YEHEZKIEL 21:3 - KITAB NU TUMPU ALLA LELE MA'IMAI'

³ taalu' Aku, Tumpu nompoto'imo mae sumo uuka, ‘Aku aiya sampobali' nu beleyum. Ku keatmo na bajak-Ku ka' mompateimo belemiu iwi-iwi' mau anu ma'ima' na kinyonyoanyo kabai anu manonong.

YEHEZKIEL 21:3 ပူးပေါင်းရင်းမြစ်များ

MAZMUR 17:13

Tinjomo mae, o Tumpu, ewakonmo na sampobali'ku ka' patundu'mo na aha. Posalamatakon mae na aku nu bajak nu Belento, de aku nulambanimo mae nu mian anu ma'idek na kinyonyoanyo.

MAZMUR 80:17

Anu monsampobali nonta'amo ka' nompapuimo; bakasmo na aha da silakamo nu tambuha' nu Belento.

MAZMUR 83:15

Susumo apu anu mompapuimo alas, moak nu apu anu montoyo'imo bungkutnyo iwi-iwi'.

NOSABATMO 15:9

Notatae na sampobali', ‘Aha ku loloi'mo ka' ku hakopmo, kineatku na bajakku ka' pinateankumo na aha. Lantas iwi-iwi' na halata' nu aha ingagoankumo binagi-bagingkumo ka pinakengkumo sampe na osa.’

ANU MOMPOLELE POTATAE NU TUMPU 9:2

Memang nasib anu pokakana bubuu' mongkona mian. Mian anu madi' tageo' na kinyonyoanyo maumo mian anu palaganta, mian anu ma'ima' na gau'nyo kabai anu ma'idek na gau'nyo, mian anu belesi' kabai mian anu mahenyu, mian anu monsombahkon koloban kabai anu madi'. Mian anu ma'ima' na gau'nyo madi' lebemo mohumpak dale' molingkuduimo mian anu baladosa', mian anu binasumpa'mo pokakanamo ahi' tiba mian anu madi' mongka oho' basumpa'.

YESAYA 10:5

Tumpu notataemo, “Silakamo na Asyur! Asyur Ku pakemo salaku pondoke ka' salaku amangkun bau pompan aha to mia-mian anu nukonamo nu tambuha'-Ku.

YESAYA 34:5

Tumpu nomposadiamo bajak-Nyo kiita' isuluga', ka' uuka aiya bajak aijo' montuda'mo bansa Edom anu binee'anmo hukuman ka' osilakaimo.

YESAYA 57:1

Mian anu ma'ima' na gau'nyo ka' palesaya hondo hi Tumpu, de silakamo madi' ko samian pe'e na mompalahatikan ia. De silakamo aha madi'mo daagi' nukona nu kasansala'an ka' aha nilawemo i tampat anu madi'mo ko anu mompoposia.

YEREMIA 17:27

Iwi-iwi' aijo' bisa timbali de belemiu montuluti Aku ka' montungka'akonmo samata-mata sinaa nu Sabat baumo bahagian-Ku. Boli mongato balang maumo pa' apaa montulu sabatan daka' haha aijo' i Yerusalem isinaa aijo'. De olanggaimo nu belemiu na palentah-ngKu haha aijo', saba' sabatan toto daka-daka' i Yerusalem tibamo laigan iwi-iwi' nu tomundo' Ku papuimo ingko-ingkot ka' mule' apunyo aijo' madi'mo daagi' opoko ala opatei'.’ ”

YEREMIA 21:13

Lapas aijo' Tumpu notataemo hi Yerusalem, “O Yerusalem! Tampat nu beleyum lebe matangkas molingkudui bangka'nyo-bangka'nyo anu atina' mompaha ohani beleyum. Beleyum sumomo ahi' puge'nyo nu batu anu matunjo ipadang tampat anu mahata, panyo Ku ewamo na beleyum. Beleyum notataemo kooyum madi' ko samian pe'e na anu moko ala montumbuhi beleyum kabai mohobo'akon benteng-benteng nu belemiu,

YEREMIA 21:14

panyo Ku hukumo na beleyum kalana palabuatan nu beleyum atina'. Laigan nu tomundo' nu belemiu Ku papumo, ka' sinin na apaa anu atina' ohani suele ahi' motoyo'mo. Aku, Tumpu notataemo.”

YEREMIA 50:31

O, Babel, beleyum saja' talalo buulon! Mokonyo aijo', Aku, Tumpu Anu Matangkas na Kakuasa'an, Tumpu Allah Anu Balakuasa hondo mongewamo beleyum. Tinokamo na tempo'nyo beleyum Ku hukumo.

YEREMIA 51:20

Tumpu notatae, “Babel beleyum sumomo pompaan, baumo toongon-Ku de mahampatemo. Beleyum Ku pakemo bau pompaan bansa-bansa ka' kalaja'an-kalaja'an.

YEREMIA 51:25

O, Babel, beleyum sumomo ahi' bungkutnyo anu nohansunimo songko-songko na dunia. Panyo Aku, Tumpu mongewamo beleyum. Beleyum Ku hela'mo ka' Ku pobahangkangmo ka' mule' Ku pojohokmo mopapu sampe timbalimo abu'.

YEHEZKIEL 14:17

Sahingga Ku potokamo mae na pahampatean ilipu' aijo' ka' Ku pakatumo mae na toongon anu bau pahampate toto heba-hebat da bau pompatei manusia kabai binatang.

