YEHEZKIEL 18:30 - KITAB NU TUMPU ALLA LELE MA'IMAI'

³⁰ Tumpu Anu Matangkas na Kuasanyo notataemo, “O, to mia-mian nu Israel, Aku mombee'imo kaputusan hi toto samian sitimbang tiba palabuatannyo. Bolimo daagi' mombau iwi-iwi na dosa' nu beleyum. Boli opojohok na dosa' nu beleyum mohansunimo butong nu beleyum.

YEHEZKIEL 18:30 ပူးပေါင်းရင်းမြစ်များ

MATIUS 16:27

Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

MATIUS 3:2

“Balatobatmo bolimo mombau dosa-dosa' miu,” tukoonyo, “kalana Tumpu mompalentahmo sumo Tomundo!”

YEHEZKIEL 18:21

De mian anu ma'idek na kinyonyoanyo madi'mo daagi' mombau dosa' ka' sola'mo montuluti iwi-iwi' na atulan-Ku ka' mombaumo palabuatan anu ma'ima' ka' anumo ahi' sahondo-hondonyo ia na madi' ahi' silaka.

LUKAS 13:3

Totu-totu'unyo misa'! Panyo o inau': de komiu madi' balatobat i dosa-dosa' miu, komiu suele iwi-iwi' matemo sumo aha.

YEHEZKIEL 7:3

Tumpu notatae, “O, Israel, uuka aiya tinokamo na ka ahenannyo nu beleyum. Beleyum mongoa'imo tambuha'-Ku. Kuputusimo na hukuman nu beleyum sitimbang tiba palabuatan nu beleyum mahu-mahumimi' atina'.

HOSEA 12:6

Tumpu aijo', aijo'mo na Tumpu Anu Daka' hondo na Kuasanyo. Sanggonyo aijo'mo Tumpu. Tiba sanggo aijo' Ia mongkahanda'i da mian monsombah Ia.

YEHEZKIEL 14:6

Poto'i mule' ahi' hi aha mian nu Israel taalu' Aku, Tumpu Anu Matangkas na Kuasanyo mompoto'i hi aha, ‘Balatobatmo bolimo daagi' mombau dosa' nu belemiu ka' mule' pala'imo na pilogot nu belemiu haha atina anu mompobubun mae.’

LUKAS 13:5

Totu-totu'u misa'! Daagi' minsan na kutaeakon: De komiu madi' balatobat i dosa-dosa' miu, komiu suele iwi-iwi' mate sumo aha.”

DANIEL 9:13

Iwi-iwi' na balaa' anu tinulismo i uno nu atulan i Musa binee'mo mae nu belento hi kami. Panyo maumo ahi' sumo aijo' o, Tumpu mami daagi' ahi' saja' kami madi' mombau anu momposanang kinyonyoa nu Belento. Kami daagi' sabole-bole madi' mongka'oho' mompala'i iwi-iwi na dosa' mami ka' madi mule' mongka'oho' mompalahatikan to panga-pangajalan nu Belento.

YEHEZKIEL 33:20

Maumo ahi' sumo aijo' bansa Israel nontaloakonmo tukoonyo nu aha kaputusan-Ku na madi' ahi' adin. Memang totu'u, Aku momputusimo hukuman nu aha toto samian sitimbang tiba palabuatan nu aha.”

YEHEZKIEL 33:11

Poto'iakon hi aha saba' atas sanggong-Ku, Tumpu anu tumuu', Tumpu Anu Matangkas na Kuasanyo, Aku madi' sanang de mian anu palabuatannyo ma'idek silaka; panyo mule' ahi' Ku ka'ima'i da ia bolimo daagi' lewa' mombau dosa'nyo haha aijo' da ia tataap tumuu'. O bansa Israel, bolimo daagi' lewa' mombau palabuatan ma'idek! Kadaka' belemiu mongka'ima'i silaka?

ANU MOMPOLELE POTATAE NU TUMPU 12:14

Tumpu na saidi' mae momputusi iwi-iwi na palabuatanto, anu ma'ima' tiba anu ma'idek, ka' mule' anu sulu-suluk.

MATIUS 3:8

Potoa i uno nu palabuatanum de komiu binala tobatmo i dosa-dosa' miu.

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

ANU PINOTO'I HI YOHANES 22:12

“Opalahatikan na aiya!” na koo-Nyo i Yesus, “Madi'mo daagi' pin Aku tokamo ka' momboamo mae tamboonyo hi batu-batu mian bau pombalosi apaa na anu binaunyomo.

