YEHEZKIEL 20:12 - KITAB NU TUMPU ALLA LELE MA'IMAI'

¹² Ku palentahmo na aha da moholomati ahi' sinaa nu Sabat salaku tanda palajanjian anu binee'-Kumo hi aha saba' Akumo ahi' na Tumpu, anu nompo iwi'mo aha salaku mian anu palesayamo hi beleng-Ku.

YEHEZKIEL 20:12 ပူးပေါင်းရင်းမြစ်များ

KAJADIAN 2:3

Lantas binalakatan-Nyomo na sinaa ko popitu'nyo aijo' ka' pinotimbali-Nyomo sinaa anu susi', kalana i sinaa aijo' Tumpu Allah nilawemo, salatan iningkotmo na kalaja-Nyo.

NEHEMIA 9:14

Sinaa nu Sabat anu susi' tionyo ahi' nu lame'akon nu aha, ka' atulan nu Belento binee'mo nu Belento hi Musa lantas iaje na nompoto'i hi kami.

NOSABATMO 16:29

O inau' Aku nombee'imo belemiu sansinaa na milawe. Mokonyo aijo' sinaa ko inomonnyo binee'an-Kumo anu okaan saimbanggan kapalaluan uansinaa. I sinaa ko ipitunnyo toto samian tionyo ahi' jojoongmo i laigan, ka' madi'mo timbali mosabat.”

NOSABATMO 35:2

Anom sinaa na mokalaja, panyo sinaa ko ipitunnyo aijo' sinaamo pilawean, sinaa daka' anu ponsombanmo Tumpu. Ihe na mokalaja i sinaa nu Sabat tionyo ahi' mohumpak hukuman opatei.

YESAYA 56:2

Ku balakatimo na mian anu toka i sinaa nu Sabat ka' madi' mohumimi'i sinaa aijo'. Mian anu madi' mombau palabuatan ma'idek, ku kalesangmo ima-ima'.”

YEREMIA 17:22

Boli mokalaja kabai momboa balang maumo pa' apaa kahanda' osabatakonmo lengkat ilaigan nu belemiu i sinaa nu Sabat. Tungka'akonmo samata-mata na sinaa aijo' hi beleng-Ku susumo anu pinalentahkon-Kumo hi mompolee' nu belemiu.

YEHEZKIEL 20:20

Oholomati na sinaa nu Sabat da timbali bau salaku tanda palajanjian hi belengku tiba hi belemiu salaku bau pompotuka hi belemiu saba' Akumo ahi' na Tumpu nu belemiu'.’

YEHEZKIEL 20:26

Pinojohok-Kumo na aha nohumimi'imo butong nu aha sola-sola'mo nongkolobanakonmo anu posi kinolobanakonmo nu aha ka' mule' to ana-anak mo'ane nu aha anu tumpenyo kinolobanakonmo nu aha. Tiba jalan anu sumo aijo' na bau pohukum-Ku aha da nu sumbu' nu aha taalu' Akumo ahi' na Tumpu.

YEHEZKIEL 37:28

De Laigan-Ku daagi'mo ko anu aijo' hi aha sampe toka sidu-sidutu', nu sumbu'je nu aha bansang sangga'at taalu' Akumo ahi' na Tumpu anu nompile'imo aha Israel sahingga jinadimo mian anu palesayamo hi beleng-Ku.”

YEHEZKIEL 44:24

De daagi' ko palakala mompahasala'mo i atulan, tionyo ahi' nu ulus nu aha susumo koonyo nu atulan-Ku ka' mule' mongadati ahi' sinaa nu Sabat salaku sinaa anu samata-mata baumo ponsomban Aku.

IMAMAT 20:8

Otuluti na atulan-Ku haha aiya, kalana Akumo na Tumpu anu nolagamo belemiu da samata-mata mombau anu Ku palentahkon.”

IMAMAT 21:15

De ia molanggaimo atulan aijo', saba' to ana-anaknyo anu sabenanyo ahi' susi' timbalimo mahumimi'. Akumo na Tumpu ka' Aku nompile'imo ia da samata-mata bau Imam Daka'.”

IMAMAT 21:23

Kalana mian aijo' madi' mahoson na butongnyo ia madi' timbali mongohani lalanse' anu pinongoloti Salipi' anu Susi' kabai mezbah. Ia madi' timbali mohumimi'i to bala-balang anu opake samata-mata hi beleng-Ku, kalana Akumo na Tumpu, ka' Akumo na nontantukan balang haha aijo' samata-mata opake bau kapalaluan-Ku.”

IMAMAT 21:8

Bansa Israel tionyo ahi' mongakui Imam salakumo mian anu samata-matamo mokalaja hi beleng-Ku kalana ia monsombahkonmo koloban kaanon hi beleng-Ku. Akumo na Tumpu; Aku aiya susi' ka' Aku aiya momposusi' mian anu pinalesayamo hi beleng-Ku.

IMAMAT 23:3

Anom sinaa na mokalaja, panyo sinaa ko ipitunnyo sinaamo nu Sabat, atina' sinaamo nu pilawean anu obee'mo samata-mata sinaa monsombah Tumpu, ka' sinaa aijo' belemiu tionyo ahi' sihukmo da monsombahmo ka' madi'mo timbali mokalaja.

IMAMAT 23:32

Salatan sinaa makakinsapmo i tanggan osio' i bitu'on aijo', sampe toka sinaa makakinsapmo i tanggan sampulu' tionyo ahi' belemiu molame'akonmo susumo sinaa nu Sabat, sinaa anu samata-mata bau pilawean. Belemiu tionyo ahi' puasa' i sinaa aijo'.

IMAMAT 23:39

De noko padakmo, otampu'uni i tanggan sampulu' ka' olima' bitu'on ko popitu'nyo, komiu tionyo ahi' molameanmo kopinnyo pitun sinaa. Sinaa momonanyo ka' ko ialunnyo atina'mo na sinaa anu samata-mata bau pilawean.

IMAMAT 25:4

Panyo de taun ko popitu'nyomo aijo' samata-mata anumo nu Tumpu. Jadi i uno nu sataun aijo' tano' aijo' tionyo ahi' opojohokmo ka' madi'mo timbali okalaja. Bolimo monsu'ani ale' ka' bolimo montumpo'i anggur nu belemiu.

KOLOSE 2:16

Mokonyo aijo' boli mompojohok mian mompisala'i komiu mongkona kaanon kabai inumon, kabai mongkona sinaa daka' nu agama, kabai molame'akon bitu'on bu'ou, kabai mongkona sinaa nu Sabat.

1 TESALONIKA 5:23

O amalakon da posi Tumpuje na mombee'i kita ka'ima'an, mompotimbali komiu mian anu totu-totu'u tumuu'mo samata-mata hi Tumpu. O amalakon da Tumpu monjagai butong miu, iwi-iwi' mau mule' roh, santuu' kabai pe'e butong miu, sahingga madi' ko ideknyo de Tumpunto i Yesus Kristus mompo'ule'mo mae toka.

YUDAS 1:1

To Utu-utus anu i lagamo ka' anu talalo hondo nu kalibosi nu Tumpu Tuuma, ka' mule' anu o jagai da palesaya hi Yesus Kristus. Salaku posaihon i Yesus Kristus, aku – i Yudas – utus i Yakobus,