YEHEZKIEL 18:7 - KITAB NU TUMPU ALLA LELE MA'IMAI'

⁷ Ia madi' toho' mongakali kabai mombuling. Bala-balang nu mian anu pinogade mae nu mian hi ia kalana ko samaya nu aha hi ia saja' nu sule'akon. Mian anu mo'ohopmo nu bee'i mongkaan ka' mian anu madi'mo ko baju' nu bee'i baju'.

YEHEZKIEL 18:7 ပူးပေါင်းရင်းမြစ်များ

NEHEMIA 5:10

Posi aku, to utu-utusku ka' to sanga-sangalungku momposabolimo doi ka 'gandum hi mian da'isan. Madi'mo po'ule' opoita mami.

AYUB 22:6

De utus nu beleyum madi'mo moko ala mombayan samaya'nyo, nu agoimo nu beleyum na baju'nyo iwi-iwi'.

AYUB 24:3

Keledai anu nu anak anu ingunonmo madi'mo ko tinanyo ka' tuumanyo, pinopalaihakonmo nu aha; sapi' nu mian anu binalumo, ingalamo nu aha binau ponggadei.

AYUB 24:9

Mian anu ma'idek na kinyonyoanyo nombotuanimo anak anu madi' mo ko tinanyo ka' tuumanyo, ka' nongalamo bungamea' nu mian anu kasiasi anu ko samaya' hi ia.

MAZMUR 112:4

Jingka monjingkaimo i uno nu pikat kona hi mian anu hodi' na kinyonyoanyo, kona hi mian anu adin, pangkalibosi ka' manonong.

MAZMUR 112:9

Ia mombagi-bagiakon halata'nyo, ka' mombee'i apa-apaa hi mian anu kasiasi; ia saja' mombau anu ma'ima', kalana aijo' ia balakuasa ka' oholomati.

MAZMUR 41:1

Anu mongkapalai panyanyi. Mazmur i Daud.

NOSABATMO 22:25

De belemiu momposabon doi hi mian kasiasi atina' hi bansang-Ku boli obau sumo anu montage samaya'nyo ka' tionyo ko bunganyo.

NOSABATMO 22:26

De komiu mongala juba' anu nu mian sangga'at salaku bau ponggadei samaya'nyo, juba' aijo' tionyo ahi' osule'akon nu belemiu ma'isa pe'e sinaa makakinsap,

NOSABATMO 23:9

Boli monsusa'i taha-tahahumo mian anu lengkat mae i salipu'an; kalana sinumbu'mo nu belemiu mosia na mongoa'i de timbali mian anu lengkat mae i salipu'an, kalana u'utu mae belemiu suele toho'mo tinimbali mian anu lengkat mae i salipu'an tempo'nyo i Mesir.”

AMSAL 14:31

Ihe na manonong hi mian anu kasiasi, moholomatimo Tumpu Allah-nyo; panyo ihe na mongkabisa'i mian anu lupe sumomo mongalu anu Nompotimbali ia.

AMSAL 28:27

Ihe na mombe'i mian anu kasiasi, ia madi' kakulangan. Ihe na ola mompojohok kapalaluan nu mian anu kasiasi, nukona nu kutuk.

AMSAL 28:8

Ihe na kinayamo kalana mongala bunganyo ka' talalo ahi' mongkekedi da ka'untungan, manjoo' kakaya'annyo aijo' saidi mae manabu' hi mian anu kokalibosan ka' hi mian anu kasiasi.

AMSAL 3:31

Boli ma'idekan na kinyonyoa hi miana nu talalo mompakisa mian, ka' boli montiho kalakuan nu aha.

YESAYA 1:17

o'ajan na mombau ka'ima'an. O toongi dodo-dodo na ka'adinan ka' boli obau na mongkabisa'i; bee'akon na hak nu aha anak anu madi'mo kotuumanyo ka'tinanyo ka'otinjohi na palakala nu anu balumo.”

YESAYA 33:15

Belemiu timbali moko ala tumuu' de belemiu motatae, ka' mombau anu sahondo-hondonyo. Boli molio ka untungan ka' sola' mompolugi' mian anu kasiasi, ka' boli ahi' mongala doi anu bau ponsogo' nu mian. Boli maninggalum hi aha mian anu saja' montanga'i da mompatei mian kabai palabuatan ma'idek sangga'at.

YESAYA 5:7

Kalana ale' nu anggur nu Tumpu Anu Daka na Kuasanyo aijo'mo aha mian nu Israel, ka' aha mian nu Yehuda aijo'mo na anggur anu sisinu'an-Nyomo. Aijo'mo hi aha na pontaha'imanian-Nyo ka'adilan panyo ola mule' ahi' kabuhingison. Aha na Nu taha'imani montoongi totu-totu'u anu hondo padahan ola mule' ahi ko anu aijo' hi aha na momoita ka'adilan.

YEREMIA 22:3

“Tionyo ahi' adin ka' hodi' na kinyonyoa. Pobebasmo na mian anu me saja' o ala na tenaganyo nu aha anu balakuasa anu saja' mongala tenaga nu mian. Boli mombee'i kasansala'an kabai mombau anu ma'idek hi aha mian anu isalipu'an mae, hi aha anak anu madi'mo ko tinanyo ka' tuumanyo, kabai hi aha anu binalumo. Boli mompatei mian anu madi' ko sala'nyo itampat aiya.

