YEHEZKIEL 18:12 - KITAB NU TUMPU ALLA LELE MA'IMAI'12 Ia saja' mongakali mian anu kasiasi, mombuling, mongalamo pinonggadei nu mian anu ko samaya' hi ia. Ia mambamo itampat-tampat ponsomban nu mian pilogot anu madi' monsumbu' Tumpu ka' monsombahmo pilogot anu okahegati. အခန်းကိုကြည့်ပါ။ |
Ka' suele mezbah haha aijo' anu i sasu kabete'an Yerusalem, i sasu salatan Bungkutnyo nu Ka'idekan i humimi'anmo. Mezbah haha aijo' binau i Tomundo' Salomo bau ponsomban to pilo-pilogot anu mahumimi' – aijo'mo Asytoret pilogot boune bansa Sidon, Kamos pilogot nu bansa Moab, tiba Milkom pilogot nu bansa Amon.
“Tionyo ahi' adin ka' hodi' na kinyonyoa. Pobebasmo na mian anu me saja' o ala na tenaganyo nu aha anu balakuasa anu saja' mongala tenaga nu mian. Boli mombee'i kasansala'an kabai mombau anu ma'idek hi aha mian anu isalipu'an mae, hi aha anak anu madi'mo ko tinanyo ka' tuumanyo, kabai hi aha anu binalumo. Boli mompatei mian anu madi' ko sala'nyo itampat aiya.
Tumpu notatae hi belengku, “O, manusia anu madi' tumuu' batu, tinoamo nu beleyum na aijo'? Aha mian nu Yehuda haha aiya madi' puas de ola mombau hahan anu okahegati haha aijo' ka' palabuatan-palabuatan anu misa'mo palabuatan nu manusia isongko-songko na lipu'. Panyo aha mombau mule' ahi' palabuatan haha aijo' i uno nu Laigan-Ku aiya ka' nonsaduakonmo Aku da nompaka potambuha' mule'. Soba toa mosia na aha mongambangimo mae Aku nu palabuatan anu mahumimi' hondo aiya!