YEHEZKIEL 18:20 - KITAB NU TUMPU ALLA LELE MA'IMAI'

²⁰ Mian anu mombau dosa' ia ahi' na silaka. Anak na madi' ahi' tionyo montanggung hukuman anu binaumo nu tuumanyo na kasala'an, ka' suele tuuma madi' ahi montanggung hukuman kalana dosa' iwi-iwi' anu binaumo nu anaknyo. Mian anu manonong na mohumpak ahi' hukuman anu ma'ma' kalana palabuatannyo ma'ima'. Ka' mian anu palabuatannyo ma'idek na monta'up ahi' hukuman kalana palabuatannyo anu ma'i-ma'idek.

YEHEZKIEL 18:20 ပူးပေါင်းရင်းမြစ်များ

1 TOMU-TOMUNDO' 14:13

Iwi-iwi' na mian da'isan nu Israel nohangimo ka' nolamunmo ia. Iamo na mian anu hi aha salaigan i Yerobeam anu ilamun pinopodaka' hondo, kalana ola ia na anu nomposanangmo kinyonyoa nu Tumpu, Tumpu Allah nu Israel.

1 TOMU-TOMUNDO' 8:32

o Tumpu, tionyo ahi' Belento mompotombihing mae kiita' i Suluga' ka' momputusi palakala nu to posa-posaihon nu Belento aiya. O hukum na anu ko sala'nyo tiba anu binaunyomo ka' opobebas na anu madi' ko sala'nyo.

2 TOMU-TOMUNDO' 14:6

Panyo to ana-anak nu to mia-mian anu ko pangkatnyo aijo' madi' pinateannyo, kalana ia montuluti palentah nu Tumpu anu i Kitab i Musa, anu onyi'nyo, “Boli opatei na anu mohukum to tu'a-tu'anyo kalana monsaduakon hahan anu ma'idek anu binaumo nu to tu'a-tu'anyo nu aha. Batu-batu mian mohumpak hukuman opatei de han anu ma'idek aijo' pinosi baunyo.”

2 TAWARIKH 25:4

Panyo to ana-anak nu mian anu ko pangkatnyo haha aijo' madi' pinateannyo kalana montuluti palentah nu Tumpu anu i uno nu Kitab i Musa anu montaloakon, “Boli mohukum opatei na to tu'a-tu'anyo kalana montoa kalakuan nu to ana-anak nu aha anu mombaumo anu ma'idek, ka' boli mohukum opatei na to ana-anaknyo kalana montoa kalakuan nu to tu'a-tu'anyo nu aha anu mombaumo anu ma'idek. Batu-batu mian o hukum opatei, ola de mosi baumo kalakuan anu ma'idek.”

2 TAWARIKH 6:23

o Tumpu potombihingakon ahi' mae nu Belento kiita' i suluga' ka' putusiakon mae na palakala nu to posa-posaihon nu Belento aiya. Hukumo na anu ko sala'nyo, ka' pobebasmo na anu madi' ko sala'nyo.

2 TAWARIKH 6:30

de timbali da belento i uno nu kajojoongan nu Belento i suluga' mohongo mae ka' mongampuniakon mae aha. Ola belento na monsumbu' isi nu kinyonyoa nu manusia. Kalana aitu pokonai hukuman na mian sitimbang tiba apa na anu binaunyomo,

NOSABATMO 32:33

Tinaaman nu Tumpu, “Ola to mia-mian anu binaladosa'mo hi beleng-Ku na Ku alinimo na sanggonyo i kita aijo'.

YESAYA 53:11

Kalana aitu Tumpu notataemo, “Salatan lapas mo na mongoa'i kasansala'an, ia bilahije ka' sanangmo na kinyonyoanyo. Posaihon-Ku aijo', na momposanang kinyonyoang-Ku, nontanggungmo hukuman nu aha mian da'isan; kalana ia Aku mongampunimo aha.

YEHEZKIEL 14:14

Maumo ahi' i Nuh, i Danel tiba i Ayub jojoong itampat aijo' saba' kanonongan nu kinyonyoa nu aha totolu' aijo' ola ahi' timbali momposalamat posi nyawa nu aha. Aku Tumpu Anu Matangkas na Kuasanyo notataemo.

YEHEZKIEL 14:16

Maumo ahi' i Nuh, i Danel tiba i Ayub jojoong ikiijo' panyo atas sanggong-Ku Aku, Tumpu Allah Anu Matangkas na Kuasanyo, aha madi' moko ala momposalamat maumo pa' ihe, sadang posi anak nu aha suele madi'. Ola ahi' posi aha na salamat ka' lipu' aitu na timbalimo ahi' tano' anu mateges.

YEHEZKIEL 18:13

Ia momposaboli mian panyo mongala bunganyo Pa' mian anu sumo aijo' opotumuu'? Tantu madi'! Kalana ia nombaumo iwi-iwi' na palabuatan anu ma'idek ka' anu okahegati aijo' jadi ia tionyo silaka! Ia silaka kalana posi palabuatannyo ahi'.

YEHEZKIEL 18:30

Tumpu Anu Matangkas na Kuasanyo notataemo, “O, to mia-mian nu Israel, Aku mombee'imo kaputusan hi toto samian sitimbang tiba palabuatannyo. Bolimo daagi' mombau iwi-iwi na dosa' nu beleyum. Boli opojohok na dosa' nu beleyum mohansunimo butong nu beleyum.

