YEHEZKIEL 16:13 - KITAB NU TUMPU ALLA LELE MA'IMAI'

¹³ Sumo aijo' na beleyum pinakeanmo nu mosoni' tiba salaka; baju' nu beleyum te hude lenan na binau tiba sutala anu ko sujinyo. Beleyum timbali mokaan roti anu labu ma'ima' hondo na binau tiba juu' nu uani' anu ma'ima' hondo ka' mule' lanya' nu zaitun. Beleyum talalo ahi' handa ka' mule' beleyum timbalimo tomundo' boune.

YEHEZKIEL 16:13 ပူးပေါင်းရင်းမြစ်များ

KAJADIAN 17:6

Ku bee'ije na beleyum manjoo' na makumpu, ka' hi aha saidi' mae daagi'je ko anu timbali to tomu-tomundo. Lee' nu beleyum timbalimo da'isan, sahingga aha timbalimo to bansa-bansa.

2 SAMUEL 8:15

Sumo aijo' na i Daud nompalentah songko-songko na Israel ka' nu jaga da mian anu nu palentah, opalentah ma'i-ma'ma' adin.

1 TOMU-TOMUNDO' 4:21

Toto sangauwan ko ale' nu anggur ka' ale' nu ara. Tempo'nyo i Salomo dagi' tutuu' mian da'isan i songko-songko Yehuda ka' Israel lengkat mae i Dan toka-toka i Bersyeba kantuumu'an nu aha sinanangmo ka' madi'mo ko anu mompoposia. Kalana iwi-iwi' na tomundo' i sasu kinsoban Efrat nabuhukmo hi ia ka' iwi-iwi' na bansa nu to nega-negara anu mompaha o ohani kalaja'annyo nobela'mo tiba ia. Tano' i sasu kinsoban kaunyo nu Efrat lengkat mae i Tifsah i sohipi' nu kaunyo Efrat lau-laus no kiijo' i sasu kinsoban i kota Gaza i da'erah nu aha Filistin toka-toka i pontempasan tiba Mesir, songko-songko kinuasanmo i Salomo. To bansa-bansa i lipu' aijo' nabuhukmo ka' nombayanmo hasin hi ia. Ngangahan nu anu o kaan anu nu palalui i Salomo sansina-sinaa 5.000 liter labu anu i hihikmo, 10.000 liter labu anu ma'isa i hihik, 10 na sapi' anu opangkunakon, 20 na sapi' anu o polapas i padang, ka' 100 na domba ka' sangga'at mule' jonga kijang, menjangan ka' binatang anu lumahap.

EZRA 4:20

Toho'mo kino to tomu-tomundo anu baani hondo nompalentah i kiijo' ka' nongkuasaimo songko-songko na Propinsi Efrat sasu Kinsoban ka' nombee'imo tanggungan hasin ka' apa-apaa mule' na anu tionyo nubayan nu aha sataun-toka sataun.

EZRA 5:11

Tinaaman nu aha, ‘Kami aiya posaihon nu Tumpu Allah anu mongkuasai songko-songko na dunia. Kami hau-haunyo po'ule'mo mombau Laigan nu Tumpu anu binaumo ka' pinosadiamo na pakakasnyo mopulu-pulu'mo na taun anu i hikuhakonmo nu sa'angu' na tomundo nu Israel anu Talasanggo hondo.

AYUB 29:6

Susu manjoo' hondo na ku humpak i potuu'onku lanya' manjoo' hondo na ku humpak ito kau-kau Zaitun, maumo sinu'an i tano' anu batuon.

MAZMUR 147:14

Ia na monjagai da'erah nu beleyum da sabole-boleh madi' ko anu mompoposia, ka' momposanangmo beleyum nu gandum anu ma'ima' hondo.

MAZMUR 48:2

Memang talasanggo ahi' na Tumpu ka' talalo ahi' opuji', ikota' nu Tumpu, ipuge'nyo anu susi'.

MAZMUR 50:2

Lengkat mae i Sion kota' anu ma'ima' hondo Tumpu tinokamo mae ka' binalasahayamo.

MAZMUR 81:16

Mian anu mongka'ideki mae aku, ku patundu'mo, aha mohumpakmo hukuman sampe toka sidu-sidutu'.

