YEHEZKIEL 19:1 - KITAB NU TUMPU ALLA LELE MA'IMAI'

¹ Tumpu nompalentahmo aku da monyayiakon nyanyian aiya bau pohangi anu sinilakamo aijo'mo anak nu tomundo' Israel:

YEHEZKIEL 19:1 ပူးပေါင်းရင်းမြစ်များ

2 TOMU-TOMUNDO' 23:34

Lapas aijo' i Tomundo' Nekho nohangkatmo anak mo'ane i Yosia, sanggonyo i Elyakim tinimbalimo tomundo' nu Yehuda, ka' nombali'imo sanggo i Elyakim sinanggohanmo i Yoyakim. I Yoahas binoamo namba i Mesir ka' ia sinilakamo i kiijo' mae.

2 TOMU-TOMUNDO' 24:12

Lantas i tomundo' Yoyakhin tiba tinanyo, to ana-anaknyo, to sulu-suludadunyo anu toto tangka-tangkas na pangkatnyo tiba to mia-mian anu ko pangkatnyo i Laigan nu tomundo' tinulutmo hi Nebukadnezar. Lantas i Yoyakhin i hakopmo ka' binoamo. Han aijo' jinadi i taun ko ualu'nyomo na i Nebukadnezar nompalentah.

2 TAWARIKH 35:25

I Nabi Yeremia nontulismo sa'angu' na nyanyian bau pohangi i Tomundo Yosia. Sampe sangkutnyo tempo' uuka aiya nyanyian aijo' daagi' saja' onyanyi nu to panya-panyanyi i Israel, mau mo'ane kabai boune, de mombaumo adat monginau' i Yosia sinilakamo. Nyanyian aijo' pinosa'angu'mo i kitab nu nyanyi-nyanyian anu bau ponyanyiakon mian silaka.

2 TAWARIKH 36:10

Tempo'nyo taun bu'ou tinokamo mule' i Tomundo Nebukadnezar nomboamo i Yoyakim namba i Babel salaku mian anu i hakop, ka' to bala-balang anu mahan na olinyo i Laigan nu Tumpu suele binoanyomo. Lapas aijo' i Nebukadnezar nohangkatmo i Zedekia baabo' i Yoyakhin, binaumo tomundo nu Yehuda ka' Yerusalem.

2 TAWARIKH 36:3

I Nekho tomundo nu Mesir nohakopmo ia ka' nomboamo i Yoahas i Mesir, lantas pinalentahnyomo na Yehuda mombayan hasin konjoo'nyo 3.400 kilogram na salaka, ka' 34 kilogram na mosoni'. Lapas aijo' i hangkatnyomo na i Elyakim utus i Yoahas binau tomundo ka' binali'annyomo na sanggo i Elyakim sinanggohanmo i Yoyakim. Lapas aijo' i Yoahas binoanyomo i Mesir.

2 TAWARIKH 36:6

Tempo'nyo i Nebukadnezar tomundo nu aha Babel nongkuasaimo Yehuda, i hakopnyomo na i Yoyakim ka' pinungunyomo nu lante' besak ka' binoanyomo i Babel.

YEREMIA 22:28

Aku i Yeremia nompoto'imo, “Pa' i Tomundo' Yoyakhin tinimbalimo susumo kuhon tano' anu noposo'mo anu o alinmo ka' madi'mo daagi' oka'ima'i? Mokonyo aijo' ia tiba to ana-anaknyo olaa'mo ka' oboamo ilipu' anu madi' nu sumbu-sumbu' nu aha?”

YEREMIA 22:30

“Mian aijo' tinantukanmo nu Tumpu madi'mo ko to ana-anaknyo ka' saja' madi' mingkaliangan i uno nu kantumuu'annyo. Sadangkan lee'nyo suele madi'mo daagi' ko anu mingkaliangan na mompalentah i Yehuda salaku tomundo' lee' mae i Daud. Aku, Tumpu notataemo.”

YEREMIA 24:1

Daagi' kinominsan salatan i Yoyakhin anak momo'ane i Yoyakim tomundo' nu aha Yehuda tiba to mia-mian anu ko pangkatnyo ipamalentah Yehuda, to mia-mian anu toto pande-pande na mombau apa-apaa tiba to tuka-tukang toto pande-pande na mokalaja binoamo i Nebukadnezar tomundo'nu Babel ka' binoamo salaku anu ihakop lengkat mae i Yerusalem binoa i Babel, Tumpu nompotoamo mae hi belengku anu tinoa. Tinoangku ohua' na ponang ko isinyo bua' nu kau' ara koko-koko i ahop nu Laigan nu Tumpu.

YEREMIA 24:8

Panyo i Zedekia tomundo' nu aha Yehuda tibamo aha mian anu ko pangkatnyo ka' anu ohani hi ia, ka' mule' tuha'nyo nu mian Yerusalem anu sinatataapnyo ilipu' aiya kabai nolalinmo namba i Mesir, aha iwi-iwi' Ku baumo susumo bua' nu kau' ara anu toto mahu-mahutak aiya, anu madi'mo timbali okaan. Aku, Tumpu notataemo.