YEHEZKIEL 18:4

Nyawa nu mian Aku na tumpunyo, mau nyawa nu anu tu'anyomo kabai nyawa nu anaknyo. Mian anu baladosa' aijo' ahi' na silaka.

YEHEZKIEL 33:10

Tumpu notataemo mae hi belengku, “O manusia anu madi' tumuu' batu, po ule' pe'e taloakon hi aha Israel na potatae nu aha sumo uuka, ‘Kami sinusa'mo kalana nontanggungmo dosa' tiba palabuatan mami anu ma'idek. Mosia na kami timbali tumuu'?’

YEHEZKIEL 33:6

Panyo de ponjagai aijo' montoamo mae sampobali' toka ka' ia madi' mompo'onyi' tanda bahaya aijo' lantas sampobali' mompateimo mian haha aijo' anu baladosa', Ku tuntutmo hi ia ponjagai ai-aijo' na aha sinilaka aijo'.

YEHEZKIEL 4:4

Lantas male'mo maninsohipi' sasu kewe' ka' Ku pokonamo na kasala'an nu bansa Israel hi beleyum. Kopinnyo 390 na sinaa, na beleyum matimale' susumo atina' ka' mongoa'i kasansala'an kalana kasala'an nu aha. Sansinaa na beleyum matimale' susumo atina' mongibalatakon sataun na hukuman nu aha bansa Israel.

IMAMAT 10:17

“Kadaka' koloban bau pongampuni dosa' aijo' madi' kinaan nu belemiu i tampat anu susi'? Koloban aijo' talalo hondo susi', Tumpu nombee'mo hi belemiu, da dosa' nu aha mian Israel o ampunimo.

IMAMAT 16:22

Mee' aijo' nomboamo iwi-iwi' na dosa' nu bansa Israel i daerah anu mateges anu madi' ojoongi ka' tionyo ahi' opolapas na ia i padang bola aijo'.

IMAMAT 19:8

De ihe na mongkaan antoknyo aijo' mohumpak kasala'an kalana madi' mongadati anu samata-mata binee'mo mae hi belengku. Mian aijo' madi'mo Ku posoop mian anu pinalesayamo hi beleng-Ku.

IMAMAT 5:1

Koloban bau pongampuni dosa' palalu hondo osombahkon: De daagi' ko mian anu opoita mombee'i katalangan salatan mian kopian momputusimo palakala, lantas madi' mombee'i katalangan mongkona apaa na anu tinoanyomo kabai anu i hongonyomo sahingga ia tionyo ahi' montanggungmo kasala'annyo.

IMAMAT 5:17

De daagi' ko mian madi' nontonggolakon nombaumo dosa', panyo nolanggaimo sala'sa'angu' na palentah nu Tumpu, mian aijo' sinala'mo ka' tionyo ahi' montanggungmo kasala'annyo.

NOMBILANGMO 15:31

kalana ia madi'mo nohongo-hongo Tumpu, ka' nontotonggolakonmo nolanggai palentah nu Tumpu. Mian aijo' sinilaka kalana posi kasala'annyo.

NOMBILANGMO 18:1

Tumpu notataemo hi Harun, “Beleyum, to ana-anak nu beleyum tiba aha mian nu Lewi tionyo ahi montanggungi kasala'an apaa na anu timbali i Kemah-Ku, panyo ola beleyum tiba to ana-anak nu beleyum na tionyo ahi' montanggungi de sala' na pakalaja'an nu to ima-imam.

MATIUS 16:27

Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

PO'ULE' INGULIT 24:16

Boli mombee'i hukuman mate tu'anyo nu belemiu kalana palabuatan ma'idek anu binaumo nu anaknyo, ka' boli mohukum mate anak nu belemiu kalana palabuatan ma'idek anu nubau nu tu'anyonyo. Batu-batu mian ola timbali o hukum mate kalana palabuatan ma'idek anu pinosi baunyomo.

IBRANI 9:28

Sumo aitu mule' na i Kristus ola minsan na sinombahkon salaku koloban mompobelesi dosa' nu mian da'isan. Ia po'ule'je toka kopinduannyo, misa' pa' kahanda' mongulusmo palakala nu dosa', panyo momposalamatmo to mia-mian anu saja' montanda'i katokaan-Nyo.

1 PETRUS 2:24

Posi i Kristus na nonsimbu to dosa-dosa'to i butong-Nyo aita' i kau' salib da kita opobebas i kuasa nu dosa', ka' tumuu' mombatuki pongka'oho' nu Tumpu. Iwi-iwi' bela i Kristus na anu mompa'alin belemiu.

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.

ANU PINOTO'I HI YOHANES 20:12

Ka' aku nontoamo to mia-mian anu sinilakamo, anu daka'mo ka' anu daagi' ise', tinuminjo i ahop nu kasuhangan aijo'. Sahingga to kita-kitab suele pinaha buka'mo. Lantas sa'angu' na kitab sangga'at binuka'mo, atina'mo Kitab nu Mian anu Tumuu'. Lapas aijo' hukuman inabu'akonmo hi mian anu sinilakamo, sitimbang tiba anu binaumo nu aha susumo anu tinulismo i uno nu kitab haha aijo'.