YEHEZKIEL 19:12 - KITAB NU TUMPU ALLA LELE MA'IMAI'

¹² Panyo ia ginautmo nu lima nu to mia-mian anu pinusamo, lapas aijo' ilumbu'akonmo i tano'. Mombun anu lengkat mae isasu Kabete'an, nomanggasimo bua'nyo anu ma'ima'. Panga'nyo nopato'mo ka' nanggasmo lantas pinapuanmo.

YEHEZKIEL 19:12 ပူးပေါင်းရင်းမြစ်များ

2 TOMU-TOMUNDO' 23:34

Lapas aijo' i Tomundo' Nekho nohangkatmo anak mo'ane i Yosia, sanggonyo i Elyakim tinimbalimo tomundo' nu Yehuda, ka' nombali'imo sanggo i Elyakim sinanggohanmo i Yoyakim. I Yoahas binoamo namba i Mesir ka' ia sinilakamo i kiijo' mae.

MAZMUR 52:5

Sahanyo mongka'ima'i palabuatan ma'idek ka' madi'mo mongka'ima'i palabuatan anu ma'ima', sahanyo baleko' ka' madi'mo montaeakon potatae anu totu'u.

MAZMUR 80:16

Posalamat mae na mian anu sumomo kau' anggur anu posi Belento na nosu'an, ka' sumpenyo nu anggur anu pinohosonmo nu Belento.

YESAYA 27:11

De to panga-panga'nyo manggasmo ka' mopato'mo tokamo mae nu ala nu to bou-boune da bau kau' anu oposun. Bansa aijo' madi' ko anu nu pisumbu-sumbu', sahingga Tumpu anu nompotimbalimo ia madi'mo daagi' mongkalibosi aha.

YESAYA 27:8

Tumpu nohukumo mian anu palesayamo hi Ia aijo'mo nomboa aha pinojoong ilipu' nu mian anu isalipu'an. I laa'-Nyomo na aha nu mombun anu ma'idek lengkat mae isasu kabete'an.

YEREMIA 22:30

“Mian aijo' tinantukanmo nu Tumpu madi'mo ko to ana-anaknyo ka' saja' madi' mingkaliangan i uno nu kantumuu'annyo. Sadangkan lee'nyo suele madi'mo daagi' ko anu mingkaliangan na mompalentah i Yehuda salaku tomundo' lee' mae i Daud. Aku, Tumpu notataemo.”

YEREMIA 31:28

Susumo naipuan mae Aku nonjagaimo aha da lapas mae Ku gautakonmo, Ku hobo'akonmo ka' Ku hansunimo na aha, sumo aijo'mo na Aku mule' monjagai aha, Ku pokododo ka' po ule' Ku bangonakon na aha.

MOHAANGI 2:1

Tumpu nongalamo sa'angu' na kaputusan i uno nu kapusan-Nyo, Sion kinuluban-Nyomo nu pikat hondomi'. Katalasanggoan nu Israel anu talalomo natangkas toka-tokamo i langit ingalin-Nyomo i dunia. Salatan Tumpu pinusamo laigan-Nyo pe'e kiita i Sion madi'mo ilinga-linga-Nyo.

YEHEZKIEL 15:2

“O, manusia anu madi' tumuu' batu, apaa na kalebehannyo nu kau' anggur de obandingakon tiba kau' sangga'at anu i uno nu alas?

YEHEZKIEL 15:4

Madi' ko gunanyo, ola ahi' obau kau' anu oposun. Ka' de ohu-ohua' na tuu'nyo ningkotmo nopapu ka' mule' anu i pohintonga'anyo suele tinimbalimo buhing tedaagi' ko gunanyo?

YEHEZKIEL 17:10

Memang ia nahosonmo na tinumuu', panyo pa' moko ala ahi' na ia satu tumu'nyomo ka mompaka podensu'? Pa' madi' ahi' ia mangkaluale de nu puhimo mae nu mombun anu lengkat mae i sasu Kabete'an? Pa' madi' ahi' i manggas i tampat kinatumuu'annyo?”

YEHEZKIEL 19:11

Panga'nyo mahoson madi' dengke na mopato', timbali obau tokon nu kalaja'an Tuu'nyo matangkas hondo matunjo mokiita', montoka-tokamo kundom Ia nu kabangangimo nu mian iwi-iwi', kalana ia matangkas tiba honnyo mule' tambok.

YEHEZKIEL 28:17

Ohup nu beleyum anu ontinganan atina' nonsaduakonmo beleyum sahingga kinobubuunmo ka' kalana beleyum tinalasanggomo atina'mo na nonsaduakon beleyum sahingga pinonga'mo na binalatanga'. Mokonyo aijo' beleyum Ku sapahakonmo itano' ka' Ku pojadimo salaku sonto' hi aha to tomu-tomundo' sangga'at'.’ ”

HOSEA 13:15

Naumo Israel sinanangmo na kantumuu'an nu aha susumo hemput anu molumba' panyo Ku pokauje na mombun nu kabete'an anu mapanas hondo lengkat mae i padang anu mateges. Mombun aijo' na montiisi iwi-iwi na mata nu uee tiba to bubu-bubung. Sahingga manggasmo iwi-iwi' na anu mahan na olinyo.

YUNUS 4:8

Salatan batu nu sinaa binete'mo, Tumpu nompalentahmo mae baleba' anu mapanas anu lengkat mae i kabete'an. I Yunus kiniboli' kinotusmo na kinyonyoanyo nu batu nu sinaa anu sumomo mompapui mae ubaknyo. Madi'mo kino halapan apa-apaa na ia ka' mongka'ima'imo da sahanyo silakamo. Ia notatae, “Lebe ma'ima' aku silakamo ka' de mule' aku daagi tumuu'!”

MATIUS 3:10

Bobolo' sinadiamo bau pontaa' kau' toka i baka-bakatnyo. Toto sampu'un anu madi' mohasinakon bua'nyo anu ma'ima' tionyo o taa' ka' o alin i uno nu apu.

YOHANES 15:6

Mian anu madi' saja' mosa'angu' tiba Aku, o'alin sumo panga', lantas timbali manggas. To panga-panga' susumo aijo' olimu' ka' olumbu'akon mokiijo' i uno nu apu.

PO'ULE' INGULIT 29:28

Pusa nu Tumpu hi aha i lubatakon-Nyomo hondo-hondo ka' pusa-Nyo anu taha-tahahumo aijo' Ia nonsabatakonmo bansa Israel da mompala'imo tano' nu aha ka' nongalinmo aha namba i lipu' nu mian anu i salipu'an sahingga aha kiijo'mo mae.’

PO'ULE' INGULIT 32:22

Aku motambuha' sumomo apu na ko moaknyo anu montoyo'i toka-toka i dunia tampat nu mian anu natemo. Apu aijo' montoyo'imo dunia iwi-iwi' ka' isinyo, ka' to bungku-bungkutnyo toka-toka i bakatnyo.