YEHEZKIEL 21:7 - KITAB NU TUMPU ALLA LELE MA'IMAI'

⁷ De aha mompokilawa kadaka' beleyum nososonmo saba' poto'i taalu' beleyum sinusa'mo na kinyonyoa kalana lele nu balaa' anu saidi' mae toka. Lele aijo' mompolangkakatanmo kinyonyoa nu aha, lima nu aha lundengmo, ka' ike-ike' nu aha suele langkakatanmo ahi', aha madi'mo daagi' bilak. Memang sinaanyo aijo' tokamo mae, ka' iwi-iwi' aijo' tionyo ahi' jadimo. Aku, Tumpu Anu Matangkas na Kuasanyo notataemo.”

YEHEZKIEL 21:7 ပူးပေါင်းရင်းမြစ်များ

2 SAMUEL 17:10

Sahingga mian anu toto babaani tiba anu toto hoso-hoson susumo singa, tantu mabuhukmo. Kalana aha mian nu Israel iwi-iwi' monsumbu'mo tuuma nu belento Mian Daka' aijo' memang ahi' talenga' ka' mule' to sulu-suludadunyo anu ahi' to babaani.

2 TOMU-TOMUNDO' 21:12

Kalana aijo' Aku Tumpu Allah anu nu sombah nu mian Israel anu pinalesayamo hi belengku, mompotokamo mae balaa' anu daka' hondo hi Yerusalem ka' hi Yehuda, sahingga toto samian anu mohongo han aijo' tolokengkengmo.

MAZMUR 58:7

O, Tumpu, pato'i iwi-iwi' na bese' nu aha, gautakon na sae nu singa haha aijo' anu daagi' bata'nyo, o, Tumpu.

YESAYA 13:7

Toto samian nu oa'i kapi'mo na limanyo ka' madi'mo kokabaaniannyo.

YESAYA 28:19

Belemiu nu tokaimo mae nu kasusa'an anu madi'ko kamingkotannyo ka' otanggungmo ahi' nu belemiu na aijo' sansina-sinaa, daagi' subu ka' mule' de pihimo. Belemiu nulakatmo bau nu buhuk de belemiu mompahamimo potuunon nu Tumpu.

YESAYA 35:3

Pohoson na lima anu madi' moko ala mombau apa-apaa, pohoson na buku nu ike-ike' anu iludokmo.

YESAYA 7:2

Salatan tomundo' nu aha Yehuda nohongomo taalu' suludadu nu aha Siria ninsoopmo i daerah nu aha Israel anu monsangaja'i ia, ia ka' bansanyo nabuhukmo hondo, sahinga aha ilakatnyomo sumomo kau' anu ginayu'mo nu mombun.

YEREMIA 26:12

Lantas aku notataemo, “Tumpu na nompalentahmo mae aku da mompoto'i potuunon mongka'ideki Laigan nu Tumpu tiba kota' aiya susumo anu ihongomo nu belemiu.

YEREMIA 49:23

Sumo uuka na koo-Nyo nu Tumpu na aha Damsyik. “Mian anu jojoong ikota' Hamat tiba Arpad binata-batamo ka' nangada'mo bau nu buhuk kalana nohongomo lele anu madi' ma'ima'. Kinyonyoa nu aha kinalangkabutmo ka' madi'mo tinenda susumo bokon nu ambai.

YEREMIA 50:43

Salatan nohongo lele aijo' itomundo' Babel madi'mo daagi' noko ala nombau apa-apaa. Ia tinokanmo nu buhuk anu taha-tahahumo, ka' nongoa'imo sakit susumo boune anu kahanda'mo mompohampe anak.

YEREMIA 8:18

Kinyonyoangku sumomo sinaya-saya' ka' nalanitmo, kaduka'anku madi'mo opoko pakuli'i.

MOHAANGI 5:17

Bungkutnyo nu sion i liingmo ka' pinala'ianmo; i kiijo' mae dedeng nu alas lewa'mo nololo. Kalana aijo' kinyonyoa mami i na'idekanmo hondo, kami i humangmo sampe pinahaamo na kami montoa.

YEHEZKIEL 20:49

Panyo aku i Yehezkiel nompoto'imo kabalatanku ka' notataemo, “O, Tumpu Anu Matangkas na Kuasanyo, boli mae mompalentah aku mompoto'i han aijo'! Iwi-iwi' na mian notusa'mo kalana aku saja' mompake ibalat sahingga susa' na opoko ala opangalati'i.”

YEHEZKIEL 21:15

Ia nompojadimo bansang-Ku da madi'mo binaani ka' nohumpakmo kasusa'an. Pinopobuhuk-Kumo na kota' nu aha nu bajak anu jijinongkilabanmo aijo' susumo kilat ka' me kogia'nyo mompatei.