YEHEZKIEL 16:49

Sodom tibamo kampungnyo anu toto ise-ise' buulon kalana palasadia'an anu okaan nanjoo'mo ka' mule' sinanangmo na kantumuu'an nu aha. Panyo aha madi' mongkalinga mian anu tumuu' kasiasi tiba mian anu susa'.

YEHEZKIEL 18:12

Ia saja' mongakali mian anu kasiasi, mombuling, mongalamo pinonggadei nu mian anu ko samaya' hi ia. Ia mambamo itampat-tampat ponsomban nu mian pilogot anu madi' monsumbu' Tumpu ka' monsombahmo pilogot anu okahegati.

YEHEZKIEL 18:16

kabai sola' mompakisa mian, kabai sola' mombulingi mian maumo pa' ihe. Balang-balang anu bau ponggadei nu mian anu ko samaya' hi ia saja' ahi' nu sule'akon. Mian anu mo'ohopmo nu bee'i mongkaan ka' mian anu madi'mo ko baju'nu bee'i baju'.

YEHEZKIEL 18:18

Panyo mule' ahi' tuumanyo anu saja' mongakali, mombuling, ka' mombau palabuatan ma'idek sangga'at na mate ahi' kalana iwi-iwi na dosa' anu posi ia ahi' na nombau.

YEHEZKIEL 7:23

Iwi-iwi' na lipu' kalangkabutmo; iyaya mae daagi'mo ko anu opatei ka' singkapmo singgi.

DANIEL 4:27

Kalana aijo' tionyo ahi' belento Tuanku montuluti pokinde'ku. Bolimo belento Tuanku po ule' mombau dosa', panyo anu ma'ima' ka' anu adin na saja' obau ka' mongkalibosi ahi' anu kasiasi. Tiba jalan anu sumo aijo' belento Tuanku tataap tumuu' bilahi.”

IMAMAT 19:13

Boli mongala anu nu sangalu nu belemiu, kabai mongagoi balangnyo. Tambonyo nu mian anu mokalaja hi belemiu sabole-bole ahi' obee' nu belemiu, boli montahan mau ola sampahu.

IMAMAT 19:15

Belemiu tionyo ahi' boli tageo' de momputusi palakala, boli monsangaja'i mian anu kasiasi ka' boli mabuhuk hi mian anu kaya.

IMAMAT 25:14

Jadi de belemiu mompobaluk tano' hi bubu' belemiu mian Israel, kabai mongoli tano' hi ia, boli mompaha poba-pobaluki padahan kinyonyoanyo tageo'.

AMOS 2:6

Tumpu notatae, “Mian nu Israel saja'mo nombau dosa' pa' pimpianmo, kalana aijo' Aku tionyo mohukumo aha. Mian anu madi' tageo' na kinyonyoanyo madi'mo moko sule'akon anu sinabonnyo, pinobaluk nu aha tinimbalimo bau botuan. Sumo aitumo mule' na kalakuan nu aha hi mian anu kasiasi anu madi'mo moko bayan samaya'nyo, pada han samaya' aijo' ola oli nu sa'angu' na pan na sapatu.

AMOS 2:8

I tampat-tampat pogalejaan, mian haha aiyo' hoyot tiba baju' anu nu ala nu aha hi mian kasiasi pinombayan samaya'. I Laigan nu Tumpu, aha monginum anggur anu ingala hi mian anu ko samaya' hi aha.

AMOS 3:10

Tumpu notatae, “Mian haha aijo', nongisi laigan nu aha nu to bala-balang anu ingala nu aha lewa' nompakisa ka' talalo buhingoson. Ka' mule' aha madi' ko anu monsumbu' mombau kahodi'an na kinyonyoa.

AMOS 6:3

Belemiu panggaga au'aitu sinaanu kasusa'an daagi' pin, panyo iwi-iwi' na kalakuan nu belemiu ola mompolia' da toka mae na sinaa ka'idekan aijo'.

MIKHA 2:1

Silakamo na to mia-mian anu nontanga'imo mombau anu ma'idek hau-haunyo male'-male' ikamale'an de pihimo lantas nu baumo subu-subu, kalana aha daagi' ko kamampuan de hahan anu sumo aijo'.

MIKHA 3:2

panyo belemiu ola mule' ahi' mongka'ideki palabuatan anu ma'ima' ka' mongka'ima'i palabuatan anu ma'idek. Kinilitanmo nu belemiu titu-tituu' na bansangku, ka' mule' belemiu nombentekimo antok nu aha anu aijo' i buku nu aha.

ZEFANYA 1:9

Ku hukumo na mian iwi-iwi' anu monsombah susumo mian anu madi' monsumbu' Aku, ka' anu mombuling ka' anu lewa' mompatei da bau pongalapan bau pomposukup isi nu laigan nu tuan nu aha tiba to bala-balang anu ingagoan.”

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

LUKAS 3:11

I Yohanes nontaami, “Mian anu ko baju' ohua', tionyo mombee'i sa'angu' hi mian anu madi' ko baju'; ka' anu daagi' ko kaanon tionyo mombagi.”

PO'ULE' INGULIT 24:17

Boli mongagoi hak nu mian anu lengkat mae i salipu'an ka' anak anu madi'mo ko tuuma ka' tinanyo, ka' boli mongala baju' nu mian anu binalumo bau ponggadei.