YEHEZKIEL 18:4 - KITAB NU TUMPU ALLA LELE MA'IMAI'

⁴ Nyawa nu mian Aku na tumpunyo, mau nyawa nu anu tu'anyomo kabai nyawa nu anaknyo. Mian anu baladosa' aijo' ahi' na silaka.

YEHEZKIEL 18:4 ပူးပေါင်းရင်းမြစ်များ

2 TOMU-TOMUNDO' 14:6

Panyo to ana-anak nu to mia-mian anu ko pangkatnyo aijo' madi' pinateannyo, kalana ia montuluti palentah nu Tumpu anu i Kitab i Musa, anu onyi'nyo, “Boli opatei na anu mohukum to tu'a-tu'anyo kalana monsaduakon hahan anu ma'idek anu binaumo nu to tu'a-tu'anyo nu aha. Batu-batu mian mohumpak hukuman opatei de han anu ma'idek aijo' pinosi baunyo.”

AYUB 21:20

Bakas da mian anu baladosa' montanggungmo posi dosa'nyo, bakas da nu'oa'imo na tambuha' nu Tumpu Allah Anu Daka' hondo na kuasanyo.

AYUB 8:4

Ihe na monsumbu' ugaat to ana-anak nu beleyum binaladosa'mo hi ia, jadi konanyomo ahi' na aha nohumpak hukuman hi Ia.

YESAYA 42:5

Tumpu nompotimbalimo ka' mule' nombokamo langit; Ia nontali'mo dunia ka' mule' iwi-iwi' na anu tumuu' i unonyo. Ia nombee'imo mian santuu' da tumuu' tiba kinyonyoa. Ia nompoto'imo potuunon aiya hi posaihon-Nyo,

YESAYA 57:16

Madi' sampe toka sidu-sidutu'mo na Aku mompisala'i mian anu palesayamo hi beleng-Ku; madi' ahi' saja'mo Aku motambuha', da boli hente na kinyonyoa nu aha, padahan Akumo aiya na mompotumuu' aha.

YEREMIA 31:30

Panyo ihe na mongkaan bua' nu kau' malo-malosing aijo' ia ahi' na mangilu' na bese'nyo. Batu-batu mian silakamo kalana posi dosa'nyo ahi'.”

YEHEZKIEL 18:20

Mian anu mombau dosa' ia ahi' na silaka. Anak na madi' ahi' tionyo montanggung hukuman anu binaumo nu tuumanyo na kasala'an, ka' suele tuuma madi' ahi montanggung hukuman kalana dosa' iwi-iwi' anu binaumo nu anaknyo. Mian anu manonong na mohumpak ahi' hukuman anu ma'ma' kalana palabuatannyo ma'ima'. Ka' mian anu palabuatannyo ma'idek na monta'up ahi' hukuman kalana palabuatannyo anu ma'i-ma'idek.

YEHEZKIEL 18:3

Atas sanggong-Ku, Tumpu anu tumuu', Tumpu Anu Matangkas na Kuasanyo, potatae aijo'madi'mo daagi' otaloakon i Israel.

YEHEZKIEL 18:5

Bisuanyo daagi' ko mian anu manonong, adin ka' mule' hodi' na kinyonyoanyo.

YEHEZKIEL 3:18

De Ku poto'imo na samian anu ko palabuatannyo ma'idek tionyo ahi' opateimo, panyo beleyum madi' mompokinde'i ia da ia mombabali'i kalakuannyo, da ia salamat ahi' saba' ia silaka daagi' ahi' susumo samian na anu baladosa' ka' montanggungi ia sinilaka aijo', otuntut hi beleyum.

YEHEZKIEL 33:8

De Kupoto'imo saba' daagi' ko samian anu palabuatannyo ma'idek saidi' mae silakamo, panyo beleyum madi' mompokinde'i ia da ia madi'mo lewa' mombau palabuatannyo ma'i-ma'idek aijo' sahingga ia salamat, saba' ia silaka daagi' ahi' susumo mian anu baladosa'. Panyo ia sinilaka aijo' Ku tuntutmo hi beleyum.

ZAKHARIA 12:1

Aiyamo na potuunon nu Tumpu mongkona Israel. Tumpu anu nompotimbalimo langit ka' mule' nompotimbalimo dunia ka' nompotumuu'mo manusia notatae,

NOMBILANGMO 16:22

Panyo i Musa ka' i Harun tinolodadupu nonsombah ka' notatae, “O Tumpu Allah, Belentomo na anu nombee'i mae kantumuu'an hi iwi-iwi' na anu tumuu'. De ola samian na anu baladosa', pa' Belento montambuha'imo mian iwi-iwi'?”

NOMBILANGMO 27:16

“O Tumpu Allah, anu mombee'i mae kantumuu'an hi iwi-iwi' na anu tumuu', ku kakase, potiju'akon mae samian na anu moko ala molaya' bansa aiya;

ROMA 6:23

Kalana kapatean aijo' tambo nu dosa'; panyo tumuu' kopian ka' toka sidu-sidutu' tiba i Kristus Yesus Tumpunto, aijo'mo tajuu anu i halala'akonmo nu Tumpu.

GALATIA 3:22

Panyo i uno nu Kitab nu Tumpu tinulismo, iwi-iwi' na manusia daagi' i uno nu kakuasa'an nu dosa'. Mokonyo aijo', anu obee' jina-jinanji'mo mimpu'u i palesaya hi Yesus Kristus obee' aijo' hi aha anu palesayamo.

PO'ULE' INGULIT 24:16

Boli mombee'i hukuman mate tu'anyo nu belemiu kalana palabuatan ma'idek anu binaumo nu anaknyo, ka' boli mohukum mate anak nu belemiu kalana palabuatan ma'idek anu nubau nu tu'anyonyo. Batu-batu mian ola timbali o hukum mate kalana palabuatan ma'idek anu pinosi baunyomo.

IBRANI 12:9

Kita ko tuuma i dunia. Ia mompokinde'i kita, da kita mongangga'i ia. Jadi sumo aitu mule' kona hi Tuuma nu rohaninto anu i suluga', tantu kita tionyo lebe mule' tulu-tulutan hi Ia da kita tumuu'.