YEREMIA 9:1

Ma'ima' hondo de ubaku sumo bubung anu pinobuke'anmo nu uee, ka' mataku sumo soluduk anu saja' mo ili na ueenyo! Sahingga aku timbali saja' humang sinaa tiba pihi, mohangi to mia-mian bubuu' bansangku anu pinateanmo nu sampobali'.

YEREMIA 9:10

Aku, i Yeremia notatae, “Aku humangmo ka' susamo na kinyonyoa kalana padang tampat nu hemput anu mateges ka' aita' ibungkutnyo iwi-iwi' anu nanggasmo kinumahengkengmo ka' mule' madi'mo tinulu nu mian. Lewo' nu potuu'on madi'mo daagi' ko anu ihongo, binatang anu lumahap tiba binatang-binatang sangga'at nopalaimo ka' imadi'anmo.”

MOHAANGI 4:20

Aha nohakopmo tomundo anu pinile'anmo nu Tumpu, mian anu obuulakon mami salaku anu mombee'i kantumuu'an, ka' monjagai de ko sampobali'.

MOHAANGI 5:12

To pola-polaya' mami i hakopmo ka' pinokalayo' to tu'a-tu'anyo mami madi'mo daagi' iholomatan.

YEHEZKIEL 19:14

Batang nu anggur aijo' kinaanmo nu apu anu nolele, panga'nyo tiba bua'nyo nopapumo ingko-ingkot. Panga'nyo tempo uuka aiya madi'mo nahoson, madi'mo timbali obau tokon nu kalaja'an. Aijo'mo na haang anu saja' opo uli-ulit na onyanyiakon nu aha mian.

YEHEZKIEL 19:2

Tina nu beleyum sumomo ahi' tina nu singa anu opaliasi ka' mule' madi' ko anu mongkakanai. Ia nompidaka'imo to ana-anaknyo, aijo' itotonga' nu to singa-singa anu to babaani.

YEHEZKIEL 2:10

anu tinulisan sambiha' ka' sambiha'. Lantas binuka'nyomo na lulunan aijo' ka' ikiijo' tinulis lewa' humang, lewa'mo nompele-pele', ka' lewa'mo nongoa'i kasusa'an.

YEHEZKIEL 26:17

Lapas aijo' aha monyanyimo anu bau ponyanyiakon belemiu de olamunmo sumo uuka: Ihansunmo na kota' anu saja' opuji'! Iwi-iwi' na kapannyo sinapuanmo madi'mo daagi' ko anu indalangon. Mian anu jojoong aijo' hi ia binalakuasamo i ambai kinabuhukmo nu to mia-mian anu jojoong isonibi nu ambai.

YEHEZKIEL 27:32

Lantas aha nanyanyimo sa'angu' na nyanyian anu onyanyi de ko anumo olamun. ‘O, Tirus ihe na anu moko ala mongkakanai beleyum? Tirus, kaiyongmo mae i ambai tempo uuka aiya imomo'mo.

YEHEZKIEL 28:12

“O manusia anu madi' tumuu' batu hangimo na i tomundo' Tirus. Poto'imo apaa na anu pinoto'ing-Ku nu Aku Tumpu Anu Matangkas na Kuasanyo notataemo hi ia, ‘Beleyum toho'mo tinimbali tanda nu kasukupan; naipuan mae beleyum pande hondo ka' ontinganan!

YEHEZKIEL 32:16

Pokinde' anu makenseng hondo aiya saidi' mae timbalimo nyanyian anu onyanyi de ko anumo silaka. To bou-boune nu bansa-bansa sangga'at saidi' mae monyanyiakonje salaku tanda ko anumo sinilaka hi aha Mesir ka' iwi-iwi' na mian da'isan nu aha. Aku, Tumpu Anu Matangkas na Kuasanyo notataemo.”

YEHEZKIEL 32:18

“O manusia anu madi' tumuu' batu, haangmo kalana ko anumo sinilaka na aha mian da'isan nu Mesir. Pakatumo na aha da mambamo i dunia nu mian anu sinilakamo hingga-hinggat tiba lipu-lipu' sangga'at anu mahoson.

YEHEZKIEL 32:2

“O manusia anu madi' tumuu' batu, pokinde'i totu-totu'u na itomundo' Mesir. Potokakon na potuunon-Ku aiya hi ia, ‘Beleyum montihomo susumo singa anu daagi' bata'nyo aijo hi aha to bansa-bansa, panyo beleyum lebe montiho susumo bua' anu jojoong i uno nu uee. Tengke nu beleyum mompohibu ka' mongkotoni iwi-iwi' na kaunyo.

AMOS 5:1

Potombihing mae mian nu Israel! Aku kahanda'mo monyanyiakon hi belemiu sa'angu' na nyanyian de ko anu silaka: