YEHEZKIEL 17:18 - KITAB NU TUMPU ALLA LELE MA'IMAI'

¹⁸ Kalana ia nolanggaimo sumpa' tiba palajanjiannyo, ia madi'mo daagi' moko ala mopalai.

YEHEZKIEL 17:18 ပူးပေါင်းရင်းမြစ်များ

2 TOMU-TOMUNDO' 10:15

I Yehu nolausakonmo lumambanannyo. Hau-haunyo i lumajang ia i lalabotmo i Yonadab anak i Rekhab. I Yehu nonsalando'aimo ia ka' notatae, “Te misa' kita aiya mompaha kona ahi'? Beleyum mongka' oho' montulungi aku?” “Ii',” na koonyo i Yonadab. “De sumo itina', imbo' da kita mompaha kawa,” na pinombalosi i Yehu. Aha nompaha kawamo ka' i Yehu nontulungimo i Yonadab sinumake' i karetanyo, ka' notatae,

1 TAWARIKH 29:24

Iwi-iwi' na mian anu ko pangkatnyo salaku pamalentah ka' suludadu toka-toka hi to ana-anak i Daud anu toto momo'ane sangga'at suele mongakui kakuasa'an i Salomo salaku tomundo'.

2 TAWARIKH 30:8

Boli panggaga susumo aha, panyo otuluti na Tumpu. Imbo' toka mae i Yerusalem, i Laigan nu Tumpu anu tinantukanmo nu Tumpu Allah nu belemiu samata-mata ponsomban Ia sampe toka sidu-sidutu'. Imbo' toka mae sombah na Ia da Ia madi'mo montambuha'i belemiu.

ANU MOMPOLELE POTATAE NU TUMPU 8:2

De tomundo' mompalentahmo otapali; ka' boli balajanji kosia-sia' hi Tumpu.

MOHAANGI 5:6

Kami mamba lewa' momoita kiijo' i Mesir, kami momoita anu okaan kiijo' i Asyur.

YEHEZKIEL 17:15

Panyo i tomundo' Yehuda notomuhukmo ka' nonsaimo mian namba i Mesir da mohumpak ajahan tiba mule' suludadu manjoo'. Pa' usaha aijo' nu humpak ahi'? Pa' ia opojohokmo ahi' da mopalai? Madi' bisa na ia molanggai palajanjian ka' madi' mohumpak hukuman!

YEHEZKIEL 17:16

Atas sanggong-Ku, Tumpu anu tumuu', Tumpu Anu Matangkas na Kuasanyo, i tomundo' Yehuda silakamo kiijo' mae i Babel, kalana ia nolanggaimo sumpa'nyo ka' nolanggaimo mule' palajanjiannyo hi tomundo' Babel anu nombee'imo kapalentahan hi ia.

YEHEZKIEL 17:19

Atas sanggong-Ku, Tumpu anu tumuu', Tumpu Anu Matangkas na Kuasanyo, tomundo' nu aha Yehuda Ku hukumo kalana nolanggaimo palajanjiannyo hi tomundo' Babel padahan ia binasumpa'mo hi sanggong-Ku da palajanjian aijo' totu-totu'u ahi' opojalan.

YEHEZKIEL 21:23

Mian anu jojoong i Yerusalem madi' palesaya na aha aijo' otumbuhimo kalana aha nombaumo palajanjian tiba Babel. Panyo kila-kila'an aijo' ola ahi' da bau pompo ingat aha saba' aha aijo' ohakopmo kalana dosa-dosa' nu aha.