YEHEZKIEL 19:10 - KITAB NU TUMPU ALLA LELE MA'IMAI'

¹⁰ Tina nu beleyum sumomo ahi' kau' anggur anu ma'ima hondo anu tinumuu' i ale' koko sepa'nyo nu kaunyo. Ia tinambokmo na honnyo ka' nimbua'mo, kalana ueenyo ikiijo' manjoo' hondo.

YEHEZKIEL 19:10 ပူးပေါင်းရင်းမြစ်များ

MAZMUR 1:3

Apaa na anu nukahanda'i nu bau nu mian aijo' iwi-iwi' nu humpak; ia sumo kau' tumuu' i sohipi' nu kau'nyo anu mimbua' de tokamo na lonunyo ka' saja' madi' toho' mangkaluale na honnyo.

MAZMUR 128:3

Bengkele' nu beleyum sumomo kau' anggur anu molumba'mo, i uno nu laigan nu beleyum. To ana-anak nu beleyum sumomo sumpe nu kau' zaitun montiikubimo meja' nu beleyum.

YEHEZKIEL 17:6

Kau aijo' tinimbalimo kau' anggur ka' tumuu'nyo hede' ka' dinumandangmo manta-mantan. Panga'nyo haha aijo' mompanjolongi bonyia' ai-aijo' ka' bakatnyo nanimpasokmo hoso-hoson i tano'. Kau' anggur aijo' tambok hondo na honnyo.

YEHEZKIEL 19:13

Tempo uuka aiya sinu'anmo i padang tampat anu kaho bone, i tano anu kinunmo ka' mule' madi' ko ueenyo.

YEHEZKIEL 19:2

Tina nu beleyum sumomo ahi' tina nu singa anu opaliasi ka' mule' madi' ko anu mongkakanai. Ia nompidaka'imo to ana-anaknyo, aijo' itotonga' nu to singa-singa anu to babaani.

HOSEA 2:2

Tumpu notatae, “O to ana-anak-Ku, tina nu beleyum misa'mo daagi' bengkele'-Ku, ka' Aku misa'mo langkai'nyo. Kalana aijo' ulusmo na ia, da ia bolimo daagi' masala', ka' bolimo mombau anu moko masala'.

HOSEA 2:5

Tina nu beleyum masala' ka' madi' monsumbu' ma'ambang. Ia notatae, ‘Aku mamba hi to sindu-sindu'anku anu nombee'imo aku anu okaan ka' anu o inum, hude wol ka', hude lenan, lanya' nu zaitun tiba anggur'.’

YOHANES 15:1

Koonyo i Yesus mule', “Aku kau' anggur anu totu-totu'unyo, ka' Tuumang-Ku aijo' na tumpu nu ale'.

PO'ULE' INGULIT 8:7

Tumpu Allah nu belemiu nomboamo belemiu i lipu' anu ma'omuk; lipu' anu manjoo' na kau'nyo ka' matanyo nu uee, ka' mabohos mae na soloknyo lengkat i uno nu tano' monguwei to bangka-bangka'nyo ka' to puge-puge'nyo.

PO'ULE' INGULIT 8:9

Ikiijo' mae belemiu madi'mo mo'ohop kabai kakulangan. Batu gahanggan ko galo'nyo besak, ka' puge-puge'nyo haha aijo' timbali pongkekean miu tambaga.