YEHEZKIEL 2:1 - KITAB NU TUMPU ALLA LELE MA'IMAI'

¹ nontaloakon, “O, manusia anu madi' tumuu' pati tinjomo. Aku kahanda'mo motatae hi beleyum.”

YEHEZKIEL 2:1 ပူးပေါင်းရင်းမြစ်များ

MAZMUR 8:4

De ku sinda mokiita' na langit anu pinotimbalimo nu Belento bitu'on ka' to manda-mandala' anu pinokonamo aita' mae nu Belento,

YEHEZKIEL 1:28

ka' manjoo' hondo na ngahan nu buhitnyo mimbalu-balu'mo tandalo'. Aijo'mo na jingka anu lonsinoan hondo salaku tanda daagi'mo ko Tumpu tinoka. Nontoa aijo' aku tinombahangkangmo dumo-dumon itano'. Lantas ihongongkummo na potatae

YEHEZKIEL 12:3

Kalana aijo' o, manusia anu madi' tumuu' batu. Bau na uuka, panyo obau sinaa potouka na bala-balang nu beleyum ka' obaluni isa'angu' na balunan susumo anu saja' nu bau nu aha anu oboamo ka' opojoongmo ilipu' sangga'at. Ka' ma'isa pe'e pihi pala'imo na laigan nu beleyum panyo boli ahi' matikohowini hi mian susumo ahi' mian anu oboamo itampat pompojoongan. Bolo'i na pimpi' nu laigan nu beleyum panyo nu toa ahi' nu mian anu sasaja' motomuhuk haha aijo', ka' boamo na balunan anu ko isinyo nu balang nu beleyum ka' posabatmo montulu bolo' ai-aijo'. Ka' simbumo na balunan atina ibekoang nu beleyum. Ka' lambamo panyo pihije ahi'; kukubi na mata nu beleyum sahingga madi' nu toa-toa na jalan anu nu tului. Pobakas da iwi-iwi' na bansa Israel montoa iwi-iwi' apaa na anu binaumo nu beleyum, da baumo salaku pokinde' hi aha. Da ihe na monsumbu' ugaat tiba jalan anu sumo aijo' aha mangalati'je taalu' aijo'mo aha na anu saja' motomuhuk.”

YEHEZKIEL 13:2

“O, manusia anu madi' tumuu' batu, tambuha'i na to nabi-nabi Israel anu nontaloakonmo posi kila-kila'annyo. Pokau na aha da mompotombihing mae potataeng-Ku.”

YEHEZKIEL 14:13

de sa'angu' na lipu' baladosa'mo ka' madi'mo tulu-tulutan mae hi beleng-Ku, Ku hukumo na lipu' aijo'. Ku hansunimo na palasadia'an nu anu okaan nu aha, ka' mule' mompotokamo mae balaa' kasusa'anmo i anu okaan ka' mule' mompateimo manusia kabai binatang.

YEHEZKIEL 14:3

“O, manusia anu madi' tumuu' batu, mian haha aiya nompopalesayamo butong nu aha hi pilogot sahingga aha nanabu'mo i dosa'. Te toho' mule' Aku pompokilawan mae nu aha?

YEHEZKIEL 15:2

“O, manusia anu madi' tumuu' batu, apaa na kalebehannyo nu kau' anggur de obandingakon tiba kau' sangga'at anu i uno nu alas?

YEHEZKIEL 16:2

“O, manusia anu madi' tumuu' batu, soba poto'i hi aha na palabuatan-palabuatan nu Yerusalem anu toto mahu-mahumimi' bibinaunyomo.”

YEHEZKIEL 17:2

“O, manusia anu madi' tumuu' batu, sisikakon hi to mia-mian Israel na kantuangan aiya,

YEHEZKIEL 2:3

“O, manusia anu madi' tumuu' batu, beleyum Ku saimo mamba hi aha mian nu Israel anu notomuhukmo madi'mo montuluti mae Aku. Aha aijo saja' ahi' motomuhuk madi' sala' susumo ahi' mompolee' mae nu aha.

YEHEZKIEL 2:6

Panyo beleyum, o, manusia anu madi' tumuu' batu boli mabuhuk hi aha anu sosola' motomuhuk aijo' kabai apaa na anu nu taloakon nu aha. Aha saidi' mae mongewamo ka' mompopo ambangmo beleyum, sahingga beleyum sumomo ahi' tumuu' galo-galo' hi beyua'. Panyo maumo ahi' sumo aijo', boli mabuhuk.

YEHEZKIEL 2:8

O, manusia anu madi' tumuu' batu, potombihing mae apaa na anu Ku poto'i hi beleyum. Boli mule' ahi' montiho aha motomuhuk. Po anga' mae na nganga' nu beleyum ka' kaan apaa na anu Ku bee' hi beleyum.”

YEHEZKIEL 20:3

“O, manusia anu madi' tumuu' batu, potatae hi aha to pola-polaya' haha aijo' ka' poto'i hi aha saba' Aku, Tumpu Anu Matangkas na Kuasanyo notatae mae sumo uuka, ‘Baani hondo mae na belemiu momoita pokinde' hi belengku! Atas sanggong-Ku, Aku Tumpu Allah anu tumuu', Aku madi'mo halala' na pomoitan mae pokinde' nu belemiu! Aku, Tumpu Anu Matangkas na Kuasanyo notataemo'.’

YEHEZKIEL 3:1

Tumpu notatae, “O, manusia anu madi' tumuu' batu, kaanmo na kitab anu ilulunmo aiya lantas lako'mo ka' poto'imo hi aha mian nu Israel.”

