23:19

De belemiu momposabon doi hi mian anu lengkat mae i salipu'an belemiu timbali mompoita ueenyo. Panyo de belemiu momposabon doi kabai kaanon kabai langke' sangga'at hi mian sangko bansa nu belemiu, anu oposabon aijo' timbali obee' panyo madi' timbali ko ueenyo. Otuluti totu-totu'u na palentah aijo' da nubalakati nu Tumpu Allah nu belemiu iwi-iwi' na anu obau miu i lipu' kajojoongan nu belemiu.

PO'ULE' INGULIT 27:25

‘Kinutukan na mian anu mongala tambo mompatei mian anu madi' ko sala'nyo.’ ‘Amin!’

PO'ULE' INGULIT 32:18

Aha madi'mo nontapali anu Nomposalamat aha anu daka' hondo na kuasanyo, nongkolilimimo Tumpu Allah nu aha anu nombee'imo kantumuu'an.

1 TIMOTIUS 3:3

boli mian anu saja' malangu, kabai anu mongka'ima'i mahantuda'. Sumo aitu mule' ia tionyo ahi' boli buhingison ka' mongka'ima'i baladame. Ia madi' timbali mompopodaka' doi.

YUDAS 1:11

Silaka na aha! Kalana aha nombatukimo jalan anu tinuluanmo i Kain. Da mohumpak doi, aha nontuamo butong nu aha i uno nu kasala'an, pokakana sumo i Bileam. Ka' aha mule' pinateanmo kalana notomuhukmo susumo i Korah.