YEHEZKIEL 2:9 - KITAB NU TUMPU ALLA LELE MA'IMAI'

⁹ Lapas aijo' aku nontoamo lima anu inguluakonmo mae hi belengku. Totoong ilima aijo' kitab anu ilulunmo,

YEHEZKIEL 2:9 ပူးပေါင်းရင်းမြစ်များ

YEREMIA 1:9

Lapas aijo' tinajuakonmo mae nu Tumpu na lima-Nyo ka' nongkanyangmo mae nganga'ku lantas notataemo, “Potombihing mae ka' bebakon na potatae anu Ku taloakon aiya.

YEREMIA 36:2

“Ala na kitab sa'angu' anu ilulun, ka' tulis ikiijo' iwi-iwi' na anu pinoto'ing-Kumo hi beleyum mongkona Israel tiba Yehuda ka' mule' mongkona iwi-iwi' na bansa. Tulis iwi-iwi na potataengKu lengkat pe'e mae momonanyo Aku notataemo hi beleyum tempo'nyo i Tomundo' Yosia nompalentahmo sampe tempo uuka aiya.

YEREMIA 36:4

Kalana aijo' ilagangkumo na i Barukh anak i Neria ka' nonsisikmo hi ia iwi-iwi' na anu pinoto'imo nu Tumpu hi belengku. Sahingga tinulismo i Barukh iwi-iwi' ikitab anu ilulun aijo'.

YEHEZKIEL 3:1

Tumpu notatae, “O, manusia anu madi' tumuu' batu, kaanmo na kitab anu ilulunmo aiya lantas lako'mo ka' poto'imo hi aha mian nu Israel.”

YEHEZKIEL 8:3

Ia nonguluakonmo mae anu susumo lima lantas nontoongimo bulu nu ubaku. Lantas tinoangku, aku ihangkatmo tangka-tangkas nokiita' ilanga nu Roh nu Tumpu ka' binoamo i Laigan nu Tumpu i Yerusalem isabatan pinsoopan mokiijo' ipopasannyo anu i unonyo sasu utaranyo. Ikiijo' daagi' ko patong nu pilogot anu nonsaduakonmo da Tumpu notambuha'.

DANIEL 10:10

Lapas aitu daagi' kinolima anu nongkanyang mae aku sahingga aku noko pobulamo ka' natidupumo ilimangku ka' ibukungku.

DANIEL 5:5

Monti-montiik nontoamo lima nu mian nontulis apa-apaa i pimpi nu laigan anu kajo-kajojoongan nu tomundo' i tampat anu talalo hondo kantoan de nu pense'mo mae nu sulu' sahingga i tomundo' nontoamo mana-manasa.

ZAKHARIA 5:1

Pinalahatikanku mule', ka' uuka aiya tinoangku sa'angu' na lulunan nu kitab i lumahapmo nokiita' i langa.

ZAKHARIA 5:3

Lantas ia notataemo mae hi belengku, “I kitab anu ilulunmo aijo' tinulis pingkutuki iwi-iwi' na lipu' aiya. I sa'angu' na takeannyo tinulisan tukoonyo toto samian na anu mombuling osabatakonmo da bolimo jojoong i lipu' aiya. Ka' i takeannyo mule' sangga'at tinulis tukoonyo samian na anu basumpa' ihan anu madi' totu'u suele osabatakon.

IBRANI 10:7

Lantas Aku notataemo, ‘Aiyamo na Aku; o Tumpu! Aku toka da mombau anu okahanda'i nu Belento susumo anu tinulismo i uno nu Kitab nu Tumpu mongkona butong-Ku.’ ”