YEHEZKIEL 14:21

Tumpu Anu Matangkas na Kuasanyo notataemo mae, “Aku mompokonamo mae opa-opat na bau pohukum-Ku anu talalo opalias hondo kona hi aha Yerusalem da baumo pohopu'i manusia kabai binatang. Hukuman aijo', aijo'mo pahampatean, kasusa'anmo i anu okaan, binatang anu mahangas ka'mule' panyakit anu molele.

YEHEZKIEL 21:19

“O, manusia anu madi' tumuu' batu, soba gamban ohua' na jalan anu timbali nu tului i tomundo' Babel, nonomboamo bajaknyo. Ohu-ohua' na jalan aijo' tionyo ahi' nolengkat mae i sa'angu' na lipu'; jalan sa'angu' mamba i Raba kota' Amon; jalan sa'angu' mule' mamba i Yerusalem, kota' anu ko bentengnyo i daerah Yehuda. Pokonai dopi' da bau pompotiju' popanga'anmo nu jalan.

YEHEZKIEL 24:9

Tumpu Anu Matangkas na Kuasanyo notatae, “Silakamo na kota' anu nobuke'mo nu mian anu saja'mo nompatei aijo! Posi Akumo na momposun kau' bau pompapui ia.

YEHEZKIEL 26:3

Tumpu Anu Matangkas na Kuasanyo notataemo, “Aku aiya sampobali' nu beleyum o, Tirus! Aku momboamo mae manjoo' na bansa da montumbuhimo beleyum, ka' aha toka mae sumomo ahi' bokon nu ambai.

YEHEZKIEL 29:10

sahingga Aku timbalimo sampobali' nu beleyum, ka' mule' sampobali' nu Kaunyo Nil anu nu beleyum ati-atina'. Songko-songko na Mesir Ku potimbalimo tano' anu liingmo hondo lengkat pe'e mae ikota' Migdol sasu utara toka-toka ikota' Aswan sasu salatan sahingga toka ipotempasan tiba Sudan.

YEHEZKIEL 5:12

Obagi totolu' na mian anu jojoong atina' hi beleyum sambagian na silakamo kalana panyakit anu molele ka' kalana balaa' kasusa'anmo i anu okaan na toka mae ikota' atina'. Sambagian opateimo nu bajak isambiha'nyo nu kota' ka' sambagian mule' Ku taumo mamba i iwi-iwi na tampat ka' Ku loloi'mo nu bajak.

YEHEZKIEL 5:8

Sahingga Aku, Tumpu Anu Matangkas na Kuasanyo mompoto'imo saba' Akumo na sampobali' nu beleyum. Beleyum Ku hukumje i ahop nu to bansa-bansa sangga'at.

IMAMAT 26:25

Ku podaagi'mo na pahampatean atina' hi belemiu da mohukum belemiu kalana belemiu nolanggaimo palajanjian-Ku tiba belemiu. Ka' de belemiu sihukmo i kota nu belemiu kahanda' da madi'mo ko anu mompoposia, Ku podaagi'mo na panyakit anu madi' opoko ala opakuli'i, sahingga belemiu tantu mati ta'alukmo hi anu monsampobali' belemiu.

IMAMAT 26:33

Ku podaagi'mo na pahampatean i lipu' nu belemiu ka' mongga'aga'atakonmo mamba i lipu' nu mian anu i salipu'an. Ale' nu belemiu madi'mo okalaja, ka' kota-kota' nu belemiu opojohokmo me susumo tambulan nu apa-apaa.

AMOS 5:6

Pinsusule'mo mae hi Tumpu, da belemiu timbali tumuu'. De belemiu madi' minsusule' hi Ia, Ia tokamo mae susumo apu anu molele ka' mompapui mian nu Israel iwi-iwi'. I Betel madi' ko samian pe'e na moko ala mompatei apu aijo'.

AMOS 7:4

Aku nontoa mule' lengkat mae hi Tumpu Anu Matangkas na Kuasanyo. Tinoangku Ia hau-haunyo mosadiamo da mohukumo nu apu mian anu palesayamo hi Ia. Apu aijo' nolele nontisimo ndalangon i dunia aiya ka' lewa'mo nontoyo'i ale'.

NAHUM 2:13

“Aku aiya sampo bali' nu beleyum,” na koonyo nu Tumpu Anu Daka na kuasanyo. “To kare-kareta nu beleyum Ku papuimo ingko-ingkot. Suludadu nu beleyum silakamo i uno nu pahampatean. Ka' Ku alamo na iwi-iwi na apaa anu ingalamo nu beleyum hi mian sangga'at. Apa-apaa na anu nu tuntut nu to mia-mian anu nu sai nu beleyum madi' daagi ohongo.”

NAHUM 3:5

Tumpu Anu Daka' na Kuasanyo notataemo, “O Ninewe, beleyum Ku silakaimo! Baju' nu beleyum Ku ukatakonmo i ahop nu to bansa-bansa, sahingga node nu beleyum nu toamo nu aha.

ZEFANYA 2:12

Ka' suele mian anu jojoong i Sudan obee'imo hukuman silaka nu Tumpu.

ZAKHARIA 13:7

Tumpu Anu Daka' na kuasanyo notatae, “Tinjomo mae o, bajak ka' tumbuhimo na polaya' potuu'on anu mokalaja hi beleng-Ku! Pateimo na Ia sahingga to domba-domba mosungke-sungkehetmo. Kutumbuhimo na mian anu palesayamo hi beleng-Ku,