YEHEZKIEL 16:23 - KITAB NU TUMPU ALLA LELE MA'IMAI'

²³ Tumpu Anu Matangkas na Kuasanyo notatae, “Silakamo na beleyum! Memang silakamo! Beleyum nombaumo iwi-iwi' na palabuatan anu ma'idek haha aijo'.

YEHEZKIEL 16:23 ပူးပေါင်းရင်းမြစ်များ

YEREMIA 13:27

Tinoang-Kumo na belemiu nombau hahan anu Ku ka'ideki. Tinoang-Kumo na belemiu nololoi' to pilo-pilogot sangga'at ipuge'nyo tiba i ale', sumomo ahi' samian na mo'ane anu nongka'ima'imo bengkele' nu mian sangga'at kabai sumomo ahi' ajahan tinokamo na napisunyo hi ajahan behenyo. O mian anu jojoong i Yerusalem, silakamo na belemiu! Hipianje na belemiu madi'mo mombau palabuatan iwi-iwi' anu ma'idek?”

YEHEZKIEL 13:18

ka' poto'i apaa na anu pinoto'ing-Kumo hi aha, Aku Tumpu Anu Matangkas na Kuasanyo notataemo: ‘Silakamo na belemiu! Belemiu nombaumo galang-galang ajimat, da iwi-iwi' na mian mompake ka' kokudung anu ko rohnyo ma'idek, da mian anu mompake timbali mongkuasai kantumuu'an nu mian sangga'at. Belemiu kahanda' mongkuasai kantumuu'an tiba kapatean nu mian anu palesayamo hi beleng-Ku ka' kakuasa'an aijo' opake nu belemiu da bau posi ka untungan nu belemiu.

YEHEZKIEL 13:3

Tumpu Anu Matangkas na Kuasanyo notataemo, “Silakamo na to nabi-nabi anu singkap ponga' haha aijo'! Pikilannyo ihumpaknyo anu ola pinosi tutugannyo ka' anu tinoanyo madi' ahi' totu'u.

YEHEZKIEL 16:22

I uno nu kantumuu'an nu beleyum anu okahegatimo salaku mian anu saja'masala' susumo aijo', mau sangkiding pe'e madi' tonginau hi beleyum na beleyum daagi' ise' naipuan mae anu ihikuhakonmo, tempo'nyo beleyum langgo-langgo ka' lewa' mongkohenggo ka' kahomo baso' na butong nu beleyum.”

YEHEZKIEL 16:24

Ka' mule' itampat-tampat anu loas na tano'nyo uno nu kota' ka' i sohipi nu jalan beleyum nombaumo ponsomban pilogot ka' sola' masala' itampat aijo'.

YEHEZKIEL 2:10

anu tinulisan sambiha' ka' sambiha'. Lantas binuka'nyomo na lulunan aijo' ka' ikiijo' tinulis lewa' humang, lewa'mo nompele-pele', ka' lewa'mo nongoa'i kasusa'an.

YEHEZKIEL 24:6

Tumpu Anu Matangkas na Kuasanyo notatae, “Silakamo na kota' anu nobuke'mo nu mian anu saja'mo nompatei aijo'! Kota' aijo' sumomo ahi' kuhon anu ingatakonmo anu madi'mo toho' ginegesan. Antok nu binatang anu aijo' i unonyo toto sampadot na osangku' mae sampe mingkotmo iwi-iwi' madi'mo daagi' ko anu kiijo' i unonyo.

ZEFANYA 3:1

Kinutukanmo na Yerusalem kota' anu palaganta anu saja' motomuhuk hi Tumpu ka' anu saja' nomposansala mian anu jojoong ikiijo'!

MATIUS 11:21

“Silaka na komiu, Korazim! Ka' silaka mule' na komiu Betsaida! Ande-andenyo anu okabangangi binau i totonga' miu, binaumo i Tirus ka' i Sidon, tantu to mia-mian i kiijo' mae pininmo na binala tobat i to dosa-dosa' nu aha ka' nompakemo pakean nu adat de ko anu mate, ka' nompotudumo abu' i buan nu ubak.

ANU PINOTO'I HI YOHANES 12:12

Kalana aijo', tionyo ahi' suluga' ka' iwi-iwi' anu jojoong i unonyo, balame-lame'mo! Panyo silaka na dunia ka' ambai, kalana Ibilis nintatau'mo hi komiu ka' pinusamo hondo, kalana nusumbu' saba' tempo'nyo madi'mo daagi' pin.”

ANU PINOTO'I HI YOHANES 8:13

Lantas aku nontoa, ka' aku nohongo sa'angu' na bonyia' anu hau-haunyo laha-lahap matangkas aita' i langa, nontaloakon, “Silakamo! Silakamo! Silakamo iwi-iwi' na mian i dunia de mohongomo totolu' na malaikat sangga'at mompuuhimo tolompetnyo saidi' mae!”