YEHEZKIEL 21:9 - KITAB NU TUMPU ALLA LELE MA'IMAI'

⁹ “O, manusia anu madi' tumuu' batu, soba sola'mo pongkila-kilamo! Poto'imo hi aha to mia-mian taalu' Aku, Tumpu notataemo sumo uuka, ‘Daagi' ko samata na bajak bajak anu ginegesanmo ka' pinotajomo.

YEHEZKIEL 21:9 ပူးပေါင်းရင်းမြစ်များ

AYUB 20:25

Ia kinonamo nu pana', sahingga binelaonmo; mata nu pana' anu joliotan nolampasmo butongnyo, sahingga nabuhukmo na kinyonyoanyo.

YESAYA 27:1

Tempo'nyo aijo' Tumpu monggunakonmo bajak-Nyo anu ko aja'nyo ka' ma katajom hondo kalana kahanda'mo mohukum ulo anu lewa'mo nombialos kahanda'mo mombutu', ka' mule' kahanda'mo mompatei talenga'nyo nu ulo i ambai.

YESAYA 66:16

Kalana iwi-iwi' na mian anu kosala'nyo nuhukumo nu apu tiba bajak, ka' manjoo'mo na anu i hukum mate.

YEREMIA 12:12

Lengkat mae aijo' ipadang tampat anu mateges anu aita' mae ibungkutnyo, to mia-mian tinokamo mae kahanda' montololangi. Pinotokang-Kumo mae na pahampatean da mongideimo iwi-iwi' na lipu' sahingga madi'mo daagi' ko samian na anu tumuu' dame.

YEREMIA 15:2

De nu pokilawa nu aha hi beleyum, pa' moya na tionyo ahi' kalambanan nu aha, taami sumo uuka, ‘Tumpu notatae, anu tinantukanmo silaka kalana masakit bakasmo da ia silakamo nu panyakit. Anu tinantukanmo silaka i uno nu pahampatean bakasmo da ia silaka i uno nu pahampatean. Anu tinantukanmo silaka kalana mo ohop bakasmo da ia silakamo nu ohop! Anu tinantukanmo da ia ohakopmo, bakasmo da ia oboamo salaku miana nu ihakopmo!’

YEREMIA 47:7

Panyo nu poko ala mule' na ia madi' mompoposia, de maluanyo Ku palentahmo da mambamo montumbuhi Askelon tiba mian anu jojoong isonibi nu ambai?”

YEHEZKIEL 21:15

Ia nompojadimo bansang-Ku da madi'mo binaani ka' nohumpakmo kasusa'an. Pinopobuhuk-Kumo na kota' nu aha nu bajak anu jijinongkilabanmo aijo' susumo kilat ka' me kogia'nyo mompatei.

YEHEZKIEL 21:28

“O, manusia anu madi' tumuu' batu, pongkila-kilamo! Poto'i hi aha mian nu Amon anu sola'mo nongalu mian nu Israel, taalu' Aku, Tumpu Anu Matangkas na Kuasanyo notataemo, ‘Samata na bajak binoitmo sampe jinongkilaban susumo kilat da me kokogia' baumo pompatei.

YEHEZKIEL 21:3

taalu' Aku, Tumpu nompoto'imo mae sumo uuka, ‘Aku aiya sampobali' nu beleyum. Ku keatmo na bajak-Ku ka' mompateimo belemiu iwi-iwi' mau anu ma'ima' na kinyonyoanyo kabai anu manonong.

YEHEZKIEL 21:4

Bajak-Kumo aiya na bau pongewang-Ku iwi-iwi' na mian anu lengkat mae isasu utara toka-toka isasu salatan.

YEHEZKIEL 21:8

Tumpu notataemo mae hi belengku,

AMOS 9:4

De aha nu boamo nu sampobali', Ku palentahje da aha opatei. Kahanda'-Ku da ohopu'imo na aha, ka' madi'mo montulungi aha.”