ANU PINOTO'I HI YOHANES 20:12

Ka' aku nontoamo to mia-mian anu sinilakamo, anu daka'mo ka' anu daagi' ise', tinuminjo i ahop nu kasuhangan aijo'. Sahingga to kita-kitab suele pinaha buka'mo. Lantas sa'angu' na kitab sangga'at binuka'mo, atina'mo Kitab nu Mian anu Tumuu'. Lapas aijo' hukuman inabu'akonmo hi mian anu sinilakamo, sitimbang tiba anu binaumo nu aha susumo anu tinulismo i uno nu kitab haha aijo'.

ANU PINOTO'I HI YOHANES 2:16

Kalana aijo', balatobatmo i to dosa-dosa' miu! De madi' saidi' mae Aku po'ule'je toka hi belemiu ka' mompahampateakon mian haha aijo' nu bajak anu aiya i nganga'-Ku.

ANU PINOTO'I HI YOHANES 2:5

Kalana aijo' o inau', sangkeheng na komiu talalomo nanabu'! Balatobatmo i to dosa-dosa' miu, ka' obau na anu binaumo miu imoonanyo. De madi' saba' Aku tokamo mae hi belemiu, ka' mombubut tengke nu sulu' miu aijo' i tampatnyo.

1 PETRUS 1:17

Komiu monsanggo Tumpu aijo' Tuuma, de komiu balado'a hi Ia. Saba' Tumpumo ai-aijo' na anu momputusi manusia sitimbang tiba anu binau nu toto samian madi' mompile'i pa' ihe. Kalana aitu de belemiu daagi' i dunia aiya, tionyo ahi' belemiu mompopodaka' Tumpu i uno nu kantumuu'an nu belemiu.

YAKOBUS 1:15

Ka' mule', de tanga'annyo anu ma'idek aijo' obatuki, atina'je ka' toka na dosa'; ka' de dosa' tahahumo ka'ahenannyo aijo'mo na kapatean.

MATIUS 25:32

Iwi-iwi' na bansa olimu' i ahop-Nyo. Lantas Ia mongga'atakon aha timbali ohua' na tompuk, sumo polaya' binatang mongga'atakon domba ka' mee'.

MALEAKHI 3:18

Mian anu palesayamo hi beleng-Ku montoa mule' bedanyo mosia na mian anu manonong tiba mian anu maidek na kalakuannyo, ka' mule' mian anu monsombah Aku tiba mian anu madi' monsombah Aku.”

YEHEZKIEL 34:20

Kalana aijo' Aku, Tumpu Anu Matangkas na Kuasanyo nontaloakonmo hi beleyum, o, domba-domba anu toto lompo-lompo', Aku tokamo mae timbali mian kopian atina hi to domba-domba anu toto hoso-hoson ka' hi domba anu madi'mahoson.

YEHEZKIEL 33:9

De nu pokinde'i ahi' nu beleyum na mian anu saja mombau palabuatan ma'idek ai-aijo' ka' ia madi' ahi' belenti na mombau palabuatan ma'idek ai-aijo', saba' ia silaka sumomo ahi' mian anu baladosa', panyo beleyum na salamat ahi'.”

YEHEZKIEL 7:27

Itomundo' tumando'mo na lewa' humang, anak mo'ane nu tomundo' madi'mo ko anu otaha'imani ka' mule aha mian da'isan lengkatanmo bau nu buhuk. Aku mohukumo beleyum sitimbang tiba palabuatan iwi-iwi' nu beleyum ka' momputusimo hukuman nu beleyum susumo belemiu mombee'i hukuman hi mian sangga'at. Sahingga nu sumbu'je nu beleyum taalu' Akumo ahi' na Tumpu.”

ANU MOMPOLELE POTATAE NU TUMPU 3:17

Kututugi Tumpu momputusi mian anu ma'ima' na gau'nyo ka' mule' mian anu ma'idek na gau'nyo kalana toto sa'angu' na han ka' toto sa'angu' na han anu obau tionyo ahi' jadi i tempo anu tinantukanmo nu Tumpu.

SISIKON NU TO RASUL-RASUL 26:20

Tiba sahondo-hondonyo aku mompoto'iakon hi to mia-mian, da aha bolimo mombau to dosa-dosa' nu aha, ka' mombee'mo butong nu aha hi Tumpu, lantas mompotoa i uno nu kantumuu'an nu aha saba' aha madi'mo daagi' mombau dosa-dosa' nu aha. Pinoto'ingkumo na han aijo' momonanyo i Damsyik, lapas aijo' i Yerusalem, ka' i songko-songko Yudea ka' aijo' hi aha to mia-mian anu misa' Yahudi.

