YEHEZKIEL 16:32 - KITAB NU TUMPU ALLA LELE MA'IMAI'

³² Beleyum sumo bengkele' nu mian anu madi'mo nongadati langkai'nyo ka' nombaumo anu ma'idek tiba mo'ane sangga'at.

YEHEZKIEL 16:32 ပူးပေါင်းရင်းမြစ်များ

AMSAL 7:19

Langkai'ku madi'ko anu ilaigan hau-haunyo ilumambanan anu majo'on.

YEREMIA 2:25

O Israel bolimo daagi' beleyum mopadeka' lewa' mololoi' pilogot ka' bolimo daagi' lewa' moloboo' molaga aha, dumo ahi' tengke nu beleyum belaon ka' mule' onyopan nu beleyum motismo kalana megotmo. ‘Madi'mo, aku madi'mo bisa minsusule',’ sumo aijo' na tinaloakon nu beleyum, ‘kalana aku nongka'ima'imo pilogot ka' kahanda'mo ahi' mombatuki aha!’ ”

YEREMIA 2:28

Iyamo mae na pilogot nu belemiu anu bibinaumo nu belemiu? De ko kasusa'an, pokau na aha da momposalamat belemiu de memang ahi' aha moko ala! O Yehuda, pilogot nu belemiu sumomo ahi' konjoo'nyo nu kota' nu belemiu!

YEREMIA 3:1

Tumpu notatae, “De samian na bengkele' gina'atakonmo nu langkai'nyo, lantas boune aijo' timbalimo bengkele' nu mian sangga'at, saba' langkai'nyo anu momona aijo' madi'mo timbali po ule' mongala bau bengkele'nyo kalana aijo' timbali mongidei lipu' aiya. Beleyum Israel nanjoo'mo hondo na sindua'an nu beleyum, kadaka' uuka aiya beleyum kahanda' mule' minsusule' mae hi beleng-Ku!

YEREMIA 3:20

Panyo susumo bengkele' anu madi' tulu-tulutan beleyum suele ahi' madi'mo tulu-tulutan hi beleng-Ku. Aku, Tumpu notataemo.”

YEHEZKIEL 16:31

I tampat-tampat anu loas na tano'nyo i uno nu kota' ka' isohipi' nu jalan beleyum nombaumo ponsomban pilogot ka' sola' masala' itampat aijo'. Panyo beleyum misa' sumo mian sangga'at lelewa' masala' anu mompalaui doi.

YEHEZKIEL 16:33

Samian na boune anu saja' masala' na mohumpak ahi' bau pombayali ia, panyo hi beleyum na madi' ahi' sumo aijo', beleyum mule' ahi' na mombee'i palasen hi to miamian anu monsinta beleyum, pakalaus mule' pagala nu sale'i nu beleyum na aha da obee'ije doi da toka lengkat mae iyaya na tampat ka' moduhusmo tiba beleyum.

YEHEZKIEL 23:37

Aha sola'mo nasala' ka' mule' sola'mo nompatei, aha nasala'mo tiba to pilo-pilogot ka' nompateimo to ana-anak-Ku anu ihampeakon nu aha. Anak haha aijo' sinombahkonmo nu aha hi to pilo-pilogot nu aha.

YEHEZKIEL 23:45

Panyo mian anu singkap palesaya totu-totu'u na momputusimo ahi hukuman nu aha anu moto utus aijo' kalana kasala'an masala' ka lewa'mo nompatei kalana aha memang ahi' sinala'mo.”

HOSEA 2:2

Tumpu notatae, “O to ana-anak-Ku, tina nu beleyum misa'mo daagi' bengkele'-Ku, ka' Aku misa'mo langkai'nyo. Kalana aijo' ulusmo na ia, da ia bolimo daagi' masala', ka' bolimo mombau anu moko masala'.

HOSEA 3:1

Tumpu notatae hi belengku, “Lako'mo mule' ka' sindua'i na boune anu mongka'oho' saja' masala'. Sindua'imo na ia susumo Aku suele monsindua'i mian nu Israel maumo aha nompala'imo Aku ka' nonsombahmo to pilo-pilogot ka' mongka'ima'i monsombahkon kukis anu matami' hi pilogot.”

YAKOBUS 4:4

Komiu atina' mian anu madi' mohongo-hongo! Madi' osumbu' miu, de komiu mosangalumo tiba dunia, makia' komiu timbalimo sampo bali' nu Tumpu?