YEHEZKIEL 18:14 - KITAB NU TUMPU ALLA LELE MA'IMAI'

¹⁴ Bisuanyo mian anu nanjoo'mo na nombau palabuatan anu ma'idek ko anaknyo, ka' anak aijo' sola'mo nontoa iwi-iwi' na palabuatan nu tuumanyo panyo madi' tinihonyo.

YEHEZKIEL 18:14 ပူးပေါင်းရင်းမြစ်များ

2 TOMU-TOMUNDO' 22:1

Umun i Yosia ualu'mo na taun tempo'nyo ia tinimbalimo tomundo' i Yehuda, ka' ia nompalentahmo i Yerusalem 31 na taun na kinopinnyo. Sanggo nu tinanyo i Yedida anak i Adaya, mian nu Bozkat.

2 TOMU-TOMUNDO' 22:2

I Yosia nombaumo hahan anu momposanang kinyonyoa nu Tumpu. Ia nontihomo kalakuan i Tomundo' Daud mompolee'nyo ka' tinulutannyomo totu-totu'u na atulan nu Tumpu Allah.

2 TAWARIKH 34:21

“Lako' mamba pokilawa hi Tumpu na aku aiya pa' mosia ka' suele pa' mosia na to mia-mian anu daagi' kiijo' i Yerusalem ka' i Yehuda mongkona isi nu kitab aiya. Tumpu nontambuha'imo kita kalana mompolee'to madi'mo nombau iwi-iwi na palentah anu tuli-tulis i kita aiya.”

AMSAL 17:21

Mohumpak anak anu ponga' alati'nyo mohumpak kasusa'an nu kinyonyoa; timbali tuuma nu anak anu ponga' madi' ko kalame'an nu kinyonyoa.

AMSAL 23:24

Samian na tuuma lame'mo de anaknyo ko kalakuan ahi' anu ma'ima'; ia sanang hondo de anaknyo pande.

YESAYA 44:19

Mian anu nombau patong aijo' madi'mo daagi' binapikin, “Kau' aijo' sambagian pinapuankumo, ka' obanyo pinakengkumo bau pinontunuan roti ka' mule' bau pontapa'i ponoha' da ku kaan. Lantas tuha' nu kau' aijo' ku baumo patong. Jadi uuka aiya aku monsombahmo sangkolong na kau'!”

YEREMIA 44:17

Iwi-iwi' na anu jinanji'mo mami, tionyo ahi' obaumo mami. Kami saja'mo ahi' monsombahkon koloban hi Tomundo' boune nu Suluga' ka' mondudu'akon anggur salaku palasombahan hi ia susumo anu biasamo nu bau nu aha ikota-kota' Yehuda ka' ijalan-jalan ikota' Yerusalem nu aha mompolee' mami, tiba aha to tomu-tomundo' ka' to mia-mian anu kopangkatnyo aijo'mo pamalentah mami ka' mule' ahi' kami. Tempo'nyo aijo' manjoo' hondo na anu okaan mami, kami mohumpakmo kamajuan ka' madi'mo ko anu okasusa'akon mami.

YEREMIA 8:6

Aku nompotombihingmo ima-ima' panyo belemiu madi' motatae mae susumo ahi' anu sahondo-hondonyo. Madi' kosamian anu atina' hi belemiu na mompele-pele'mo ipalabuatannyo ma'i-ma'idek aijo'. Madi' ko anu motatae, ‘Apaa na kasala'anku?’ Belemiu iwi-iwi' montulumo posi jalan nu belemiu susumo ajahan montumbuhimo mokiijo' ipahampatean.

YEREMIA 9:14

Aha pinanggagamo ka' nonsombahmo to pilo-pilogot Baal susumo anu pinogulu'mo nu mompolee' nu aha.

YEHEZKIEL 18:10

Panyo bisuanyo mian aijo' ko anak anu saja' mombuling, mompatei, ka' saja' mombau palabuatan anu ma'idek sangga'at,

YEHEZKIEL 18:15

Anak aijo' madi' mongka'oho' monsombah pilogot nu aha Israel, kabai mongkaan koloban anu sinombahkonmo itampat-tampat anu lewa' ponsomban pilogot. Ia madi toho' nonggoda bengkele' nu mian,

YEHEZKIEL 18:28

Ia nongakuimo kasala'annyo ipalabuatannyo anu ihukuhakonmo lantas madi'mo sola' mombau dosa'. Tiba jalan anu sumo aijo' ia madi'mo silaka, panyo tataapmo tumuu'.

YEHEZKIEL 20:18

Ka' mule' to ana-anak nu aha anu daagi' to oli-olitau ka' to lalangkoyang aijo' hi aha pinokinde'an-Kumo sumo uuka, ‘Bolimo daagi' montuluti atulan-atulan anu binau nu mompolee' nu belemiu. Bolimo daagi' mombau kabiasa'an nu aha ka' suele bolimo daagi' mohumimi'i butong nu belemiu monsombahmo pilogot nu aha haha aijo'.

HOSEA 7:2

Madi' toho' tonginau' i uno nu pikilan nu aha saba' Aku na saja' ahi' monginau' iwi-iwi' na palabuatan anu ma'idek haha aijo'. Panyo iwi-iwi' na dosa' nu aha nongkukubimo aha sahingga nanasamo hondo na Aku nontoa aha.”

HAGAI 1:5

Soba palahatikan na ka'ada'an nu belemiu!

HAGAI 1:7

Ma'isa sinumbu' nu belemiu kadaka' han aijo' jinadimo?

HAGAI 2:18

Sinaa aiya tanggan uampulu' ka' opat bitu'on ko osio'nyomo pundasi nu Laigan-Ku noko baumo! Palahatikan apaa na anu jinadimo mulai sinaa uuka.

MATIUS 23:32

De sumo aitu janjulakonmo ka' baumo na to dosa-dosa' anu tinampu'unanmo nu mompolee' miu aijo'!

1 PETRUS 1:18

Osumbu' nu belemiu apaa na anu binayanakonmo da bau pompobebas belemiu i kantumuu'an anu madi' ko angga'nyo anu pinotatu-tatusakonmo nu mompolee' miu. Pinombayannyo misa' pa' apaa anu timbali ma'idek sumo salaka kabai mosoni',