YEHEZKIEL 21:6

O, manusia anu madi' tumuu' batu, polotando'mo ka' pososonmo i ahop nu to mia-mian Israel, susumo au'aitu beleyum madi'mo ko halapan.

YEHEZKIEL 21:8

Tumpu notataemo mae hi belengku,

YEHEZKIEL 22:14

Daagi' ahi' baani kabai daagi' ahi' mahoson na beleyum montangkakon lima nu beleyum de Ku poko hukumo na beleyum? Aku, Tumpu Anu Matangkas na Kuasanyo notataemo ka' Aku mule' momposidamo apaa na anu pinoto'ing-Kumo.

YEHEZKIEL 24:19

Mian da'isan nompokilawamo mae, “Kadaka' kita Tuuma nombaumo sumo aiya? Apaa na alati'nyo aijo' hi kami?”

YEHEZKIEL 6:2

“O, manusia anu madi' tumuu' batu tonto'i mokiita' na to bungku-bungkutnyo nu Israel ka' poto'i na potuunon-Ku aiya aha ohukumo.

YEHEZKIEL 7:17

Toto samian lundengmo na limanyo ka' ludokmo na bukunyo.

YEHEZKIEL 7:26

Balaa' tiba lele ma'idek saja'mo toka mae hi aha. Belemiu mongkakasemo da to nabi-nabi mongkila-kilamo pa' apaa na jadi saidi' mae panyo aha madi' ahi' moko ala. Ka' suele aha to ima-imam madi'mo daagi' ko apa-apaa anu opogulu'akon hi aha mian, ka' mule' to pola-polaya' iningkotmo na pokinde' nu aha.

DANIEL 5:6

Ia inesemo hondo ka' nabuhukmo sahingga bukunyo i lakatnyomo.

IMAMAT 26:36

Bubuu' belemiu anu kiijo' mae i lipu' sangga'at anu pinomboan ka' pinompojoongan belemiu Ku bauje da aha talalo mabuhuk, sahingga mau ola kiakas nu hon nu kau' anu nupuhi nu mombun okabuhukmo sahingga aha mopalaimo. Belemiu mopalaimo sumomo ko anu nololoi'i unonu pahampatean, lantas tombahangkangmo maumo madi' ko sampobali' nu belemiu koko atina' hi belemiu.

NAHUM 2:10

Ninewe ihansunmo ilingmo ka' kinunmo. Kinyonyoa natawasmokalana nabuhukmo. Ike-ike' ilundengmo ka' ilakatnyomo. Ohup nu mian iwi-iwi' singkapmo ine'es hondo.

LUKAS 21:26

Mian mongoa'i buhuk mompaipatemo mongahopi apaa na anu jadimo i songko-songko nu dunia aiya, kalana anu mongkuasai aita' mae i langa saidi' mae kalangkabutmo.

PO'ULE' INGULIT 20:8

To kapa-kapala nu suludadu suele tionyo ahi' mompoto'i aiya hi belemiu, ‘Pa' daagi' ko mian anu aiya hi belemiu madi' moko ala mahampate ka' mabuhuk? De daagi', pinsusule' pe'e na ia da boli ia na mongidei kabaanian nu mian sangga'at.’

IBRANI 12:12

Kalana aijo', pohoson na limaum anu i lundengmo ka' buku nu beleyum anu i langkakatanmo aijo'!

YOSUA 5:1

Iwi-iwi' na tomundo nu aha Amori i sasu kinsoban Kaunyo nu Yordan, ka' iwi-iwi' na tomundo nu aha Kana'an i sonibi nu Ambai Totonga'nyo nohongomo tukoonyo Kaunyo nu Yordan pinoti'imo nu Tumpu salatan mian nu aha Israel notaapmo i kaunyo aijo'. Sahingga aha nabuhukmo hi mian nu aha Israel ka' i lakatnyomo.

YOSUA 7:5

Mian nu Ai haha aijo' mololoi' mae aha lengkat pe'e i sabatan daka' nu kota Ai tinoka-toka i da'erah tampat pongkekean balang anu i uno nu tano', lantas nompateimo aha tolumpulu' ka' anom na mian i tengke nu bungkutnyo. Sahingga aha mian nu Israel tinolosok'mo na kinyonyoa ka' nabuhukmo.

1 PETRUS 4:7

Iwi-iwi na apaa mongahopi ka'ahenannyo, mokonyo aijo' okuasai ahi' na butong miu ka' balajaga-jaga, da belemiu moko ala timbali balado'a.