YEHEZKIEL 2:7 - KITAB NU TUMPU ALLA LELE MA'IMAI'

⁷ Poto'i ahi' iwi-iwi' na potuunon-Ku hi aha pa' nu hongo nu aha kabai madi'. Boli okolilimi saba' aha aijo' mian anu saja' motomuhuk.

YEHEZKIEL 2:7 ပူးပေါင်းရင်းမြစ်များ

NOSABATMO 6:29

Panyo tinaaman i Musa, “Tumpu, Belento nonsumbu' saba' aku madi' pande na basisik. Madi' koko i tomundo mongka'oho' mohongo-hongo aku?”

YEREMIA 1:17

Balasadiamo, Yeremia! Lako'mo ka' poto'imo hi aha, iwi-iwi' na anu pinalentahkon-Kumo hi beleyum. Boli mabuhuk hi aha da beleyum boli mule' Ku pojadi lebe mabuhuk de mompaha ahopmo tiba aha.

YEREMIA 1:7

Panyo tinaaman nu Tumpu, “Boli otaloakon beleyum daagi' anak. De Aku na monsai beleyum maumo pa' hihe na kalambanan, beleyum tionyo ahi' mamba ka' iwi-iwi' na anu Ku palentahkon tionyo ahi' nu poto'i nu beleyum hi aha.

YEREMIA 17:20

Potokakon na potuunon-Ku hi to tomu-tomundo' ka' iwi-iwi' na aha mian nu Yehuda ka' mule' hi iwi-iwi' na mian anu jojoong i Yerusalem anu motulu isabatan haha aijo'.

YEREMIA 23:28

Nabi anu nongipimo sabenannyo ahi' mompoto'i, ‘Aiya ola anu ingipi.’ Panyo nabi anu nohumpakmo potuunon lengkat mae hi beleng-Ku na tionyo ahi' mompoto'i potuunon aijo' tiba sahondo-hondonyo. Gandum madi' timbali opokakanakon tiba hatinyo.

YEREMIA 26:2

Tumpu notataemo mae hi belengku, “Lako mamba tuminjo' ipopasan nu Laigan-Ku ka' potataemo hi aha mian anu jojoong Yehuda anu toka mae monsombah ikiijo'. Poto'i hi aha iwi-iwi' na anu Ku palentahkon hi beleyum da opoto'iakon hi aha. Boli oga'ai mau ola sangkiding.

YEREMIA 34:6

Sahingga potuunon nu Tumpu aijo' pinotokangkumo hi Tomundo' Zedekia kiijo' i Yerusalem.

YEREMIA 36:14

Lantas aha to mia-mian anu ko pangkatnyo haha aijo' nompokaumo i Yahudi (anak i Netanya makumpu i Selemya ka' lokon i Kusyi) da mamba hi Barukh mompoto'i da nu boa mae hi aha na kitab anu ilulun anu bibinasa'akonnyomo aijo'. Sahingga binoamo i Barukh na kitab aijo'.

YEREMIA 42:21

Uuka aiya pinoto'ingkumo na potuunon nu Tumpu Allah-nto hi belemiu, panyo belemiu madi' ahi' nontuluti potuunon aijo'.

YEREMIA 44:20

Kona hi aha iwi-iwi' na mo'ane ka' boune anu nontaamimo susumo aijo', ku poto'i,

YEREMIA 6:28

Aha iwi-iwi' saja motomuhuk ka' panggaga hondo, sumomo ahi' ko kuutnyo nu tambaga ka' besak. Aha saja mombau palabuatan anu mabusik ka' lumajang pa' momoya mombebakon lele anu mombusiki sanggo nu mian sangga'at.

YEREMIA 7:27

Lapas aijo' Tumpu notataemo, “Kalana aitu o Yeremia, maumo ahi'beleyum mompoto'i iwi-iwi' aijo' hi aha mian anu palesayamo hi beleng-Ku, aha madi' ahi' mompalahatikan potatae nu beleyum. Maumo ahi' nu laga nu beleyum na aha, madi' ahi' nu taami nu aha.

YEHEZKIEL 11:25

Lantas sinisikkumo hi aha mian anu binoa ka' pinojoongmo kiijo' mae iwi-iwi' na anu pinotoa'mo nu Tumpu hi belengku.

YEHEZKIEL 12:2

“O, manusia anu madi' tumuu' batu, beleyum jinojoongmo hi aha mian anu saja' motomuhuk. Aha ko mata, panyo madi' montoa, ko bihing panyo madi' mohongo, kalana aha mongka'ima' i saja' motomuhuk.

YEHEZKIEL 2:5

pa' ka oho' nu hongo nu aha kabai madi'; asan nu sumbu'mo nu aha taalu' daagi' ko nabi aijo' hi aha.

YEHEZKIEL 20:27

Jadi o, manusia anu madi' tumuu' batu, poto'i hi aha mian nu Israel apaa na anu pinoto'ing-Kumo hi aha, Aku, Tumpu Anu Matangkas na Kuasanyo; Aiya na sonto' sangga'at anu momponyata' mosia na mompolee' nu belemiu sola'mo mae nongalu Aku ka' madi'mo nontuluti Aku.

YEHEZKIEL 3:10

Lapas aijo' Tumpu notatae mule', “O, manusia anu madi' tumuu' batu, palahatikan ima-ima' ka' o, inau' pa apaa na anu Ku poto'i hi beleyum.

YEHEZKIEL 3:17

“O, manusia anu madi' tumuu' batu, beleyum Ku hangkatmo da monjagai bansa Israel. Potokakon na pokinde'-Ku anu Ku bee' hi aha sumo uuka,

YEHEZKIEL 3:4

Tumpu notatae mule', “O, manusia anu madi' tumuu' batu, lako'mo mamba hi aha mian nu Israel ka' potokakonmo na potuunon-Ku aiya iwi-iwi' hi aha.

YEHEZKIEL 33:7

O manusia anu madi' tumuu' batu, beleyum ihangkat-Kumo da bau ponjagai bansa Israel. Poto'i hi aha na pokinde' aiya;

YEHEZKIEL 40:4

Mo'ane aijo' notataemo mae hi belengku, “O manusia anu madi' tumuu' batu, potombihing mae ima-ima' ka' opalahatikan iwi-iwi' na anu ku potoa hi beleyum, kalana makisud aijo' sahingga beleyum binoamo mae no uuka. Poto'i hi aha iwi-iwi' bansang Israel apaa na anu tinoamo nu beleyum.”

AMOS 3:13

Tumpu Anu Daka' ka' Matangkas na Kuasanyo na notatae, “Opalahatikan uuka aiya, ka' pokinde'i na tulunan i Yakub.

YUNUS 3:2

Ia notatae, “Lako'mo mamba i Ninewe, i kota' anu daka' aijo' ka' potokakon hi miannyo na potuunon-Ku anu Kupoto'i beleyum aiya.”

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110