YEHEZKIEL 22:11 - KITAB NU TUMPU ALLA LELE MA'IMAI'

¹¹ Bengkele' nu mian sangga'at kabai moniannyo boune, kabai utusnyo ise' anak nu tuumanyo hi bengkele' sangga'at.

YEHEZKIEL 22:11 ပူးပေါင်းရင်းမြစ်များ

2 SAMUEL 13:1

I Absalom anak i Daud anu momo'ane ko utusnyo ise' samian na boune anu handa-handa hondo' sanggonyo i Tamar. I Amnon anak i Daud anu momo'ane hi bengkele'nyo sangga'at, nongka'ima'imo i tamar,

2 SAMUEL 13:11

Panyo salatan tinajuakonmo i Tamar na kukis aijo' hi ia, tinoonganmo i Amnon na lima nu langkoyang aijo' ka' notatae, “Tamar, imbo' da kita moduhusmo!”

2 SAMUEL 13:14

Panyo i Amnon madi' nontuluti, jadi kalana ia ahi' na lebe mahoson, sabole-bolemo ahi' pinakisanyo na utusnyo ise' aijo' ka' pinatiduhusannyomo ahi'.

YEREMIA 29:23

Sumo aijo'mo na uki' nu aha kalana nombaumo dosa' toto daka-daka' hi aha Israel: aha nasala'mo, ka' nompakemo sanggo nu Tumpu na monsisik hahan anu madi' totu'u. Han aijo' madi' sosok tiba tanga'an nu Tumpu. Nu sumbu' apaa na anu nu bau nu aha, ka' posi iamo ahi' na jadi sakisi mongewa aha. Tumpu notataemo.”

YEREMIA 9:2

Uuka aiya ipadang tampat anu mateges timbali ku kabot na tampat sinso'an male' nu mian anu ilumambanan! Sahingga ku pala'imo na bansangku ka' malaimo mamba kiijo' mae da matikojo'onmo madi'mo ohani hi aha. Aha iwi-iwi' saja' mombau palabuatan anu ma'idek sa'angu' na posa'angu'an nu mian anu madi' tulu-tulutan,

YEHEZKIEL 18:11

anu madi' toho' binau nu tuumanyo. Ia mongkaan koloban anu sinombahkonmo itampat-tampat ponsomban to pilo-pilogot. Ia monggoda ka' mompatiduhusimo bengkele' nu mian.

YEHEZKIEL 18:6

Ia madi' monsombah pilogot nu aha Israel kabai mongkaan koloban palasombahan itampat-tampat ponsomban to pilo-pilogot. Ia madi' toho' monggoda bengkele' nu mian sangga'at kabai moduhusmo boune anu tinokamo na adat nu aha boune.

YEHEZKIEL 33:26

Belemiu montakabunakonmo bajak nu belemiu. Katantuan nu belemiu atina' mahenyu hondo. Belemiu iwi-iwi' saja'mo masala'. Daagi' mongakui mule' na belemiu tano' aiya, belemiu na tumpunyo?

IMAMAT 18:15

Boli moduhus tiba anak nu monian nu belemiu kabai tiba bengkele'nyo nu utus tu'a nu belemiu.

IMAMAT 18:20

Boli moduhus tiba bengkele' nu mian sangga'at, de mombau anu sumo aijo' belemiu timbalimo mahumimi'.

IMAMAT 18:6

Tumpu nombee'imo atulan haha aiya. Boli moduhus tiba sala' samian na poto utusan mae nu belemiu.

IMAMAT 18:9

Boli moduhus tiba utus nu belemiu boune kabai moto utus sintomu, mau anu pinojoong sa'a-sa'angu'mo na laigan tiba beleyum, maumo anu pinojoong i laigan sangga'at.

IMAMAT 20:10

De samian na aha Israel masala' tiba bengkele' nu mian anu bubuu' bansa nu aha, ia ka' boune aijo' tionyo ahi' o hukum mate.

IMAMAT 20:12

De samian na mo'ane moduhusmo tiba boune bengkele' nu anaknyo, ua-ua'aha aijo' tionyo ahi' o hukum mate. Aha nasala'mo, ka' i natemo kalana posi kasala'an nu aha.

IMAMAT 20:17

De ko samian na mo'ane moduhusmo tiba utusnyo boune kabai tiba utusnyo anu sa'a-sa'angu' na tuuma panyo madi' sa'a-sa'angu' na tina, kabai sa'a-sa'angu' na tina panyo madi' sa'a-sa'angu' na tuuma, aha madi'mo daagi' oposoop mian anu pinalesayamo hi Beleng-Ku. Aha nombaumo palabuatan anu madi' talakana', ka' tionyo ahi' mohumpak hukuman.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

1 KORINTUS 6:9

Osumbu' miu na to mia-mian anu madi' montuluti pongka'oho' nu Tumpu madi' timbali mian anu palesayamo hi Tumpu? Boli o akali! To mia-mian anu masala', to mia-mian anu bapilogot, anu masala', anu mombau anu moko ambang hi sangko gampanyo bubuu' mo'ane, kabai bubuu' boune,

GALATIA 5:19

Anu nu kahanda'i nu sipat nu manusia onyata' i palabuatan masala', pahengas ka' madi' halus obau;

PO'ULE' INGULIT 22:22

De samian na mo'ane o hakop hau-haunyo ia noduhusmo tiba bengkele' nu mian sangga'at ua ua'aha tionyo ahi' o hukum mate. Tiba jalan anu susumo aijo' belemiu mombaumo sonto' da bolimo ko anu mombau anu ma'idek susumo aijo'.

PO'ULE' INGULIT 27:22

‘Kinutukan na mian anu masala'mo tiba utusnyo boune anu sa'a-sa'angu'mo na tina nu aha, kabai utusnyo anu sa'a-sa'angu'mo na na tuuma, kabai tina nu aha.’ ‘Amin!’

IBRANI 13:4

Iwi-iwi' na mian tionyo ahi' mompotoa kalakuan mongadati po'osoan, mokonyo aijo' tionyo ahi' mo'ane bengkele' mompaha hongo-hongo samian ka' samian. Mian anu mombau anu mahenyu ka' mian anu masala' nu putusije nu Tumpu.