YEHEZKIEL 17:20 - KITAB NU TUMPU ALLA LELE MA'IMAI'

²⁰ Ku sambuangakonmo na buani bau pohakop ia. Ia Ku boamo i Babel ka' Ku hukumo kiijo' mae kalana ia madi' tulu-tulutan hi beleng-Ku.

YEHEZKIEL 17:20 ပူးပေါင်းရင်းမြစ်များ

2 SAMUEL 18:9

Tempo'nyo i Absalom nonsake'i bagalnyo monti-montiik ia siningkabotmo suludadu i Daud. Bagal aijo' notulu i patu nu kau' anu daka' ka' heede' sahingga tinosagamo na ubak i Absalom i panga'nyo. Bagalnyo sinapopopadeka'nyomo panyo i Absalom tinongkalayo'mo ikiijo'.

2 TAWARIKH 33:11

Mokonyo aijo' pinotokamo mae nu Tumpu na to tale-talenga'nyo nu suludadu nu aha Asyur nontumbuhi Yehuda. I Manasye i hakop nu pongkakait lantas pinungumo ka' binoamo i Babel.

AYUB 10:16

De ku humpak na anu ku usahakon maumo madi' sangkuka na konjoo'nyo, Belento sumomo ahi' singa na mololoi' mae aku. Ka' po'ule' mule' nu potoa mae na kakuasa'an nu belento, ola da mompopobuhuk aku.

ANU MOMPOLELE POTATAE NU TUMPU 9:12

Mian madi' monsumbu' pa' hipian na tempo'nyo toka mae. Susumo tomonsi' nu konamo nu so'o ka' mule' ikan nu konamo nu buani'. Sumo aitumo na manusia de nu tokaimo mae nu balaa' isa'angu' na tempo anu madi' sinangka-sangka.

YEREMIA 2:35

belemiu notatae koonyo nu belemiu, belemiu madi' kosala'nyo, koonyo nu belemiu Aku madi'mo daagi' montambuha'i belemiu. Panyo Aku, Tumpu mohukumo belemiu kalana belemiu madi'mo mongakui taalu' belemiu sinala'mo.

YEREMIA 2:9

Tumpu notatae, “Uuka aiya mian anu palesayamo hi beleng-Ku Ku sampopalakala mule' ka' lee'nyo Ku ulusmo na palakalanyo.

YEREMIA 34:21

I Zedekia tomundo' nu aha Yehuda tiba mian anu toto tangka-tangkas na pangkatnyo ipamalentahan Ku bee'mo hi to mia-mian anu kahanda'mo mompatei aha. Ku bee'mo na aha hi suludadu nu Babel, anu uuka aiya nompala'imo belemiu.

YEREMIA 37:17

Lapas aijo' i Tomundo' Zedekia nompalentahmo mian da momboa aku mangadap hi ia ilaigan nu tomundo'. Ikiijo' pinohowininyo na ia nompokilawa mae hi belengku pa' daagi' ko potuunon lengkat mae hi Tumpu. “Daagi',” na koongku. Lantas po ule' mule' aku notatae, belento “Tomundo' obee'mo hi tomundo' Babel”.

YEREMIA 50:44

Sumo singa nasasubamo mae lengkat i alas anu daka' koko Kaunyo nu Yordan ka' nambamo ipadang tampat pongototan nu domba, sumo aijo'mo na Aku, Tumpu, mompasasubahimo mae aha mian nu Babel sahingga aha mopalaimo mompala'imo kota' nu aha lia-lia'. Lantas Ku pile'imo na samian da bau polaya' mompalentah bansa aijo'. Ihe na timbali bau pompokakanakonan Aku? Ihe na baani mahampalakala tiba Aku? Te daagi' ko polaya' anu moko ala mongewa Aku?

MOHAANGI 1:13

Lengkat mae i langit tinudunakon-Nyomo mae na apu nompapui toka-toka' i uno nu butongku. Pinokona-Nyo na so'o i ahopku, sahingga aku kinonanyomo ka' notua'mo. Lantas pinojohoknyomo na aku ola sausa'ku, na nongoa'i sansala kopinnyo sansina-sinaa.

MOHAANGI 4:20

Aha nohakopmo tomundo anu pinile'anmo nu Tumpu, mian anu obuulakon mami salaku anu mombee'i kantumuu'an, ka' monjagai de ko sampobali'.

YEHEZKIEL 12:13

Panyo buani'-Ku, Ku buani'akonmo bau pohakop ia. Lantas ku boamo na ia ikota' Babel ka' ikiijo' mae ia silakamo padahan madi' montoa kota' aijo'.

YEHEZKIEL 15:8

Aha madi'mo tinulu-tulutan hi beleng-Ku, kalana aijo' tano' aijo' Ku pojadimo tano' anu mateges. Aku Tumpu Anu Matangkas na Kuasanyo notataemo.”

YEHEZKIEL 17:19

Atas sanggong-Ku, Tumpu anu tumuu', Tumpu Anu Matangkas na Kuasanyo, tomundo' nu aha Yehuda Ku hukumo kalana nolanggaimo palajanjiannyo hi tomundo' Babel padahan ia binasumpa'mo hi sanggong-Ku da palajanjian aijo' totu-totu'u ahi' opojalan.

YEHEZKIEL 18:24

Panyo de mian anu manonong madi'mo daagi' mombau palabuatan anu ma'ima' ka' mule' mombaumo palabuatan mule' anu ma'idek ka' iwi-iwi' na palabuatannyo okahegati susumo anu saja' obau nu mian anu ma'idek na kinyonyoanyo, te ia tataap mule' tumuu'? Tantu madi'! Palabuatannyo anu toto ima-ima' haha aijo' madi'mo daagi' ko sa'angu' na daagi' o'inau'. Ia silakamo kalana palabuatan dosa' ka' madi'mo nontuluti Aku.

YEHEZKIEL 32:3

De to bansa-bansa sihukmo, Ku hakopmo na beleyum nu buani'-Ku ka' mompojohok bansa haha aijo' mohela' beleyum mokiita' ikatano'an.

YEHEZKIEL 38:22

Ia Ku hukumo nu panyakit anu molele ka' mule' baso' na mobubus. Ujan daka' tiba ujan eis, apu tiba belelang Ku bubusakonmo mokaiyong hi ia ka' mule' hi suludadunyo ka' mule' hi aha bansang jonjoo' anu nanintuangmo tiba ia.

HOSEA 2:2

Tumpu notatae, “O to ana-anak-Ku, tina nu beleyum misa'mo daagi' bengkele'-Ku, ka' Aku misa'mo langkai'nyo. Kalana aijo' ulusmo na ia, da ia bolimo daagi' masala', ka' bolimo mombau anu moko masala'.

HOSEA 7:12

Panyo de aha motulumo Kupokonamo na so'o ka' ohakopmo na aha susumo mian mohakop tomonsi'. Ku hukumo na aha kalana iwi-iwi' na palabuatan nu aha anu ma'idek aijo' sinumbu'-Kumo.

MIKHA 6:2

O, to bungku-bungkutnyo, o, to lana-lananyo nu dunia, hongo na Tumpu mongkalakmo! Ia ko palakala hi aha Israel mian-Nyo anu palesayamo ka' montuntutmo aha.

LUKAS 21:35

Kalana Sinaa aijo' toka sumo pangkun pohakop mian iwi-iwi' i dunia aiya.