YEHEZKIEL 18:9 - KITAB NU TUMPU ALLA LELE MA'IMAI'

⁹ Ia montuluti hondo palentah-ngKu ka' mule' tulu-tulutan hondo i atulan-Ku. Mian anu sumo aijo' na osanggohi hodi' na kinyonyoanyo ka' tataap tumuu'. Aku, Tumpu Anu matangkas na Kuasanyo notataemo.

YEHEZKIEL 18:9 ပူးပေါင်းရင်းမြစ်များ

1 TOMU-TOMUNDO' 9:4

De totu-totu'u na kinyonyoa nu beleyum palesaya hi beleng-Ku hodi' totu-totu'u na kinyonyoa nu beleyum susumo tuuma nu beleyum i Daud, ka' beleyum montuluti totu-totu'u atulan-Ku ka' palentah-ngku haha aijo',

AMSAL 12:28

Mian anu mombatuki jalan anu totu'u saidi mae kantumuu'annyo mohumpak ka'ima'an; panyo mian anu montulu jalan anu ma'idekan mompatuimo kasilakan.

YEHEZKIEL 11:12

Sahingga nu sumbu'je nu belemiu taalu' Akumo ahi' na Tumpu, ka'belemiu Ku hukumo kalana nolanggaimo iwi-iwi na atulan-Ku ka' madi'mo nontuluti iwi-iwi' na palentah-ngKu panyo nontulutimo iwi-iwi na atulan nu bansa-bansa anu mompaha ohani belemiu.”

YEHEZKIEL 18:10

Panyo bisuanyo mian aijo' ko anak anu saja' mombuling, mompatei, ka' saja' mombau palabuatan anu ma'idek sangga'at,

YEHEZKIEL 18:17

Ia madi' toho' mombau palabuatan anu ma'idek kabai monsaboli lantas mompake bunganyo. Ia tulu-tulutan hondo hi atulan-Ku ka' motuluti hondo palentah-ngKu. Anak aijo' madi' mate kalana nu saduakon nu dosa' nu tuumanyo panyo tataap ahi' tumuu'.

YEHEZKIEL 18:19

Panyo ugaat ahi' daagi' ko mian anu mompokilawa, kadaka' anak aijo' madi' suele ahi' montanggung hukuman nu dosa' iwi-iwi' anu binaumo nu tuumanyo. Bau pontaami aijo'mo, kalana anak aijo' manonong ka' madi' tageo' na kinyonyoanyo. Ia tulu-tulutan hi atulan-Ku iwi-iwi' ka' nu bau na aijo' ijalannyo anu sahondo-hondonyo, sahingga ia tataap ahi' tumuu'.

YEHEZKIEL 20:11

Ikiijo' mae Ku bee'mo na palentah-ngKu hi aha ka' Ku ajanakonmo na atulan-Ku anu tionyo ahi' nu tuluti nu aha kalana mian anu montuluti aijo' na tataap ahi' tumuu'.

YEHEZKIEL 20:13

Panyo ipadang tampat anu kaho bone'nyo aijo' suele ahi' aha madi' mohongo-hongo mae Aku. Aha nolanggaimo iwi-iwi na palentah-Ku ka' madi'mo daagi' nontalima atulan-Ku, anu nompatikolomo tukoonyo mian anu montuluti aijo' tataap tumuu'. Aha talalomo nohumimi'i sinaa nu Sabat. Kalana aijo' ipadang tampat anu kaho bone'nyo Aku sabenannyo mompotudunmo ahi' tambuha'-Ku hi aha ka' monsilakaimo aha.

YEHEZKIEL 36:27

Roh-Ku, Ku dudu'akonmo i uno nu kinyonyoa nu beleyum ka' belemiu Ku jagaimo da tumuu'mo montuluti iwi-iwi na atulan-Ku ka' mule' montulutimo iwi-iwi' na palentang-Ku.

YEHEZKIEL 37:24

Aha nu posa'angu'mo nu samian na tomundo' sumo lapangnyo i tomundo' Daud anu saidi' mae mompalentah sampe toka sidu-sidutu'. Aha tulu-tulutanmo na montuluti iwi-iwi' na atulan-Ku. Ka' sampe toka sidu-sidutu' aha tiba lee' nu aha monjojoongimo tano' aijo', tano' anu binee'-Kumo hi Yakub ka' jinojoonganmo nu mompolee' nu aha.

