YEHEZKIEL 17:24 - KITAB NU TUMPU ALLA LELE MA'IMAI'

²⁴ Iwi-iwi' na kau' anu daagi' ilipu' nu mian saidi' mae mangalati'je taalu' Akumo ahi' na Tumpu. Kau' anu matangkas Ku taa'mo; kau' anu hede' Ku potumuu'mo da matangkas hondo. Kau' anu tumuu' molunou Ku pomanggasmo hondo-hondo; ka' mule' kau' anu nanggasmo Ku potumuu'imo sumpenyo ka' bunganyo. Aku, Tumpu, notataemo, iwi-iwi' na potataeng-Ku saidi' mae tionyo ahi' jadi.”

YEHEZKIEL 17:24 ပူးပေါင်းရင်းမြစ်များ

AYUB 40:12

Yo, soba jonohi na aha mian anu saja' buulon, hungku'imo na ia! Pateimo na mian anu ma'idek na kinyonyoa kiijo' i kajojoongannyo.

AYUB 5:11

Iamo na Tumpu Allah anu mohangkat mian anu madi' talakana', ka' mombee'i kabilahian hi mian anu susa'.

MAZMUR 89:38

Kalaja'annyo sabole-boleh daagi' susumo bitu'on, anu aita mae i kundom, saja' mae monsakisi'i.”

MAZMUR 89:45

Kakuasa'annyo anu tinalasanggomo hondo pinobelentimo nu Belento, kadelanyo nu kalaja'an ingalinmo nu Belento nokaiyong i tano'.

YESAYA 22:19

Kalana aijo' beleyum Ku pobelentimo da madi'mo montoongi pangkat nu beleyum atina' ka' Ku tau'akonmo na pangkat nu beleyum da bolimo montoongi pangkat nu beleyum mata-matangkas atina'.

YESAYA 26:5

Tumpu mompota'alukmo mian anu buulon; Nu hansunimo na kota'nu aha anu kobentengnyo, ka' opohatamo susumo tano'.

YEHEZKIEL 12:25

Aku Tumpu Anu Matangkas na Kuasanyo motataemo hi bansang Israel, ka' iwi-iwi' na anu Ku taloakon tionyo ahi' jadimo, mad'mo daagi' mongabali'. Potombihing mae o, belemiu mian anu sola' motomuhuk! Tempo'nyo beleyum daagi' tutuu' Ku baumo na iwi-iwi' anu pinoto'ing-Kumo hi beleyum. Aku, Tumpu Anu Matangkas na Kuasanyo notataemo.”

YEHEZKIEL 18:1

Tumpu notataemo mae hi belengku,

YEHEZKIEL 21:26

Aku, Tumpu Anu Matangkas na Kuasanyo motataemo. Ukatakonmo na mahkota' nu beleyum ka' mule' singgan nu beleyum pulasakomo. Uuka aiya ka'ada'an madi'mo susumo u'utu mae. Bangonakon na kantumuu'an nu aha mian anu kasiasi ka' bee'i na aha kakuasa'an! Tau'akon na kantumuu' nu aha to mia-mian anu balakuasa!

YEHEZKIEL 22:14

Daagi' ahi' baani kabai daagi' ahi' mahoson na beleyum montangkakon lima nu beleyum de Ku poko hukumo na beleyum? Aku, Tumpu Anu Matangkas na Kuasanyo notataemo ka' Aku mule' momposidamo apaa na anu pinoto'ing-Kumo.

YEHEZKIEL 24:14

Aku, Tumpu Anu Matangkas na Kuasanyo notataemo. Tinokamo na tempo'nyo na Aku mohukumo. Madi' Ku kolilimi' na dosa' nu beleyum ka' madi'mo daagi' mongampuni kabai mongkalibosi beleyum. Beleyum ohukumo sitimbang tiba palabuatan nu beleyum iwi-iwi'. Aku, Tumpu Anu Matangkas na Kuasanyo notataemo.”

YEHEZKIEL 36:36

Sahingga bansa-bansa anu mompaha ohani tiba aha anu daagi' kiijo' monsumbu'je taalu' Akumo ahi' na Tumpu, anu po ule'mo nombau to kota-kota' anu ihansunmo, ka' po ule'mo nongkalaja ale' anu singkapmo kinun. Aku, Tumpu notataemo, ka' memang ahi' mompojadimo.”

YEHEZKIEL 37:14

Aku mompuhakonmo santuu' i uno nu butong nu aha da aha tumuu'mo, lantas aha Ku pobee'mo jojoong iposi lipu' nu aha. Sahingga nu sumbu'je nu aha taalu' Akumo ahi' na Tumpu. Aku Tumpu notataemo ka' memang ahi' mompojadimo.”

DANIEL 5:21

Ia nu laa'mo nu mian da'isan ka' kapandeannyo timbalimo susumo kapandean nu binatang. Ia tumuu'mo tiba keledai nu alas, mongkaanmo hemput susumo sapi' ka' hoyotmo i tano' anu madi' ko atopnyo sahingga nu humpisimo nu dondu'ok. Ahennyo ia mongakuimo talu' Tumpu Anu Matangkas na Kuasanyo na mongkuasai kalaja'an nu manusia ka' mule' kalaja'an aijo' Nu bee'mo maumo pa'hihe na anu pinile'an-Nyomo.

AMOS 9:11

Tumpu notatae, “Tokaje na tempo'nyo Aku mompo'ule' mombali'i kalaja'an i Daud. Uuka aiya kalaja'an aijo' tinimbalimo susumo laigan anu nohobo'mo. Panyo pagannyo mesen po'ule'je Ku poko ima'i ka' po'ule'je Ku bau sahingga timbalimo susumo u'utu mae.

NOMBILANGMO 17:8

Dodododopnyo, salatan i Musa ninsoopmo i Kemah nu Tumpu, tinoanyo tokon i Harun aijo'mo tokon nu tompukan nu tulunan mae nu aha bansa Lewi ninsumpemo. Tokon aijo' mulaimo nimbuhak, nimbuhakmo ka' nimbua'mo ketapang anu motu'amo!

MATIUS 24:35

Langit ka' tano' lanjap, panyo potataeng-Ku tataap sampe toka sidu-sidutu'.”

LUKAS 1:33

Ka' Ia mompalentah sumo tomundo i katulunan Yakub sidu-sidutu'. Kalaja-Nyo madi' ko kamingkotannyo.”

LUKAS 21:33

Langit ka' tano' mingkot, panyo potataeng-Ku tataap sidu-sidutu'.”