YEHEZKIEL 16:54 - KITAB NU TUMPU ALLA LELE MA'IMAI'

⁵⁴ Tiba jalan anu sumo aijo' atina'je ka' nu ka'ambangi na posi butong nu beleyum, ka' kasusa'an nu beleyum atina' momponyata' hi to utu-utus nu beleyum taalu' na' ima'mo ahi' hondo na kantumuu'an nu aha.

YEHEZKIEL 16:54 ပူးပေါင်းရင်းမြစ်များ

YEREMIA 2:26

Tumpu notatae, “Susumo anu sola' tomang mongoa'imo ma'ambang salatan ia ihakopmo, sumo aitumo na belemiu iwi-iwi' saidi' mae mongoa'imo ma'ambang o mian Israel, to tomu-tomundo' tiba to mia-mian anu kopangkatnyo, to ima-imam tiba to nabi-nabi nu belemiu!

YEHEZKIEL 16:53

Tumpu notataemo hi Yerusalem, “Sodom tiba Samaria ka' mule' kampung nu aha anu toto ise-ise' po ule'mo Ku pojadi sanang na kantumuu'an nu aha. Lapas aijo' atina'je ka' beleyum suele Ku pojadi sanang na kantumuu'an.

YEHEZKIEL 16:55

Aha tiba kampung toto ise-ise' nu aha saidi' mae po ule'mo sanang na kantumuu'an nu aha, ka' suele beleyum tiba kampung toto ise-ise' nu beleyum.

YEHEZKIEL 16:63

Ku ampunimo na kasala'an nu beleyum iwi-iwi', panyo beleyum na madi' ahi' mongkolilimi ka' beleyum ma ambangmo na montaloakon maumo pa' apaa. Aku, Tumpu Anu Matangkas na Kuasanyo notataemo.”

YEHEZKIEL 32:24

Elam suele kiijo' mae tiba kubulan nu to sulu-suludadunyo montikubi ia. Madi' pinai sunat, aha sinilakamo iwi-iwi' i uno nu pahampatean lantas nintatau'mo i dunia nu mian anu sinilakamo. Tempo'nyo daagi' tutuu' aha saja' mompolubat mae kabuhukan panyo uuka aiya aha sinilakamo ka' tionyo ahi' montanggung ambang hingga-hinggat tiba aha to mia-mian anu sinilakamo i uno nu pahampatean.

YEHEZKIEL 5:7

Tumpu Anu Matangkas na Kuasanyo notatae, “O, Yerusalem, potombihing mae! Beleyum madi'mo nontuluti iwi-iwi na palentang-Ku ka' mule' iwi-iwi na atulan-Ku: beleyum talalo hondo madi' mompajuli nu lingkuduimo na bansa-bansa sangga'at anu mompaha ohani beleyum ka' mule' nontulutimo adat nu bansang haha aijo'.