YEHEZKIEL 19:3 - KITAB NU TUMPU ALLA LELE MA'IMAI'

³ Sa'angu' na anaknyo ingajannyomo, ka' pinogulu'nyomo da monsumbu' molio kaanonnyo. Sahingga jinadimo na ia singa anu dinaka'mo, pansa'u hondo ka' pangkaan hondo manusia.

YEHEZKIEL 19:3 ပူးပေါင်းရင်းမြစ်များ

2 TOMU-TOMUNDO' 23:34

Lapas aijo' i Tomundo' Nekho nohangkatmo anak mo'ane i Yosia, sanggonyo i Elyakim tinimbalimo tomundo' nu Yehuda, ka' nombali'imo sanggo i Elyakim sinanggohanmo i Yoyakim. I Yoahas binoamo namba i Mesir ka' ia sinilakamo i kiijo' mae.

YEHEZKIEL 19:2

Tina nu beleyum sumomo ahi' tina nu singa anu opaliasi ka' mule' madi' ko anu mongkakanai. Ia nompidaka'imo to ana-anaknyo, aijo' itotonga' nu to singa-singa anu to babaani.

YEHEZKIEL 19:4

To bansa-bansa anu nohongomo mae lelenyo aijo', sinihukmo mae kahanda' da mohakopmo ia. Ia ihakopmo i uno nu bolo' ka' binoamo, lantas ihela'mo nu kakait namba i Mesir.

YEHEZKIEL 19:6

Anak nu singa aijo' dinaka'mo, ka lewa'mo nosangalu tiba singa-singa sangga'at. Ia suele sola'mo nolio kaanonnyo, ka' suele pinangkaanmo mian.

YEHEZKIEL 22:25

To pola-polaya' nu aha sumomo ahi' singa molohu'mo salatan nonsa'umo kaanonnyo. Aha nompateimo mian da'isan, nongagoimo iwi-iwi' na halata' tiba kakaya'an anu nu humpak nu aha ka' nonsaduakonmo manjoo' na to bou-boune anu binalumo.

YEHEZKIEL 32:2

“O manusia anu madi' tumuu' batu, pokinde'i totu-totu'u na itomundo' Mesir. Potokakon na potuunon-Ku aiya hi ia, ‘Beleyum montihomo susumo singa anu daagi' bata'nyo aijo hi aha to bansa-bansa, panyo beleyum lebe montiho susumo bua' anu jojoong i uno nu uee. Tengke nu beleyum mompohibu ka' mongkotoni iwi-iwi' na kaunyo.

ZAKHARIA 11:3

Potombihing na tando' nu mian anu singkap balakuasa kakaya'an nu aha imadi'anmo hondo-hondo. Potombihing na huu' nu to singa-singa i uno nu alas; kalana ihansunmo na kajojoongan nu aha tutuus Kaunyo nu Yordan.

PO'ULE' INGULIT 33:22

Mongkona tulunan i Dan ia notatae: “Ka' susumo sa'angu' na singa bata'nyo anu nalalumpatmo nosabat mae lengkat i Basan.”