YESAYA 64:11

Laigan nu Tumpu anu susi' ka' mule' talasanggo, tampat nu mompolee' mami sola' mompuji' Belento, tinanggotanmo nu apu; iwi-iwi' na tampat anu oka'ima'i mami singkapmo na'idek.

YEREMIA 13:20

Tumpu notataemo hi aha anu jojoong i Yerusalem, “Palahatikan! Iwi-iwi' na sampobali' nu belemiu hau-haunyomo mae tinoka lengkat mae isasu utara! Iyamo mae na to mia-mian anu tionyo ahi' ojagai nu belemiu ka' anu ahi' talalo takabunakon nu belemiu aijo'.

MOHAANGI 2:15

Iwi-iwi' na anu motulu mongalu beleyum, kalana ihansunmo songko-songko na beleyum Aha naha lilokanmo ka' notatae, “Te aijo'mo na kota' anu talalo hondo ma'ima' kota'anu nunu buulakon nu dunia?”

YEHEZKIEL 16:10

Lapas aijo' pinopusok-Kumo na baju' anu kosujinyo hi beleyum ka' mule' sapatu to kilit anu ma'ima' hondo na binau, ka' mule sigut te hude lenan na binau ka' mule' juba' te sutala' na binau.

YEHEZKIEL 16:17

Te pakean mosoni' tiba salaka anu binee'-Kumo hi beleyum, binaumo nu beleyum patong to momo'ane lantas nu pasala'imo na patong haha aijo'.

YEHEZKIEL 16:19

Binee'an-Kumo anu okaan na beleyum labu anu ma'ima' hondo, juu' nu uani' tiba lanya' nu zaitun anu ma'ima' hondo madi' ko galo'nyo. Panyo iwi-iwi' aijo' sinombahkonmo nu beleyum hi pilogot haha aijo' da bau pomposanang kinyonyoa nu aha. Aku, Tumpu Anu Matangkas na Kuasanyo notataemo.

YEHEZKIEL 23:40

Ka' mule' aha nompakatumo sulat bau polaga to momo'ane ilipu' anu toto jo'o-jo'on ka' aha mae kiijo' nambamo mae ahi'. Ua-ua'aha na anu moto utus aijo' nindi'mo kalana montalimamo aha anu ilagamo mae, ka' nompakemo cilak na mata ka' mule' nompakemo palahiasan-palahiasan na aha.

YEHEZKIEL 27:16

To pada-padagang lengkat ilipu' Siria nongolimo bala-balang anu nu podagang nu beleyum ka' mule' kakaya'an sangga'at anu manjoo' hondo atina' hi beleyum. Nu bayan nu aha nu batu mainan te batu zamrud, hude momea' mingka mumu', hude anu pinaha suji, hude lenan anu ma'ima' hondo, mainan te batu koral, ka' batu momea' susumo dalima.

HOSEA 2:5

Tina nu beleyum masala' ka' madi' monsumbu' ma'ambang. Ia notatae, ‘Aku mamba hi to sindu-sindu'anku anu nombee'imo aku anu okaan ka' anu o inum, hude wol ka', hude lenan, lanya' nu zaitun tiba anggur'.’

PO'ULE' INGULIT 8:8

Lipu' aijo' hasinnyo lupa-lupa na gandum, anggur, bua'nyo nu ara, bua' nu dalima, kau' zaitun ka' juu' nu uani'.

1 SAMUEL 10:1

Lapas aijo' i Samuel nongalamo boton anu ko isinyo minya-minya' zaitun lantas dinudu'akonnyomo na minya-minya' aijo' hi ubak i Saul ka' ingokannyomo na i Saul ka' notatae, “Tumpu nohangkatmo ka'nombalakatimo beleyum da timbalimo tomundo' hi aha mian Israel anu pinalesayamo hi Ia. Beleyum mompalentahmo mian anu pinalesayamo hi Ia ka' montoamo aha da boli nu kabisa'i nu sampo bali' nu aha. Aiya na timbali tanda saba' beleyum pinile'anmo nu Tumpu, beleyum timbalimo tomundo' hi aha mian anu pinalesayamo hi Ia.

1 SAMUEL 12:12

Panyo salatan belemiu nontoamo taalu' belemiu nu tumbuhimo i Nahas tomundo' nu aha Amon, belemiu madi'mo nongakui Tumpu salaku tomundo' nu belemiu ka' nompoto'imo hi belengku, 'Kami mongka'oho' mo da opalentahmo nu samian na tomundo.'