YEHEZKIEL 16:3 - KITAB NU TUMPU ALLA LELE MA'IMAI'

³ Tumpu Anu Matangkas na Kuasanyo nonsaimo mae aku da mompotokakon potuunon aiya hi aha Yerusalem, “O, Yerusalem, beleyum i hampe i tano' Kana'an. Tuuma nu beleyum mian nu Amori ka' tina nu beleyum mian nu Het.

YEHEZKIEL 16:3 ပူးပေါင်းရင်းမြစ်များ

KAJADIAN 11:25

Lapas aijo' i Nahor daagi' tinumuu' 119 na taun, ka' nohumpak mule' to ana-anak sangga'at.

KAJADIAN 11:29

I Abram no'osoa tiba i Sarai, lantas i Nahor no'osoa tiba i Milka anak boune i Haran. I Haran daagi' ko anak mo'ane sangga'at sanggonyo i Yiska.

KAJADIAN 15:16

Salatan patolapismo na anu o lee'akon, to maku-makumpu nu beleyum po'ule'mo minsusule' mae i aiya, kalana Aku madi' molaa' mian nu Amori, de ma'isa pe'e kalakuan nu aha jadimo ma'idek hondo. Sahingga palalumo ahi' o hukum.”

1 TOMU-TOMUNDO' 21:26

I Ahab nombaumo to dosa-dosa' anu talalo ma'idek; ia nonsombahmo pilogot susumo anu lewa' nu bau nu mian Amori, aijo'mo to mia-mian anu i laa'mo nu Tumpu nosabat i Kana'an tempo'nyo mian nu Israel nompinsopimo lipu' aijo'.

2 TOMU-TOMUNDO' 21:11

“I Tomundo' Manasye ma'idek hondo. Kalakuan ma'idek anu binaunyomo nolingkuduimo kalakuan nu mian nu Kana'an. Kalana ia nombaumo hahan anu mompalesaya pilogot, sahingga ia nonsaduakonmo mian nu Yehuda binaladosa'mo.

EZRA 9:1

Salatan iwi-iwi' aijo' binaumo, pa' aha sangkuka na aha to tu'a-tu'anyo nu Israel tinokamo mae hi belengku. Pinoto'i nu aha tukoonyo mian da'isan nu aha Israel, tibamo to ima-imam, ka' to mia-mian nu aha Lewi madi' mosi po'iwi' da boli maninggalo' hi to bansa-bansa anu jojoong i kiijo', aijo'mo bansa Amon, Moab, Mesir, Kana'an, Het, Feris, Yebus ka' Amosi. Aitu mule' to ima-imam ka' to mia-mian nu aha Lewi suele nombaumo kalakuan anu ma'idek anu binaumo nu bansa haha aijo'.

NEHEMIA 9:7

Belentomo na Tumpu Allah, Tumpu Anu Sa'a-sa'angunyomo. Belento nompile'imo i Abram aijo' hi bansanyo. Lipu' Ur kiijo' i Babel pinala ian-Nyomo, kalana posi Belentomo na nolaya' mae ia. Lantas binee'anmo nu Belento na ia sanggo anu bau binau pombolosi: i Abraham, aijo'mo na saja' pinolaga ia mulai tempo'nyo aitu.

YESAYA 1:10

Yerusalem tiba to pola-polaya' ka' bansa nu belemiu tinimbalimo nimbalu-balu'mo mian nu Sodom ka' Gomora. Apaa na anu pinalentahkon nu Tumpu hi belemiu hongo mae; apaa na anu ingajanakonmo nu Tumpu-nto opalahatikan.

YESAYA 43:27

Mompolee' nu beleyum anu momonanyo binaladosa'mo, to pola-polaya' nu beleyum notomuhukmo mae hi beleng-Ku.

YEHEZKIEL 16:2

“O, manusia anu madi' tumuu' batu, soba poto'i hi aha na palabuatan-palabuatan nu Yerusalem anu toto mahu-mahumimi' bibinaunyomo.”

