YEHEZKIEL 16:53 - KITAB NU TUMPU ALLA LELE MA'IMAI'

⁵³ Tumpu notataemo hi Yerusalem, “Sodom tiba Samaria ka' mule' kampung nu aha anu toto ise-ise' po ule'mo Ku pojadi sanang na kantumuu'an nu aha. Lapas aijo' atina'je ka' beleyum suele Ku pojadi sanang na kantumuu'an.

YEHEZKIEL 16:53 ပူးပေါင်းရင်းမြစ်များ

AYUB 42:10

Lapas aijo', salatan i Ayub noko balado'amo nondo'akon aha totolu' na sangalunyo haha aijo', Tumpu po'ule'mo nompokaya ia ka' halata'nyo anu u'utu mae pinopinduannyomo na konjoo'nyo na binee' hi ia.

MAZMUR 126:1

Nyanyian mamba i tampat anu ko balakatnyo. Salatan Tumpu nompo'ule'mo nompoko'ima'i ka'adan nu Yerusalem, kita sumomo anu nongipi!

MAZMUR 14:7

O'amalakon da lengkat mae kiita' i Sion tokamo mae na kasalamatan nu aha Israel! Sahingga lee' mae i Yakub lame'mo de nu po ule'mo nu Tumpu na kantumuu'an nu mian anu palesayamo hi Ia susumo naipuan mae.

MAZMUR 85:1

Anu mongkapalai panyanyi. Mazmur nu aha sa'anakan i Korah.

YESAYA 1:9

De bisuannyo Tumpu Anu Daka' hondo na Kuasanyo madi' nongala aha to pia-piangkuka na mian, kita sinilakamo iwi-iwi' mimbalu-balu' mo Sodom ka' Gomora.

YEREMIA 12:16

De aha totu-totu'umo ahi' na montalima agama nu mian anu palesayamo hi beleng-Ku ka' basumpa'mo ahi' ka' motatae, ‘Tiba sanggo nu Tumpu anu tumuu',’ – susumo naipuan mae aha nongajanmo mian anu palesayamo hi beleng-Ku binasumpa'mo tiba sanggo nu Baal – sahingga aha suele minsoopmo mian anu palesayamo hi beleng-Ku ka' mohumpakmo kantumuu'an anu ma'ima'.

YEREMIA 20:16

Pojohok da mian anu momboa lele aijo' pokakanamo sumo kota-kota' anu ihansunanmo nu Tumpu madi'mo nonginau kalibosan. Pojohokmo da ia mohongo kihis nu mian kalana nalanitmo daagi' subu, tiba ais nu anu nahampatemo sonsu'un sinaa.

YEREMIA 31:23

Tumpu Anu Mahakuasa, Tumpu Allah Israel notatae, “De maluanyo mian anu palesayamo hi beleng-Ku, Ku pojadimo ma'ima' na kantumuu'an nu aha susumo naipuan mae, sahingga ilipu' Yehuda tiba ikampungnyo anu toto ise-ise' ohongo mule' na mian motatae, ‘O amalakon da Tumpu mombalakati puge'nyo anu susi' i Yerusalem tampat samata-mata ola Ia na monjojoongi.’

YEREMIA 46:27

“O mian nu Israel anu palesayamo hi beleng-Ku, boli mabuhuk! Posaihon-Ku i Yakub boli langkakatan! Belemiu tiba lee' nu belemiu Ku posalamatmo lengkat mae ilipu' anu majo'on, tampat pinomboan belemiu. Belemiu minsusule'mo ka' jojoongmo ilipu' nu belemiu ka' madi'mo ko anu mompoposia. Belemiu tumuu'mo ma'ima'; madi'mo daagi' ko anu okabuhuk nu belemiu.

YEREMIA 48:47

Panyo sinaa anu aiya mae i ahop po ule'mo Ku sule'akon na kantumuu'an nu lipu' Moab. Aku, Tumpu notataemo!” Sumo aijo' na anu tionyo ahi' nu bau nu Tumpu hi aha mian nu Moab.

YEREMIA 49:39

Panyo saidi' mae imihinyo kantumuu'an nu aha Elam po ule'mo ahi' Ku potinjo. Aku, Tumpu, notataemo.”

YEREMIA 49:6

Panyo imihinyo mae kantumuu'an nu aha bansa Amon po ule'mo ahi' Ku podaagi'. Aku, Tumpu, notataemo.”

YEHEZKIEL 16:54

Tiba jalan anu sumo aijo' atina'je ka' nu ka'ambangi na posi butong nu beleyum, ka' kasusa'an nu beleyum atina' momponyata' hi to utu-utus nu beleyum taalu' na' ima'mo ahi' hondo na kantumuu'an nu aha.

YEHEZKIEL 26:6

Nu pahuhuakonmo nu aha ka' mule' nu pateimo nu aha na mian anu jojoong i iwi-iwi na kota' itano' nu Tirus. Sahingga nu sumbu'je nu aha mian anu jojoong i Tirus taalu' Akumo ahi' na Tumpu.”

YEHEZKIEL 29:14

Belemiu po ule'mo Ku pokopiani ka' Ku pokaumo jojoong i Mesir bahagian salatan, tano' pinolengkatan nu belemiu mae. Ikiijo' mae belemiu mompotinjomo kalaja'an anu madi' mahoson,

YEHEZKIEL 39:25

Tumpu Anu Matangkas na Kuasanyo notatae, “Panyo uuka aiya po ule'mo Ku kalibosi na aha mian nu Israel lee' i Yakub ka' po ule'mo Ku pokopiani na kantumuu'an nu aha. Tiba jalan anu sumo aijo' na Aku monjagai da sanggong-Ku tataap oholomati.

YOËL 3:1

Tumpu notatae, “Tempo'nyo aijo' Yerusalem tiba Yehuda Ku po ule'mo na kasanangan i uno nu kantumuu'an nu aha.