YEHEZKIEL 20:7 - KITAB NU TUMPU ALLA LELE MA'IMAI'

⁷ Pinalentah-ngKumo na aha da mongalin iwi-iwi na patong anu okahegati anu nu ka'ima'i nu aha aijo', ka' tinewa'-Kumo na aha mohumimi'i butong nu aha nu palabuatan sola' monsombah to pilo-pilogot anu lengkat mae i Mesir, kalana Akumo ahi' na Tumpu Allah nu aha.

YEHEZKIEL 20:7 ပူးပေါင်းရင်းမြစ်များ

2 TAWARIKH 15:8

Salatan i hongomo i Asa na potatae i Azarya anak i Obed aijo', binaanimo na kinyonyoanyo, pinaha alinnyomo na bapilogotan anu aijo' i lipu' Yehuda, ka' Benyamin tiba anu kiijo' i to kota-kota' anu pinatundu'nyomo anu aita' mae i bungkutnyo nu Efraim. Lantas pinoko ima'annyomo na mezbah nu Tumpu anu kiijo' i popasan nu Laigan nu Tumpu.

NOSABATMO 16:12

“I hongong-Ku mo na mian nu Israel nososon. Poto'i hi aha de mamalomo aha mongkaanmo ponoha' ka' de daagi' subu aha mongkaanmo roti sampe mobosu. Sahingga nusumbu'je nu aha taalu' Akumo na Tumpu, Tumpu Allah nu aha.”

NOSABATMO 20:2

“Akumo na Tumpu Allah nu belemiu anu nomboamo mae belemiu nosabat lengkat i Mesir tampat nu belemiu binotuanan.

NOSABATMO 20:4

Boli belemiu mombau patong anu sumo apa-apaa aita' i langit, i dunia kabai i uno nu uee i aluk nu dunia.

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.

NOSABATMO 22:20

Ihe na monsombahkon koloban hi to pilo-pilogot sangga'at anu misa' hi beleng-Ku, Tumpu, tionyo ahi' obee'i hukuman opatei.

YESAYA 31:7

Tokaje mae na tempo'nyo saba' belemiu iwi-iwi' sola'mo mongalin iwi-iwi na patong bapilogotan nu belemiu anu salaka ka' mosoni' na binau nu belemiu ka' kaho dosa' aijo'.

YEHEZKIEL 14:6

Poto'i mule' ahi' hi aha mian nu Israel taalu' Aku, Tumpu Anu Matangkas na Kuasanyo mompoto'i hi aha, ‘Balatobatmo bolimo daagi' mombau dosa' nu belemiu ka' mule' pala'imo na pilogot nu belemiu haha atina anu mompobubun mae.’

YEHEZKIEL 18:15

Anak aijo' madi' mongka'oho' monsombah pilogot nu aha Israel, kabai mongkaan koloban anu sinombahkonmo itampat-tampat anu lewa' ponsomban pilogot. Ia madi toho' nonggoda bengkele' nu mian,

YEHEZKIEL 18:31

Bolimo daagi' mombau iwi-iwi' na palabuatan ma'idek anu sola'mo binau nu belemiu, ka' sahanyo kinyonyoa tiba pikilan nu beleyum timbalimo ahi bu'ou. Kadaka' belemiu tionyo ahi' silaka?

YEHEZKIEL 18:6

Ia madi' monsombah pilogot nu aha Israel kabai mongkaan koloban palasombahan itampat-tampat ponsomban to pilo-pilogot. Ia madi' toho' monggoda bengkele' nu mian sangga'at kabai moduhusmo boune anu tinokamo na adat nu aha boune.

YEHEZKIEL 20:19

Akumo ahi' na Tumpu nu belemiu. Saboleh-boleh otuluti na atulan-atulan tiba iwi-iwi na palentah-ngKu.

YEHEZKIEL 20:8

Panyo aha madi' montuluti Aku ka' madi' mongka'oho' mohongo Aku. Aha madi' mongka'oho' mongalin iwi-iwi na patong nu aha anu okahegati aijo' ka' mule' madi' ahi mongka'oho' belenti na monsombah pilogot haha aijo' anu lengkat mae i Mesir. Tempo'nyo aha daagi' kiijo' mae, Aku sabenannyo mompotudunmo ahi' tambuha'-Ku hi aha.

YEHEZKIEL 23:3

Daagi' aha lalangkoyang aha jinojoong i Mesir. Ikiijo' mae aha madi'mo pinarawan, lantas aha tinimbalimo anu saja' masala'.

YEHEZKIEL 23:7

Tibamo aha to mia-mian daka' haha aijo' na i Ohola masala'. Pakalaus mule' kalana ia talalo ahi' majota, ia nohumimi'i mule' ahi' butongnyo nononsombahmo to pilo-pilogot nu aha.

YEHEZKIEL 23:8

Ia me saja' nasala' susumo anu sola'mo binaunyo i Mesir u'utu mae pipinontampu'unannyomo ia madi'mo pinarawan. Daagi' pe'e ise-ise' ia sola'mo sinampoduhus ka' sola'mo binau salaku mian anu saja' masala'.

YEHEZKIEL 34:24

Aku, Tumpu timbalimo Tumpu nu aha ka' tomundo' anu pokakana sumo posaihon-Ku i Daud aijo' mongkuasaimo aha. Aku, Tumpu notataemo.

YEHEZKIEL 6:9

ikiijo' mae aha tumuu'mo ipinomboan ka' pinompojoongan. Lantas aha tonginau'mo mae hi beleng-Ku ka' mangalati'mo taalu' Aku nohukumo ka' nompopo ambangmo aha kalana kinyonyoa nu aha madi'mo tinulu-tulutan hi beleng-Ku. Aha nohikumo Aku ka' nompile'imo pilogot salaku bau pombolosi nu aha Aku. Lantas aha monguahi mo na mongoa'i posi butong nu aha kalana palabuatan ma'idek ka' anu moko pahumimi' bibinaumo nu aha.

IMAMAT 11:44

Akumo na Tumpu Allah nu belemiu, kalana aijo' ojagai na butong nu belemiu da belemiu tataap susi' kalana Aku Susi'.

IMAMAT 17:7

Bansa Israel tionyo ahi' saja' tulu-tulutan hi Tumpu ka' madi' timbali mongkolot binatang iyaya mae na pongale'an anu osombahkon hi to tomi-tominuat anu ma'idek. Atulan aijo' tionyo ahi' otuluti sampe toka sidu-sidutu'.

IMAMAT 18:2

da mompotoka palentah aiya hi bansa Israel, “Akumo na Tumpu Allah nu belemiu.

IMAMAT 18:3

Boli montiho apaa na anu binaumo nu aha mian Mesir, tampat anu toho'mo jinojoongan nu belemiu, kabai mian nu Kana'an anu pomboan-Kumo uuka aiya belemiu.

IMAMAT 20:7

O inau' da belemiu tataap susi', kalana Akumo na Tumpu Allah nu belemiu.

YOSUA 24:14

“Jadi, uuka aiya,” koonyo mule' i Yosua, “o'adati na Tumpu. Opalesaya ka' o hongo-hongo na Ia nu kinyonyoa anu totu-totu'u ka' boli panggaga. Bolimo mompalesaya to pilo-pilogot sangga'at anu sinombah nu mompolee' miu naipuan mae tempo'nyo i Mesopotamia ka' i Mesir. Anu opalesaya ka' o hongo-hongo ola samata-mata Tumpu.