YEHEZKIEL 20:30 - KITAB NU TUMPU ALLA LELE MA'IMAI'

³⁰ Jadi poto'imo hi aha mian nu Israel apaa na anu pinoto'ing-Kumo hi aha, Aku, Tumpu Anu Matangkas na Kuasanyo. ‘Kadaka' belemiu nombaumo dosa' haha atina' susumo anu binaumo nu mompolee' nu belemiu? Susumo aha, belemiu suele nontulutimo ahi' pilogot haha aijo' anu okahegati.

YEHEZKIEL 20:30 ပူးပေါင်းရင်းမြစ်များ

2 TAWARIKH 30:7

Boli sumo mompolee' nu belemiu ka' to mia-mian nu Israel sangga'at anu madi'mo tulu-tulutan hi Tumpu Allah nu aha. Pinosi toamo nu belemiu mosia na koboatnyo na Ia nohukumo aha.

MAZMUR 106:39

Kalana hahan anu binaumo nu aha aijo' sahingga aha suele naidekmo, ka' madi'mo nontuluti Tumpu.

YEREMIA 16:12

Panyo belemiu nombau mule' lebe ma'idek. Belemiu panggaga ka' ola saja' mombatuki posi pongka'oho' nu beleyum anu ma'idek atina'. Belemiu madi' mongka'oho' montuluti Aku.

YEREMIA 7:26

Panyo madi' ko anu mohongo kabai ko anu mompalahatikan. Belemiu ola mule' ahi' nompaka panggaga ka' naidek nolingkuduimo mompolee' nu belemiu.”

YEREMIA 7:9

Belemiu montomang, mompatei, masala', timbali sakisi anu baleko', monsombahkon koloban hi Baal ka' mule' monsombah to pilo-pilogot anu madi' osumbu' nu belemiu.

YEREMIA 9:14

Aha pinanggagamo ka' nonsombahmo to pilo-pilogot Baal susumo anu pinogulu'mo nu mompolee' nu aha.

YEHEZKIEL 2:3

“O, manusia anu madi' tumuu' batu, beleyum Ku saimo mamba hi aha mian nu Israel anu notomuhukmo madi'mo montuluti mae Aku. Aha aijo saja' ahi' motomuhuk madi' sala' susumo ahi' mompolee' mae nu aha.

YEHEZKIEL 20:26

Pinojohok-Kumo na aha nohumimi'imo butong nu aha sola-sola'mo nongkolobanakonmo anu posi kinolobanakonmo nu aha ka' mule' to ana-anak mo'ane nu aha anu tumpenyo kinolobanakonmo nu aha. Tiba jalan anu sumo aijo' na bau pohukum-Ku aha da nu sumbu' nu aha taalu' Akumo ahi' na Tumpu.

YEHEZKIEL 20:29

Aku nompokilawamo hi aha, ‘Tampat-tampat anu toto tangka-tangkas apaa na anu ilambananmo nu belemiu aijo'?’ Sahingga salatanmo pe'e aitu tampat-tampat haha aijo' sinanggohanmo ‘Tampat-tampat matangkas’.

NOMBILANGMO 32:14

Ka' uuka aiya belemiu moto idekmo mule' susumo to tutuuma nu belemiu! Belemiu memang gombuan nu to mia-mian anu baladosa' anu nonsaduakonmo Tumpu po'ule'mo nontambuha'i Bansa Israel!

MATIUS 23:32

De sumo aitu janjulakonmo ka' baumo na to dosa-dosa' anu tinampu'unanmo nu mompolee' miu aijo'!

SISIKON NU TO RASUL-RASUL 7:51

Palias hondo na ko panggaganyo na to Utu-utus ka' talalo susa' na mohongo Tumpu! Bihing miu mabongon hondo madi' mohongo potatae nu Tumpu! Komiu pokakana tiba mompolee' miu; saja' panggaga hi Roh nu Tumpu!

TO MIA-MIAN KOPIAN 2:19

Panyo de polaya' aijo' silakamo, bansa aijo' mompaka baumo anu ma'idek ka' lebemo molingkudui aha anu ilapisannyo mae momona. Aha pinalesayamo ka' nohongo-hongomo to pilo-pilogot sangga'at ka' nonsombahmo pilogot haha aijo'. Aha nompinsusule'imo kabiasa'an anu toto ide-idek anu saja' nubau nu aha ka' madi'mo mongka'oho' mombabali'i sipat nu aha.