YEHEZKIEL 18:13 - KITAB NU TUMPU ALLA LELE MA'IMAI'

¹³ Ia momposaboli mian panyo mongala bunganyo Pa' mian anu sumo aijo' opotumuu'? Tantu madi'! Kalana ia nombaumo iwi-iwi' na palabuatan anu ma'idek ka' anu okahegati aijo' jadi ia tionyo silaka! Ia silaka kalana posi palabuatannyo ahi'.

YEHEZKIEL 18:13 ပူးပေါင်းရင်းမြစ်များ

1 TOMU-TOMUNDO' 2:37

De beleyum baani mosabat ka' mamba motaap i panga' nu kaunyo Kidron, beleyum o pateimo; ka' posi beleyum na montanggung kasala'an aijo'.”

AYUB 34:11

Hukuman anu bau pohukumnyo manusia, anu ahi' mompahatimbangmo tiba apaa na anu binaumo nu manusia, mohukum ia nu hukuman anu singgoma'mo tiba kalakuannyo.

NOSABATMO 22:25

De belemiu momposabon doi hi mian kasiasi atina' hi bansang-Ku boli obau sumo anu montage samaya'nyo ka' tionyo ko bunganyo.

YEHEZKIEL 18:17

Ia madi' toho' mombau palabuatan anu ma'idek kabai monsaboli lantas mompake bunganyo. Ia tulu-tulutan hondo hi atulan-Ku ka' motuluti hondo palentah-ngKu. Anak aijo' madi' mate kalana nu saduakon nu dosa' nu tuumanyo panyo tataap ahi' tumuu'.

YEHEZKIEL 18:24

Panyo de mian anu manonong madi'mo daagi' mombau palabuatan anu ma'ima' ka' mule' mombaumo palabuatan mule' anu ma'idek ka' iwi-iwi' na palabuatannyo okahegati susumo anu saja' obau nu mian anu ma'idek na kinyonyoanyo, te ia tataap mule' tumuu'? Tantu madi'! Palabuatannyo anu toto ima-ima' haha aijo' madi'mo daagi' ko sa'angu' na daagi' o'inau'. Ia silakamo kalana palabuatan dosa' ka' madi'mo nontuluti Aku.

YEHEZKIEL 18:28

Ia nongakuimo kasala'annyo ipalabuatannyo anu ihukuhakonmo lantas madi'mo sola' mombau dosa'. Tiba jalan anu sumo aijo' ia madi'mo silaka, panyo tataapmo tumuu'.

YEHEZKIEL 18:32

Aku madi' sanang de ko samian anu silaka. Pala'imo na dosa-dosa' nu beleyum da belemiu tataap tumuu'. Aku Tumpu Anu Matangkas na Kuasanyo notataemo.”

YEHEZKIEL 18:8

Ia madi' toho' momposaboli mian opakeakon bunganyo. Ia madi' mongka'oho' mombau palabuatan anu ma'idek ka' de painggagamo tiba mian sangga'at ia mombee'i kaputusan anu madi' tageo'.

YEHEZKIEL 3:18

De Ku poto'imo na samian anu ko palabuatannyo ma'idek tionyo ahi' opateimo, panyo beleyum madi' mompokinde'i ia da ia mombabali'i kalakuannyo, da ia salamat ahi' saba' ia silaka daagi' ahi' susumo samian na anu baladosa' ka' montanggungi ia sinilaka aijo', otuntut hi beleyum.

YEHEZKIEL 33:8

De Kupoto'imo saba' daagi' ko samian anu palabuatannyo ma'idek saidi' mae silakamo, panyo beleyum madi' mompokinde'i ia da ia madi'mo lewa' mombau palabuatannyo ma'i-ma'idek aijo' sahingga ia salamat, saba' ia silaka daagi' ahi' susumo mian anu baladosa'. Panyo ia sinilaka aijo' Ku tuntutmo hi beleyum.

IMAMAT 20:27

Toto samian na mo'ane kabai boune anu montunde' santuu' nu mian anu sinilakamo opahambunu'akon nu batu sampe mate. Mian aijo' nate kalana posi kasala'annyo.”

IMAMAT 20:9

Tumpu nombee'mo atulan haha aiya, “Mian anu montotobi'akon tuumanyo ka' tinanyo tionyo ahi' o hukum mate. Ia mate kalana posi kasala'annyo.

SISIKON NU TO RASUL-RASUL 18:6

Panyo kalana to mia-mian saja' monggagakon ka' mompisala'i, sahingga i Paulus nonsapui abu' i baju'nyo salaku tanda da mompo'ingat aha i kasala'an nu aha. Ia notatae, “De komiu silaka, posi sala' miu! Aku madi' monsumbu'! Mulai uuka aku mambamo hi to mia-mian anu misa' Yahudi.”