YEHEZKIEL 21:12 - KITAB NU TUMPU ALLA LELE MA'IMAI'

¹² O, manusia anu madi' tumuu' batu, haangmo ka' polotando'mo! Kalana bajak aijo' mongewamo mian anu palesayamo hi beleng-Ku. To pola-polaya' nu aha Israel tiba songko-songko na bansa otabasmo nubajak aijo' sampe aha silakamo. Jadi hapa' na saha'an nu beleyum kalana nolibosmo,

YEHEZKIEL 21:12 ပူးပေါင်းရင်းမြစ်များ

YESAYA 13:7

Toto samian nu oa'i kapi'mo na limanyo ka' madi'mo kokabaaniannyo.

YEREMIA 25:34

O to pola-polaya', o to pola-polaya' nu mian anu palesayamo hi Tumpu! Haangmo hoso-hoson! Pingkaleade'mo i abu', kalana tinokamo na tempo'nyo belemiu opateimo, ka' anu madi' opatei oga'a-ga'atakonmo mamba iyaya mae. Belemiu sumomo ahi' kuhon anu mahan na olinyo nanabu'mo ka' noposo'mo.

YEREMIA 31:12

Mamba i Puge'nyo nu Sion aha tokamo mae lame'na ohup nu aha otoa ka' manyanyi lame' hondo. Kalana iwi-iwi' apaa na anu binee'-Kumo hi aha, aijo'mo, gandum, lanya', anggur, sapi' tiba domba. Aha sumomo ahi' sa'angu' na taman anu sukup na ueenyo, ka' madi' ko anu kulang apa-apaa.

YEREMIA 31:19

Belento ihukumo mami, panyo nompele-pele'mo na kami ipalabuatan aijo' Salatan Belento nohukumo kami, ubak mami tinolodukumo kalana sinusa'mo na kinyonyoa. Kami na ambangmo ka' madi'mo kino angga'nyo kalana binaladosa'mo tempo'nyo daagi' olitau'.’

YEHEZKIEL 21:11

Bajak aijo' binoitmo da me kokogia' opake lantas obee'mo hi samian anu tukang kolot.

YEHEZKIEL 21:13

kalana Aku hau-haunyomo monguji' mian anu palesayamo hi beleng-Ku, de aha madi' mongka'oho' mompoko ima'i kalakuan nu aha saba' iwi-iwi' aijo' jadimo ahi' hi aha'.’

YEHEZKIEL 21:14

Jadi, o, manusia anu madi' tumuu' batu, pongkila-kilamo. Hapa'i na lima nu beleyum da bau salaku tanda bajak aijo' montampu'unimo mongkolot. Bajak aijo' talalo ahi' okabuhuk.

YEHEZKIEL 21:25

Ka' hi tomundo' nu Israel Ku poto'i, ‘O, tomundo' anu ma'idek na kinyonyoanyo ka' palaganta! Sinaa anu pupusnyomo na beleyum ohukum malia'mo mae toka.

YEHEZKIEL 21:6

O, manusia anu madi' tumuu' batu, polotando'mo ka' pososonmo i ahop nu to mia-mian Israel, susumo au'aitu beleyum madi'mo ko halapan.

YEHEZKIEL 22:6

Iwi-iwi' na to pola-polaya' nu aha Israel ola saja' mongkatabunakon posi kahosonan nu aha ka' saja' mompatei.

YEHEZKIEL 30:2

“O manusia anu madi' tumuu' batu, soba kila-kilamo ka' poto'i hi bansang Mesir apaa na anu Kupoto'i hi aha Aku Tumpu Anu Matangkas na Kuasanyo. Potataemo daka-daka' ka' haangmo sumo uuka; Ibeh! Sinaa nu Tumpu toka malia'mo mae! Ia sampamo mompalentah. Sinaa aijo' pikat kundomon, tempo'nyomo na to bansa-bansa mohumpakmo hukuman.

YEHEZKIEL 6:11

Tumpu Anu Matangkas na Kuasanyo notataemo, “Lasaimo na kasusa'an! Polotando'mo, Haangmo moli-molibos kalana iwi-iwi' na palabuatan ma'idek ka' anu moko pahumimi' bibinaumo nu bansa Israel. Aha silakamo kalana lewa' mahampate, kalana madi'mo ko anu okaan tiba panyakit anu molele.

YEHEZKIEL 7:17

Toto samian lundengmo na limanyo ka' ludokmo na bukunyo.

YEHEZKIEL 9:8

Tempo'nyo aha lewa' pinatean aijo' aku sausa'ku daagi' ikiijo'. Aku tinolodadupumo ka' notataemo daka-daka', “O, Tumpu Anu Matangkas na Kuasanyo, taalu' sumo atina' na Belento nontambuha'imo Yerusalem sahingga Nu pateimo iwi-iwi' na mian anu daagi' aiya i Israel?”

YOËL 1:13

O to imam-imam anu mokalaja i mezbah pakemo na hude kalung ka' haangmo. Pinsoopmo i Laigan nu Tumpu da montando'i sampa-sampahu, kalana madi' ko koloban anggur ka' gandum anu osombahkon hi Tumpu nu belemiu.

YOËL 2:1

Puuhimo na tolompet, po'onyi'mo na tanda bahaya i bungkutnyo nu Sion anu susi' kajojoongan nu Tumpu. Langkakatanmo, o mian anu jojoong i Yehuda! Kalana Sinaa nu Tumpu ohanimo mae ka' malia-lia'mo mae toka.

MIKHA 1:8

Kalana aijo' aku, i Mikha nolibosmo na kinyonyoa ka' nompele-pele'mo. Aku i lumajangmo langgo-langgo' ka' madi'mo ni sapatu da pompotoa talalomo hondo nolibos na kinyonyoangku. Aku nolohu'mo susumo dedeng nu alas ka' nolokekmo susumo tominsi' unta.