YEHEZKIEL 17:10 - KITAB NU TUMPU ALLA LELE MA'IMAI'

¹⁰ Memang ia nahosonmo na tinumuu', panyo pa' moko ala ahi' na ia satu tumu'nyomo ka mompaka podensu'? Pa' madi' ahi' ia mangkaluale de nu puhimo mae nu mombun anu lengkat mae i sasu Kabete'an? Pa' madi' ahi' i manggas i tampat kinatumuu'annyo?”

YEHEZKIEL 17:10 ပူးပေါင်းရင်းမြစ်များ

KAJADIAN 41:6

Lapas aijo' nimbua' mule' popitu' na bua' nu gandum sangga'at, anu toto kipa-kipak ka' makadampihi' kalana kinonamo nu mombun anu lengkat mae i padang bola.

YEREMIA 32:5

Lapas mae i Zedekia oboamo i Babel ka' jojoongmo kiijo' mae sampe ia Ku hukumo. Maumo ahi' ia mahampatemo mongewa Babel ia madi' ahi' untung. Aku, Tumpu notataemo.”

YEREMIA 4:11

Tempo'nyo tokamo mae mian nu Yehuda tiba mian anu jojoong i Yerusalem mohumpak mo lele koonyo mombun anu mapanas lengkat mae ipadang tampat anu mateges hau-haunyomo tobung mamba hi aha. Mombun aijo' misa' mombun biasa anu ola molahabakon ota',

YEHEZKIEL 17:11

Tumpu notataemo mae hi belengku,

YEHEZKIEL 17:9

Sahingga, Aku, Tumpu Anu Matangkas na Kuasanyo nompokilawamo: Pa' timbali ahi' na kau' anggur aijo' tumuu' ka' mompaka podensu'? Pa' bonyia' anu momona aijo' madi' ahi' monggautakon ia tibamo iwi-iwi' na bakatnyo ka' mohontang bua'nyo iwi-iwi', ka' mompato'i panga'nyo iwi-iwi' ka' mompojohokmo da ia mangkaluale? Madi' palalu mian kabai bansa anu toto hoso-hoson na monggautakon kau'a ijo' sampe toka-toka i bakatnyo.

HOSEA 12:1

Tumpu notatae, “Bansa Israel montikubi mae Aku padahan baleko' ka' mongakali; bansa Yehuda tataap panggaga hi belengku Tumpu Anu Susi ka' manonong.

HOSEA 13:15

Naumo Israel sinanangmo na kantumuu'an nu aha susumo hemput anu molumba' panyo Ku pokauje na mombun nu kabete'an anu mapanas hondo lengkat mae i padang anu mateges. Mombun aijo' na montiisi iwi-iwi na mata nu uee tiba to bubu-bubung. Sahingga manggasmo iwi-iwi' na anu mahan na olinyo.

MATIUS 21:19

Ia nontoa sangkau na kau' ara i sambiha' nu jalan. Ia namba i pu'unnyo, nu kau' aijo', panyo madi' nohumpak sa'angu' pe'e na bua'nyo, boli mompiakon hohonnyo. Lantas i Yesus notatae i kau' aijo', “Oko madi'mo daagi' mimbua'!” Lau-laus kau' ara aijo' nagayou.

MARKUS 11:20

Dodododopnyo daagi' subu-subu, tempo'nyo aha notulu i kau' aijo', aha nontoa kau' ara aijo' inanggasmo toka i baka-bakatnyo.

YOHANES 15:6

Mian anu madi' saja' mosa'angu' tiba Aku, o'alin sumo panga', lantas timbali manggas. To panga-panga' susumo aijo' olimu' ka' olumbu'akon mokiijo' i uno nu apu.

YUDAS 1:12

Tempo'nyo komiu nombau bau-bauon nongkakaan, kalakuan nu mian haha aijo' nonsaduakonmo komiu to'ua. Kalana aha mongkaan mabebes madi' ko ambangnyo, ka' ola mosi tutugi posi butong. Aha sumo sehu' anu nu puhakon nu mombuun, panyo madi' montudunakon ujan. Aha mule' suele sumo kau' anu madi' mimbua' mau mule' lonunyomo nu pimbua'an nu kau'; to kau-kau' anu ginautakonmo na bakatnyo ka' i nanggasmo hondo-hondo.