YEHEZKIEL 16:4

Tempo'nyo beleyum i hampe madi' ko anu nompusoi beleyum, kabai nompindi' beleyum kabai nonsauti beleyum nu timuson, kabai nonsabuti nu hude beleyum.

YEHEZKIEL 16:45

Memang beleyum anak boune nu tina nu beleyum. Ia nongka'idekimo langkai'nyo ka' suele to ana-anaknyo. Beleyum suele montiho to utu-utus nu beleyum anu toto bou-boune anu suele mongka'ideki langkai'nyo tiba to ana-anaknyo. Beleyum tiba to utu-utus nu beleyum aijo'mo kota-kota' anu ohani hi beleyum ko tinanyo aha mian nu Het ka' mule' tuumanyo aha mian nu Amori.

YEHEZKIEL 21:30

O, mian nu Amon, po ule' posalung na bajak nu beleyum! Belemiu Ku bee'imo hukuman itampat belemiu pinotimbali ka' pinohampe.

MATIUS 11:24

Inau'mo, Sinaa nu Kiamat sahanyo mian nu Sodom na lebe dengke na o ampuni nu Tumpu, ka' de mule' komiu!”

MATIUS 3:7

Manjoo' suele na mian nu Farisi tiba Saduki tinoka hi Yohanes da o palamandikan. Panyo tempo'nyo ia nontoa aha tinokamo mae ia notatae hi aha, “Komiu mian ma'idek! Ihe na nontaloakon komiu timbali molapas lengkat i hukuman nu Tumpu anu tokaje mae?

LUKAS 3:7

Manjoo' na mian toka hi Yohanes, da o palamandikan. I Yohanes notatae hi aha, “Komiu mian ma'idek! Ihe na nontaloakon komiu madi' mohumpak hukuman lengkat hi Tumpu anu toka mae?

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

EFESUS 2:3

Naipuan mae kita iwi-iwi' suele pokakanamo tiba aha; kita tumuu' nombatukimo tabiat nu mian ka' nombaumo apaa na anu moko sanang butong ka' pikilanto. Tempo'nyo aitu kita singkona to mia-mian anu tinambuha'anmo nu Tumpu. Pokakanamo sumo to mia-mian sangga'at.

PO'ULE' INGULIT 20:17

Susumo anu pinalentahkon nu Tumpu Allah nu belemiu, belemiu tionyo ahi mompatei aha mian nu Het, Amori, Kana'an, Feris, Hewi ka' Yebus.

PO'ULE' INGULIT 7:1

“Tumpu Allah nu belemiu momboamo belemiu mamba i lipu' anu saidi' mae ojojoongimo miu, ka' manjoo' na bansa anu Nu laa' mosabat ikiijo'. I ahop nu mata nu belemiu popitu' na bansa Nu laa' anu lebe daka' ka' lebe mahoson molingkudui belemiu, aijo'mo aha mian nu Het, Girgasi, Amori, Kana'an, Feris, Hewi ka' Yebus.

YOSUA 13:4

Suele anu daagi' tionyo ahi' opatundu'; iwi-iwi' na da'erah Kana'an tiba Meara (anu nu aha bansa Sidon), toka-toka i Afek i potempasan nu da'erah bansa Amori;

YOSUA 24:14

“Jadi, uuka aiya,” koonyo mule' i Yosua, “o'adati na Tumpu. Opalesaya ka' o hongo-hongo na Ia nu kinyonyoa anu totu-totu'u ka' boli panggaga. Bolimo mompalesaya to pilo-pilogot sangga'at anu sinombah nu mompolee' miu naipuan mae tempo'nyo i Mesopotamia ka' i Mesir. Anu opalesaya ka' o hongo-hongo ola samata-mata Tumpu.

1 YOHANES 3:10

Aiya na pompaha sala'annyo, to ana-anak nu Tumpu tiba to ana-anak nu Ibilis; ihehe na madi' mombau pongka'oho' nu Tumpu, kabai madi' mongkalibosi Utusnyo, ia misa' anak nu Tumpu.