IMAMAT 18:5

Tuluti na atulanKu haha aiya ka' palentang-Ku haha aiya anu Ku bee'mo hi belemiu. De obau nu belemiu na aijo', kantumuu'an nu belemiu salamat. Akumo na Tumpu.”

AMOS 5:14

Mompagala mombau anu ma'ima' ka' boli mombau anu ma'idek da belemiu timbali tumuu'. Sahingga Tumpu Anu Daka' na Kuasanyo totu-totu'u jojoong hi belemiu susumo anu tinaloakonmo nu belemiu.

AMOS 5:24

Lebe ma'ima' bala usaha da ka'adinan mo ili susumo uee ka' kahondoan susumo kaunyo anu madi' toho' mo'oti.

AMOS 5:4

Tumpu notatae hi mian nu Israel, “Pinsusule'mo mae hi beleng-Ku, da belemiu timbali tumuu'.

HABAKUK 2:4

Ka' o ingat: Mian anu ma'idek na kinyonyoanyo madi' salamat, panyo mian anu mombau pongka'oho' nu Tumpu saidi' mae tumuu' kalana ia tulu-tulutan hi Tumpu.”

LUKAS 1:6

Kantumuu'an moto bengkele' aijo' momposanang kinyonyoa nu Tumpu. Ua-ua'aha tulut hondo i palentah ka' Atulan nu Tumpu Allah totu-totu'u.

YOHANES 14:21

Mian anu montalima to pale-palentah-ngKu ka' mombau, iamo na anu mongkalibosi Aku. Tuumang-Ku mongkalibosi mian anu mongkalibosi Aku. Aku mule' mongkalibosi mian aijo' ka' mompotoa butong-Ku hi ia.”

SISIKON NU TO RASUL-RASUL 24:16

Mokonyo aijo' aku saja' bala usaha ima-ima', da kinyonyoangku belesi hi Tumpu, ka' belesi hi sangko mian.

ROMA 1:17

Kalana tiba Lele Ma'ima' aijo', Tumpu nompotiju'mo mosia na bau-baunyo pompahasumbu'an nu mian tiba Tumpu po'ule'mo na'ima'; baunyo aijo'mo palesaya hi Tumpu lengkat pe'e imoonanyo toka-toka i kahimpusannyo. Aijo' pokakana sumo anu tinulismo i uno nu Kitab nu Tumpu, “Mian anu palesayamo hi Tumpu sahingga pompahasumbu'an tiba Tumpu po'ule'mo ma'ima', mian aijo' tionyo tumuu'!”

ROMA 8:1

Uuka aiya madi'mo ko pohukuman hi aha anu tumuu' mosa'angu' tiba i Kristus Yesus.

PO'ULE' INGULIT 11:1

“Kanonongi na Tumpu Allah nu belemiu, ka' saja' otuluti na palentah-Nyo iwi-iwi'.

PO'ULE' INGULIT 4:1

Lantas i Musa notataemo hi bansa aijo', “Tuluti iwi-iwi' na atulan anu pinogulu'kumo hi belemiu, da belemiu timbali tumuu' sampe monjojoongimo tano' anu nubee' nu Tumpu, Tumpu Allah nu mompolee' miu, hi belemiu.

PO'ULE' INGULIT 5:1

I Musa nomposihukmo iwi-iwi' na aha bansa Israel, lantas notataemo hi aha, “To Utu-utus, potombihing mae na atulan haha aiya anu ku bee' hi belemiu sinaa aiya. Opakalioi na atulan haha aijo' ka' otuluti boli okolilimi.

PO'ULE' INGULIT 6:25

De kita saja' montuluti iwi-iwi' na anu nupalentahkon nu Tumpu Allahnto, saba' Ia saja' sanang hi kita.’ ”

1 YOHANES 2:29

Komiu nonsumbu'mo taalu' i Kristus titumuu'mo tulu-tulutan i pongka'oho' nu Tumpu. Kalana aijo' komiu tionyo ahi' monsumbu' suele saba' batu-batu mian anu tumuu'mo tulu-tulutan i pongka'oho' nu Tumpu, atina' anakmo nu Tumpu.

1 YOHANES 3:7

To ana-anakku, boli mompobee' mau mule' ihe anu momposala' pikilan miu. Mian anu mombau pongka'oho' nu Tumpu atina'mo na anak nu Tumpu, susumo i Kristus Anak nu Tumpu.