YEHEZKIEL 20:8 - KITAB NU TUMPU ALLA LELE MA'IMAI'

⁸ Panyo aha madi' montuluti Aku ka' madi' mongka'oho' mohongo Aku. Aha madi' mongka'oho' mongalin iwi-iwi na patong nu aha anu okahegati aijo' ka' mule' madi' ahi mongka'oho' belenti na monsombah pilogot haha aijo' anu lengkat mae i Mesir. Tempo'nyo aha daagi' kiijo' mae, Aku sabenannyo mompotudunmo ahi' tambuha'-Ku hi aha.

YEHEZKIEL 20:8 ပူးပေါင်းရင်းမြစ်များ

NEHEMIA 9:26

Panyo mian anu palesayamo hi Belento notomuhukmo ka' madi'mo nontuluti Belento, madi'mo nombau apaa na anu kokoonyo nu atulan ka' mule' apaa na anu ingatunmo nu Belento, nompateimo to nabi-nabi anu nonompokinde'imo aha, ka' anu nompalentahmo aha, po ule' palesaya hi Belento, Tumpu Allah nu aha. O Tumpu de Belento po ule' mule' nu alu nu aha,

MAZMUR 106:23

Sahingga Tumpu kinoniatmo da opateimo na mian anu palesayamo hi Ia, panyo tinewa'mo i Musa mian anu pinile'an-Nyomo aijo'. I Musa na nombisalai aha poti-potimbiha', sahingga Tumpu madi'mo pinusa.

MAZMUR 69:24

Bakas da mata nu aha mapisokmo ka' tundun nu aha madi'mo ko kahosonannyo.

MAZMUR 78:17

Panyo aha saja' ahi' nombau dosa' hi Tumpu, tempo'nyo i tampat anu mateges aha notomuhukmo hi Anu Matangkas na Kuasa-Nyo.

MAZMUR 78:8

da aha madi'mo susumo mompolee' nu aha anu mongka'ima'i saja' motomuhuk ka' mingkalakuan palagenta; tulunan anu madi' totu-totu'u palesaya ka' madi' tulu-tulutan hi Tumpu.

MAZMUR 81:12

Panyo mian anu palesayamo hi belengku, madi'mo mohongo-hongo aku. Israel madi'mo tinulu-tulutan hi belengku.

NOSABATMO 32:1

Salatan bansa Israel nontoa i Musa pininmo hondo madi'mo sampa ninsusule' mae lengkat i bungkutnyo dagi' sabole-bole kiita' mae, aha sinihukmo hi Harun ka' notataemo hi ia, “Kita madi' monsumbu' pa' apaa na anu tinimbalimo hi Musa, mian anu nomboamo mae kita nosabat lengkat mae i Mesir; jadi bauimo mae na kami pilogot anu molaya' kami.”

YESAYA 63:10

Panyo aha notomuhukmo ka' mule' nomposusa'mo kinyonyoa nu Tumpu. Sahingga Ia tinimbalimo sampobali' nu aha posi Iamo ahi' na nahampate nongewa aha.

YEREMIA 11:8

ka' mompalentah da aha montuluti palajanjian-Ku aijo', panyo aha madi' ahi' mohongo-hongo ka' madi' mongka'oho' montuluti. Ola mule' ahi' aha tataap panggaga balabuat ma'idek susumo naipuan mae. Kalana aijo' iwi-iwi' na hukuman anu tuli-tulis kiijo' i palajanjian aijo' Ku nabu'akonmo hi aha.”

YEREMIA 32:23

Panyo salatan aha tinokamo ilipu' aiya ka' po ule'mo no ngala lipu' aiya, aha madi'mo nontuluti palentah iwi-iwi' nu Belento, ka' madi'mo tinumuu' mombatuki ajalan-ajalan nu Belento. Iwi-iwi' na anu Nu palentahkon hi aha mau sa'angu' madi' ko anu binau nu aha. Kalana aijo' Belento nompotokamo mae iwi-iwi' na balaa' aiya hi aha.

YEREMIA 7:24

Panyo aha madi' mongka'oho' mohongo ka' mule' madi' mongka'oho' mompalahatikan. Aha ola mule' ahi' montuluti pongka'oho' nu kinyonyoa nu aha anu bangilan hondo ka' ma'idek hondo aijo'. Aha misa' da tinimbalimo na ima' panyo ola mule' ahi'da lebe na idek.

YEHEZKIEL 20:13

Panyo ipadang tampat anu kaho bone'nyo aijo' suele ahi' aha madi' mohongo-hongo mae Aku. Aha nolanggaimo iwi-iwi na palentah-Ku ka' madi'mo daagi' nontalima atulan-Ku, anu nompatikolomo tukoonyo mian anu montuluti aijo' tataap tumuu'. Aha talalomo nohumimi'i sinaa nu Sabat. Kalana aijo' ipadang tampat anu kaho bone'nyo Aku sabenannyo mompotudunmo ahi' tambuha'-Ku hi aha ka' monsilakaimo aha.

YEHEZKIEL 20:16

Tambuha' anu tinaloakon-Kumo aijo' kalana aha madi' montuluti palentah-ngKu ka' mule' nolanggaimo na atulan-Ku ka' nohumimi'imo sinaa nu Sabat. Aha lebe mongka'ima'i monsombah pilogot nu aha haha aijo.

YEHEZKIEL 20:21

Panyo aha salapisan mae to oli-olitau tiba to lalangkoyang haha aijo' suele ahi' madi' montapali mae Aku. Aha nolanggaimo ahi atulan-Ku ka' mule' madi'mo nontuluti iwi-iwi na palentah-ngKu anu nompatikolomo tukoonyo mian anu montuluti aijo' tataap tumuu'. Aha nohumimi'imo sinaa nu Sabat. Kalana aijo' Aku sabenannyo mompotudunmo ahi' tambuha'-Ku hi aha ipadang tampat anu kaho bone'nyo aijo' ka' mompateimo aha iwi-iwi'.

YEHEZKIEL 20:7

Pinalentah-ngKumo na aha da mongalin iwi-iwi na patong anu okahegati anu nu ka'ima'i nu aha aijo', ka' tinewa'-Kumo na aha mohumimi'i butong nu aha nu palabuatan sola' monsombah to pilo-pilogot anu lengkat mae i Mesir, kalana Akumo ahi' na Tumpu Allah nu aha.

YEHEZKIEL 22:22

Susumo salaka ohansunimo i uno nu ponsuangan, sumo aijo'mo na aha ohansunimo kiijo' i Yerusalem. Sahingga nu sumbu'je nu aha taalu' Akumo ahi' na Tumpu anu nompotudunmo tambuha'-Ku hi aha.”

YEHEZKIEL 23:3

Daagi' aha lalangkoyang aha jinojoong i Mesir. Ikiijo' mae aha madi'mo pinarawan, lantas aha tinimbalimo anu saja' masala'.

YEHEZKIEL 5:13

Beleyum mongoa'imo tambuha'-Ku anu taha-tahahumo ka' mule' Aku mangamu'mo sampe Aku puasmo. Salatan iwi-iwi' aijo' jadimo atina'je ka beleyum palesaya taalu' Akumo ahi' na Tumpu anu notataemo hi beleyum kalana Aku notambuha'imo beleyum madi' tulu-tulutan.

YEHEZKIEL 7:8

Madi'mo daagi' pin na belemiu mongoa'imo tambuha'-Ku anu taha-tahahumo. Ku putusimo na hukuman nu beleyum sitimbang tiba palabuatan nu beleyum. Ku balosakonmo hi beleyum iwi-iwi na palabuatan nu beleyum anu talalo mahumimi'.

HOSEA 9:10

Tumpu notatae, “Momonanyo Aku nongkabot aha mian nu Israel, Aku najama'mo hondo susumo mian anu nohumpakmo bua' nu anggur i padang anu mateges. Momonanyo aku nontoa mompolee' nu belemiu sinanangmo hondo na Aku susumo mian nontoamo bua'nu kau' ara anu ai-aijo'je na nimbua'. Panyo salatan aha nambamo ibungkutnyo nu Peor aha nontampu'unimo nonsombah Baal sahingga aha nahumimi'mo susumo pilogot anu nu nu kalibosi nu aha aijo'.

IMAMAT 18:3

Boli montiho apaa na anu binaumo nu aha mian Mesir, tampat anu toho'mo jinojoongan nu belemiu, kabai mian nu Kana'an anu pomboan-Kumo uuka aiya belemiu.

PO'ULE' INGULIT 9:24

Salatan pe'e aku nonsumbu'mo belemiu, belemiu saja' madi' mohongo-hongo Tumpu.

PO'ULE' INGULIT 9:7

Inau' mosia na belemiu nonsabapi Tumpu Allah nu belemiu pinusa i padang bola. Salatanmo pe'e belemiu nompala'imo mae Mesir sampe tinoka i aiya belemiu saja' pinanggaga hi Tumpu.