YESAYA 59:20

Tumpu notataemo hi mian anu palesayamo hi Ia, “Aku tokaje mae i Yerusalem da momposalamat belemiu iwi-iwi' anu binala tobatmo i dosa' nu belemiu haha atina'.

YEREMIA 25:5

Aha nompalentahmo belemiu da mompala'imo palabuatan nu belemiu anu ma'idek atina' ka' saja-saja'mo mombau dosa', da belemiu tataapmo jojoong ilipu' aiya anu binee'mo nu Tumpu hi belemiu ka' hi mompolee' nu belemiu salaku bau pusaka' nu belemiu.

YEREMIA 35:15

Aku saja'mo nompokau namba hi belemiu iwi-iwi' na posaihon-Ku to nabi-nabi ka' aha nompokinde'imo belemiu da opokopiani na kalakuan nu belemiu ka' da madi'mo mombau palabuatan anu ma'idek. Aha nompokinde'imo belemiu da bolimo monsombah to pilo-pilogot sangga'at ka' madi'mo palesaya hi aha da belemiu tataap ahi' jojoong ilipu' aiya anu binee'-Kumo hi belemiu tiba hi mompolee' nu belemiu. Panyo belemiu madi' ahi' nompalahatikan ka' madi' ahi' nohongo-hongo Aku.

YEHEZKIEL 18:29

Ka' mule' belemiu o, mian nu Israel! Belemiu notatae, koonyo nu belemiu hukuman anu binee'mo nu Tumpu aijo' madi' totu'u. Te madi' mule' totu'u na hukuman anu binee'-Kumo aijo', o, mian nu Israel? Tantu madi'! Belemiu ahi' na anu madi' totu'u!”

YEHEZKIEL 24:14

Aku, Tumpu Anu Matangkas na Kuasanyo notataemo. Tinokamo na tempo'nyo na Aku mohukumo. Madi' Ku kolilimi' na dosa' nu beleyum ka' madi'mo daagi' mongampuni kabai mongkalibosi beleyum. Beleyum ohukumo sitimbang tiba palabuatan nu beleyum iwi-iwi'. Aku, Tumpu Anu Matangkas na Kuasanyo notataemo.”

YEHEZKIEL 43:9

Panyo otampu'uni uuka aiya aha tionyo ahi' bolimo daagi' monsombah pilogot ka' molalinmo ahi' bangke' nu to tomu-tomundo' nu aha. Lapas aijo' Aku jojoongmo ahi' itotonga' nu aha sampe toka sidu-sidutu'.”

EZRA 10:11

Kalana aijo' akuimo na dosa' nu belemiu hi Tumpu, Tumpu Allah anu nusombah nu mompolee' to ka' obau apaa na anu momposanang kinyonyoa nu Tumpu. Opimpali na mian nu aha salipu'an anu jojoong i lipu'to, ka' laa'mo na to bengke-bengkele' nu belemiu haha atina' anu ingosoan nu belemiu hi bansa sangga'at.”

YESAYA 21:12

Tinaamanku, “Daagi' subu tokamo mae, panyo po ule' ahi' malom. De daagi' mompokilawa, yo po ule'je toka mae mompokilawa.”

YEREMIA 3:22

O belemiu iwi-iwi' anu nompala'imo Tumpu, pinsusule'mo mae! Ia mompo alinmo belemiu ka' mompotimbalimo belemiu tulu-tulutan. Belemiu notatae, “Ii', uuka aiya kami tokamo mae hi Tumpu, kalana Ia Tumpu Allah mami.

YEHEZKIEL 36:19

Aha Kuhukumo sitimbang tiba kalakuan nu kantumuu'an nu aha, ka' aha Ku ga'a-ga'atakonmo mamba ilipu-lipu' nu mian anu isali'an.

ZAKHARIA 1:4

Boli montiho susumo mompolee' nu belemiu. Daagi' pe'e naipuan mae to nabi-nabi nompotokamo potuunon-Ku hi aha da aha bolimo mombau palabuatan anu ma'idek, ka' mombau dosa'. Panyo aha madi' nompajuli ka' madi' nongka oho' tinulu-tulutan hi beleng-Ku.