YEHEZKIEL 3:10

Lapas aijo' Tumpu notatae mule', “O, manusia anu madi' tumuu' batu, palahatikan ima-ima' ka' o, inau' pa apaa na anu Ku poto'i hi beleyum.

YEHEZKIEL 3:17

“O, manusia anu madi' tumuu' batu, beleyum Ku hangkatmo da monjagai bansa Israel. Potokakon na pokinde'-Ku anu Ku bee' hi aha sumo uuka,

YEHEZKIEL 3:4

Tumpu notatae mule', “O, manusia anu madi' tumuu' batu, lako'mo mamba hi aha mian nu Israel ka' potokakonmo na potuunon-Ku aiya iwi-iwi' hi aha.

YEHEZKIEL 37:3

Tumpu nompokilawamo mae hi belengku, “O manusia anu madi' tumuu' batu, pa' timbali na buku haha daagi' po ule' tumuu'?” Aku nontaami, “Tumpu Anu Matangkas na Kuasanyo, hanya Belento na anu monsumbu' hondo.”

YEHEZKIEL 4:1

Tumpu Allah notatae, “O, manusia anu madi' tumuu' batu, soba ala na batu sa'angu' ka' potimpas atina' hi ahop nu beleyum ka' gohit i aita' gambalan nu kota' Yerusalem.

YEHEZKIEL 40:4

Mo'ane aijo' notataemo mae hi belengku, “O manusia anu madi' tumuu' batu, potombihing mae ima-ima' ka' opalahatikan iwi-iwi' na anu ku potoa hi beleyum, kalana makisud aijo' sahingga beleyum binoamo mae no uuka. Poto'i hi aha iwi-iwi' bansang Israel apaa na anu tinoamo nu beleyum.”

YEHEZKIEL 43:18

Tumpu Anu Matangkas na Kuasanyo notataemo mae hi belengku, “O manusia anu madi' tumuu' batu, potombihing mae apaa na anu Ku poto'i hi beleyum. De mezbah aijo' lapasmo na obau, beleyum tionyo ahi' montahbiskanmo, mompake koloban anu opotunu aijo' ka' opipi'i nu baso'nyo anu kinolobanakonmo na mezbah aijo'.

YEHEZKIEL 5:1

Tumpu notatae, “O, manusia anu madi' tumuu' batu, ala na bajak anu matajom hondo da bau pongkiis ingko-ingkot na jangkut nu beleyum ka' ubak nu beleyum. Lapas aijo' timbangmo na bulu haha aijo' itimbangan lantas obagimo totolu' na bagian.

YEHEZKIEL 7:2

“O, manusia anu madi' tumuu' batu, Aku Tumpu Anu Matangkas na Kuasanyo montaloakonmo sumo uuka hi aha tano' nu Israel; Uukamo na kamingkotan nu sisiknyo nu lipu' aiya!”

DANIEL 10:11

Malaekat aijo' notataemo mae hi belengku, “O, Daniel, beleyum nu kalibosi nu Tumpu. Pobulaamo ka' mule' tinjomo lantas potombihingmo mae na potataengku aiya ima-ima'. Aku aiya sinaimo mae toka hi beleyum.” Tempo'nyo ia nontaloakon han aijo' aku tinuminjomo ka' ilakatnyomo.

DANIEL 10:19

Ia notatae, “Tumpu mongkalibosi beleyum kalana aijo' boli bata-bata kabai mabuhuk, donganmo pahoson!” Hau-haunyo ia nontaloakon han aijo' ingoa'anku nompaka pahosonmo mule' ka' notataemo, “Soba potataemo mae o, Tumpu, belento Tuan nompaka tuangimo mae kahosonanku.”

DANIEL 8:17

Lantas i Gabriel anu tinuminjo i ahopku aijo' nongohanimo mae aku. Aku na buhukmo hondo sahingga aku notua'mo. Koonyo i Gabriel hi belengku, “O, mian anu madi' tumuu' sampe toka sidu-sidutu' beleyum tionyo ahi' monsumbu' saba' anu tinoa aijo', aijo'mo na sinaa kakiamatan.”

MATIUS 17:7

Panyo i Yesus tinoka ka' nohenggo aha. “Pobulamo”, koo-Nyo, “boli mabuhuk!”

YOHANES 3:13

Ma'isa toho' ko samian pe'e anu noliba'mo i suluga', ola ahi' Ia anu nintatau' i Dunia aijo'mo Anak nu Mian.

YOHANES 3:16

Kalana sumo aitu na Tumpu mongkalibosi mian i dunia aiya, sahingga Ia nombee' Anak-Nyo samba-sambatunyo da ihehe na mian anu palesaya hi Ia madi' mohumpak ka'idekan, panyo mohumpak kantumuu'an talakana' ka' sampe toka sidu-sidutu'.

SISIKON NU TO RASUL-RASUL 26:16

Bulaamo ka' tinjo! Aku nompotoamo butong-Ku hi beleyum ko kahanda' da mongangkat beleyum timbali posaihon-Ku. Beleyum tionyo mompoto'i hi mian sangga'at, apaa na tinoaum sinaa aiya mongkona Aku, ka' mongkona apaa na Ku poto'ije hi beleyum saidi' mae i tempo' anu tokaje mae.

SISIKON NU TO RASUL-RASUL 9:6

Panyo uuka bulamo ka' pinsoop mokiijo' i kota. I kiijo' mae opoto'ije hi beleyum apaa na anu tionyo nu bau.”