YEHEZKIEL 17:5 - KITAB NU TUMPU ALLA LELE MA'IMAI'

⁵ Lapas aijo' ingalanyomo na sangkau na kau' anu daagi' ise' lengkat mae i tano' nu Israel, ka' sinu'annyomo i ale' anu ma'omuk anu madi' toho' kasusa'an i uee.

YEHEZKIEL 17:5 ပူးပေါင်းရင်းမြစ်များ

2 TOMU-TOMUNDO' 24:17

Lapas aijo' i Nebukadnezar nohangkatmo i Matanya, babo' i Yoyakhin, na binau tomundo' nu Yehuda, ka' binali'anmo na sanggonyo, sinanggohanmo i Zedekia.

YESAYA 15:7

To mia-mian motaapmo i gimpangnyo nu kaunyo Haarabim ka' bala usaha momposalamat halata' nu aha.

YESAYA 44:4

Aha molumba'mo na tumuu' susumo hemput anu tumuu' koko uee, susumo kau' gandarusa isonibi nu kaunyo.

YEREMIA 12:2

Sinu'anmo nu belento na aha susumo sosu'anon, lantas aha nimbakatmo, tinumuu'mo, ka' nimbua'mo. Aha saja mombisalakon anu toto ima-ima' mongkona butong nu Belento, panyo i uno nu kinyonyoa nu aha, aha sabenannyo ahi' madi' mompajuli Belento.

YEREMIA 37:1

Tempo'nyo i Nebukadnezar tomundo' nu Babel nompobelentimo i Yoyakhin anak i Yoyakim, ia nohangkatmo i Zedekia anak i Yosia binau tomundo' nu Yehuda.

YEHEZKIEL 17:13

Lantas ia nompile'imo sala'samian na poto utusan mae nu tomundo' Yehuda ai-aijo', ka' nombaumo palajanjian tiba ia, ka' nompokaumo ia binasumpa' da montulutimo ia. Tomundo' nu aha Babel aijo' nontahanmo mian anu toto penti-penting haha aijo',

YEHEZKIEL 17:4

lantas binoanyomo ka' pinotimpasnyomo ikota' dagang anu lame' hondo.

YEHEZKIEL 17:6

Kau aijo' tinimbalimo kau' anggur ka' tumuu'nyo hede' ka' dinumandangmo manta-mantan. Panga'nyo haha aijo' mompanjolongi bonyia' ai-aijo' ka' bakatnyo nanimpasokmo hoso-hoson i tano'. Kau' anggur aijo' tambok hondo na honnyo.

YEHEZKIEL 31:4

Ia tumuu' kalana ueenyo sukup hondo. Kaunyo i aluk nu tano' na mombee'i kaanonnyo, mohumpisi iwi-iwi' na bakatnyo, ka' monguei kau' iwi-iwi' sangga'at.

YEHEZKIEL 31:5

Kalana ueenyo madi' toho' maga'a, ia tumuu' molumba', panga'nyo daka' ka' mule' mantan. Iwi-iwi' na kau' isongko-songko na alas, iamo na anu lebe matangkas maloloyuk mokiita'.