YEHEZKIEL 16:41 - KITAB NU TUMPU ALLA LELE MA'IMAI'

⁴¹ Nu papuimo nu aha na laigan nu belemiu iwi-iwi' ka' mompokaumo to bou-boune monsakisi hukuman anu opokonamo hi belemiu. Sumo aijo' na Aku mompobelenti palabuatan nu belemiu sasaja' masala'. Beleyum madi'mo daagi' sola' mombagi-bagiakon palasen hi to sinta-sinta nu beleyum.

YEHEZKIEL 16:41 ပူးပေါင်းရင်းမြစ်များ

2 TOMU-TOMUNDO' 25:9

I Nebuzaradan nompapumo Laigan nu Tumpu, laigan nu tomundo' ka' laigan iwi-iwi' nu to mia-mian anu talasanggo i Yerusalem.

AYUB 34:26

Aha i hapa'-Nyomo kalana dosa' nu aha, i ahop nu mian da'isan na Ia nohukum aha.

YESAYA 2:18

To pilo-pilogot imadi'anmo ingko-ingkot.

YESAYA 27:9

Panyo dosa' nu aha Israel ola timbali o, ampuni de mazbah nu to pilo-pilogot ogiling sampe hansun susumo tilon. Iwi-iwi' na anu bau pompapuan kamangian ka' anu molambangakon Pilogot boune Asyera tionyo ahi' suele ohansuni.

YEREMIA 39:8

Hau-haunyo nombau aijo' aha mian nu Babel nompapumo laigan nu tomundo' tiba sinin na laigan nu aha mian da'isan ka' nohobo'akonmo ingko-ingkot na pagan mesen nu kota' Yerusalem.

YEREMIA 52:13

I Nebuzaradan nompapumo Laigan nu Tumpu, laigan nu tomundo' tiba laigan iwi-iwi' nu aha mian anu talasanggo i Yerusalem.

YEHEZKIEL 11:9

Belemiu Ku sabatakonmo mompala'i kota' aiya ka' Ku bee'mo hi mian anu i salipu'an mae. Aku mombee'imo hukuman mate hi belemiu.

YEHEZKIEL 16:33

Samian na boune anu saja' masala' na mohumpak ahi' bau pombayali ia, panyo hi beleyum na madi' ahi' sumo aijo', beleyum mule' ahi' na mombee'i palasen hi to miamian anu monsinta beleyum, pakalaus mule' pagala nu sale'i nu beleyum na aha da obee'ije doi da toka lengkat mae iyaya na tampat ka' moduhusmo tiba beleyum.

YEHEZKIEL 23:10

Ia opakisa na ilanggo'an nu aha lantas pinateanmo nu bajak ka' mule' to ana-anaknyo ingangoan. Iyaya mae na uki'nyo aijo' me saja' bau sisik nu tobou-boune.

YEHEZKIEL 23:27

Sumo aijo' na Aku mompobelenti napisu tala-talalo majota hi mo'ane ka' iwi-iwi' na palabuatan masala' bibinaumo nu beleyum tempo'nyo daagi' kiijo' mae i Mesir. Beleyum madi'mo daagi' taha'iman hi pilogot maumo pa' pilogot anu mosia, kabai tonginau' i Mesir.”

YEHEZKIEL 23:48

Isongko-songko na lipu' Ku tewa'mo na palabuatan pagalanta susumo aijo'. Apaa na anu Ku baumo aiya, timbalimo salaku pokinde' hi to bou-boune da bolimo masala' susumo ua-ua' aha na anu moto utus aijo'.

YEHEZKIEL 37:23

Aha madi'mo daagi' mohenyui butong nu aha nu palabuatan mombau dosa' ka' monsombah to pilo-pilogot anu mohenyui aha. Ku pobebasmo na aha da madi'mo mombau iwi-iwi' na kasala'an anu monsaduakon aha madi'mo mompajuli mae Aku. Ku posusi'mo na aha; aha timbalimo mian anu palesayamo hi belengku ka' Aku Tumpu Allahmo nu aha.

YEHEZKIEL 5:15

De Aku motambuha'mo ka' pusamo hi beleyum ka' mule' mohukumo beleyum, iwi-iwi na bansa anu mompaha ohani beleyum mabuhukmo. Aha saidi' mae mongkokojoimo beleyum ka' bubunmo na montoa beleyum.

YEHEZKIEL 5:8

Sahingga Aku, Tumpu Anu Matangkas na Kuasanyo mompoto'imo saba' Akumo na sampobali' nu beleyum. Beleyum Ku hukumje i ahop nu to bansa-bansa sangga'at.

MIKHA 3:12

Kalana palabuatan nu belemiu anu ma'idek aijo', Sion opajekomo susumo ale'. Yerusalem timbalimo tambulan nu laigan anu i hansunmo ka' mule' puge'nyo aita' pipinombauan Laigan nu Tumpu timbalimo alas ka' hemputonmo.

ZAKHARIA 13:2

I sinaa aijo' Ku sapuimo na sanggo nu to pilo-pilogot i tano' aiya sahingga madi'mo daagi' ko samian na anu monginau'. Iwi-iwi' na mian anu mongakuimo butongnyo nabi Ku laa'mo tiba aha anu sinoku'anmo nu roh anu madi' totu'u.

PO'ULE' INGULIT 13:11

Sahingga iwi-iwi' na bansa Israel mabuhukmo kalana nohongomo lele nompatei aijo' sahingga madi'mo daagi' ko samian na anu mombau kalakuan anu ma'idek sumo aijo'.

PO'ULE' INGULIT 13:16

Iwi-iwi' na halata' nu anu jojoong i kota aijo' tionyo ahi' otoluki ka' opotambun i tanalapang, lantas iwi-iwi' na halata'nyo tionyo ahi' opapui salaku koloban anu osombahkon hi Tumpu Allah nu belemiu. Lapas aijo' opala'imo nu belemiu da timbalimo tampat salaku bau tanda pinompapuan ka' madi'mo timbali daagi' po'ule' opotinjo.

PO'ULE' INGULIT 22:21

jadi boune aijo' tionyo ahi' oboa i sabatan nu laigan nu tu'anyonyo. I tampat aijo' to momo'ane i kota aijo' tionyo ahi' mompahambunu'akon ia nu batu sampe mate. Boune aijo' nombaumo han anu moko ambang bansanto kalana noduhusmo tiba mo'ane sangga'at ma'isa pe'e no'osoa tempo'nyo ia daagi' jinojoong i laigan nu tuumanyo. Tiba jalan anu sumo aijo' belemiu nombaumo sonto' da bolimo ko anu mombau anu ma'idek susumo aijo'.

PO'ULE' INGULIT 22:24

Han aijo' aha tionyo ahi' oboa i sambiha' nu kota ka' opahambunu'akon nu batu sampe mate. Langkoyang aijo' tionyo ahi' opatei kalana ia madi' nolobo' momoita tulung, padahan aijo' binau i uno nu kota, anu timbali o hongo de ia molobo'. Ka' mo'ane aijo' tionyo ahi' opatei kalana ia noduhusmo tiba langkoyang anu ko dohoinyomo. Tiba jalan mohukum ua-ua'aha sumo aijo' belemiu nombaumo sonto' da bolimo ko anu mombau anu ma'idek susumo aijo'.

1 TIMOTIUS 5:20

Mian anu mombau dosa', tionyo opokinde'i i ahop nu iwi-iwi na jama'at, da sangga'at timbali mabuhuk.